एफआरपी द्या, काटामारी रोखा : बच्चू कडूंचा साखर आयुक्तालयावर ‘प्रहार’ !

 एफआरपी, काटामारी रोखा : बच्चू कडूंचा साखर आयुक्तालयावर ‘प्रहार’ !
एफआरपी, काटामारी रोखा : बच्चू कडूंचा साखर आयुक्तालयावर ‘प्रहार’ !

पुणे :  राज्यातील ऊस उत्पादक शेतकऱ्यांची थकीत एफआरपी व साखर कारखानदारांकडून होणाऱ्या काटामारीच्या विरोधात आमदार बच्चू कडू यांनी साखर आयुक्तालयात आंदोलन केले. कार्यकर्त्यांनी आयुक्तांना घेराव टाकला तर काही थेट साखर संकुलच्या इमारतीवर चढल्यामुळे पोलिसांची धावपळ झाली.   आ. कडू यांनी साखर आयुक्त शेखर गायकवाड यांच्यासोबत आज (सोमवारी) मुद्देसुद चर्चा केली. यावेळी आयुक्तांच्या चारही बाजुंनी कार्यकर्ते जमा झाले होते. शोलेस्टाईल आंदोलनाची खासियत असलेल्या प्रहारचे काही कार्यकर्ते आयुक्तालयाच्या टेरेसवर चढल्यामुळे पोलिसांची धावपळ झाली.   बच्चू कडूंच्या नेतृत्वाखाली एफआरपीची विचारणा करताना शेतकरी.. पहा video “शेतकऱ्यांवर अन्याय केला जात असून एफआरपी थकविणाऱ्या कारखान्यांना सरकार पाठिशी घालते आहे. सहकारमंत्र्याच्याच कारखान्याने कोटयवधी रुपये थकविले आहे. कारखान्यांची काटामारी थांबली नाही तर एक महिन्यानंतर सहकारमंत्र्यांची गाडी अडवली जाईल,’’ असा इशारा आ.कडू यांनी यावेळी दिला.   एफआरपी वसुलीसाठी पथक तयार करावे व संचालकांच्या मालमत्ता जप्त कराव्यात, काटामारी विरोधात समिती तयार करावी तसेच फौजदारी कारवाई व्हावी, ऊस न नेल्यास दंडात्मक कारवाई करावी, अशा जोरदार मागण्या आयुक्तांसमोर मांडल्या गेल्या.   साखर आयुक्त यावेळी म्हणाले की, हंगाम सुरू असतानाच ९४ टक्के एफआरपी देण्यात आली आहे. उर्वरित पेमेंटसाठी प्रय़त्न सुरू आहेत. ऑनलाईन कामकाज वाढविण्याचा निर्णय घेण्यात आला आहे. कारखान्यांमधील गैरप्रकारावर नियंत्रण ठेवण्यासाठी ॲप्लिकेशन देखील तयार केले जात आहे. काटामारी व उतारा नोंद यात पारदर्शकता आणण्यासाठी उपाय सुचविले जातील.”

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com