मॉन्सून एक्सप्रेस ६ जूनला केरळात, महाराष्ट्रात ११ला

नवी दिल्ली : संपूर्ण देशाचे लक्ष लागून असलेल्या मॉन्सूनचे आगमन सर्वसाधारणच्या तुलनेत काहीसे उशिरा होणार आहे. मॉन्सून ६ जूनला केरळात दाखल होणार असून, यानंतर पाच दिवसांनी (११ जून) महाराष्ट्रात दाखल होण्याचा अंंदाज भारतीय हवामान विभागाने व्यक्त केला आहे. सर्वसाधारणपणे केरळात १ जूनला मॉन्सून दाखल होण्याचे संकेत असतात. काही वेळा तो आधी तर काही वेळा नंतरही दाखल होतो. यंदाही मॉन्सून पाच दिवस उशिरा दाखल होईल. यातही चार कमी-अधिक दिवसांची तफावत धरली जाते. आगमन उशिर होण्यात स्थानिक स्थितीतील हवामानातील बदलांचा सतत होणार प्रभाव मॉन्सून मार्ग प्रभावित करत असतो, यामुळे मॉन्सूनच्या निर्धारित तारखेपेक्षा कालावधीत फरक पडतो.