"आमदारांची राहुटी आपल्या गावात ' : आमदार बच्चू कडूंचा उपक्रम

"आमदारांची राहुटी आपल्या गावात ' : आमदार बच्चू कडूंचा उपक्रम
"आमदारांची राहुटी आपल्या गावात ' : आमदार बच्चू कडूंचा उपक्रम

अकोला : शासन व प्रशासकीय यंत्रणेच्या गलथान कारभारामुळे सर्वसामान्य जनतेची होत असलेली कुचंबणा थांबविण्यासाठी प्रहार संघटनेचे संस्थापक अध्यक्ष आमदार बच्चू कडू यांनी "आमदारांची राहुटी आपल्या गावात' हा अभिनव उपक्रम सुरू केला आहे. या उपक्रमातंर्गत आमदार कडू विविध विभागांच्या अधिकाऱ्यांसह मतदार संघातील प्रत्येक गावात जाऊन जनतेच्या प्रलंबीत समस्या, प्रश्न सोडवित आहेत.  महाराष्ट्राच्या राजकीय पटलावर बच्चू कडू म्हणजे एक वेगळेच रसायन म्हणून ओळखले जाते. शेतकरी, मजूर, कामगार, कर्मचारी, दिव्यांग आणि सर्वसामान्य जनतेच्या न्याय हक्कासाठी अनेक नाविन्यपूर्ण आंदोलने करून अन्यायग्रस्तांना न्याय मिळवून देण्यासाठी त्यांची नेहमीच धडपड सुरू असते. 

सर्वसामान्य जनतेला आपले प्रलंबीत प्रश्न, समस्या सोडविण्यासाठी शासकीय कार्यालयाचे उबंरठे झिजवावे लागतात. मात्र, शासन व प्रशासकीय यंत्रणेच्या वेळकाढू धोरणांमुळे समस्या सुटत नसल्याचे चित्र अनेक कार्यालयात पहायला मिळते. सर्वसामान्य जनतेची होणारी अशी कुचंबना थांबविण्यासाठी आमदार बच्चू कडू यांनी "आमदारांची राहुटी आपल्या गावात' हा अभिनव उपक्रम सुरू केला आहे. 

या उपक्रमातंर्गत आमदार बच्चू कडू विविध विभागाच्या अधिकाऱ्यांसह स्वतः गावात जाऊन सर्वसामन्य जनतेचे प्रश्न सोडवित आहेत. एक जानेवारी पासून सुरू झालेला हा उपक्रम सहा फेब्रुवारी 2018 पर्यंत राबविण्यात येणार आहे. या उपक्रमातंर्गत अचलपूर व चांदूर बाजार तालुक्‍यातील प्रत्येक गावातील 60 वर्षावरील ज्येष्ठ नागरिकांना पासपोर्ट फोटो देणे, संजय गांधी निराधार योजना, नवीन रेशनकार्ड, जीण झालेल्या रेशनकार्डचे नूतनीकरण, शेतीच्या कागदपत्रातले बादल, श्रावणबाळ निराधार योजनेसह विविध शासकीय योजनांचा लाभ मिळवून देण्यात येत आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com