लॉस बनॉस, फिलिपिन्स : जगासमोर आज गरिबी आणि भूक व कुपोषणाची सर्वांत मोठी समस्या आहे. याचा सामना करण्यासाठी प्रमुख धान्य पिकांची लागवड आणि धान्योत्पादनवाढ करावी लागणार आहे, असे प्रतिपादन पंतप्रधान नरेंद्र मोदी यांनी सोमवारी (ता. 13) केले.
पंतप्रधानांनी सोमवारी येथील आंतरराष्ट्रीय भात संशोधन संस्थेला भेट दिली. येथील जीन बॅंकेमध्ये दोन भारतीय मुळाचे भात वाण भेट म्हणून दिले. त्यानंतर मनिला येथे मोदी यांनी भारतीय शास्त्रज्ञांना संबोधित केले. पंतप्रधान म्हणाले, की येथील भात संस्थेत काम करणाऱ्या शास्त्रज्ञ, संशोधक आणि विद्यार्थ्यांना भेटून आनंद झाला आहे. भारतातील आयसीएआर आणि फिलिपिन्सचे आयआरआरआय गेल्या चार दशकांपासून एक दुसऱ्याला सहकार्य करत आहेत. भात संस्थेच्या नियोजन, व्यवस्थापन आणि अंमलबजावणीसारख्या अनेक महत्त्वपूर्ण बाबींमध्ये भारताचेही मत विचारात घेण्यात येत असते. भूक, कुपोषण यासारख्या समस्यांवर अधिक उत्पादनक्षम धान्यपिकांची लागवड हा उपाय आहे.
परराष्ट्र व्यवहाराचे प्रवक्ते रविश कुमार यांनी या वेळी "आयआरआरआय'च्या सहकार्याने ओडिशातील दोन लाख महिला शेतकऱ्यांना क्षमतावृद्धी आणि सुधारित कृषी तंत्रज्ञानाची मदत केली जाणार असल्याचे स्पष्ट केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.