Agriculture news in Marathi, Monsoon, rain, Imd | Agrowon

हलक्या सरींची शक्यता
टीम अॅग्रोवन
गुरुवार, 31 ऑगस्ट 2017

मुंबईसह सध्या राज्यभरात पावसाचा जोर ओसरला आहे. ३ सप्टेंबरपर्यंत राज्यात हलका ते मध्यम पाऊस होण्याचा हवामान विभागाचा अंदाज आहे. 

पुणे : गेल्या दोन ते तीन दिवसांपासून पावसाने राज्यातील अनेक भागांत जोरदार हजेरी लावली. बुधवारी (ता.३०) कोकणात काही ठिकाणी पाऊस पडला. मध्य महाराष्ट्र, मराठवाडा व विदर्भात काही ठिकाणी ढगाळ, तर अनेक ठिकाणी ऊन पडल्याचे चित्र होते.

गेले चार ते पाच दिवस झालेल्या जोरदार पावसामुळे कापूस, तूर, मूग, उडीद, बाजरी, कोकणातील भात या पिकांना दिलासा मिळाला असून पिकेही वाढीच्या अवस्थेत आहे. मुंबईसह सध्या राज्यभरात पावसाचा जोर ओसरला आहे. येत्या ३ सप्टेंबरपर्यंत राज्यात हलका ते मध्यम पाऊस होण्याचा हवामान विभागाचा अंदाज आहे. 

सध्या गुजराच्या मध्य भाग व लगतच्या काही भागांवर असलेले ठळक कमी दाबाचे क्षेत्र सौराष्ट्र व लगतच्या गुजरात प्रदेशाच्या उत्तरेकडील भागात आहे. तसेच कर्नाटक ते केरळ किनारपट्टीवर द्रोणीय क्षेत्र आहे. त्यामुळे या भागात जोरदार पाऊस पडण्याचा अंदाज आहे. मात्र मंगळवारी (ता.२९) कोकणातील अनेक ठिकाणी कोकण आणि मध्य महाराष्ट्रातील काही ठिकाणी अतिवृष्टी झाली असून, अनेक ठिकाणी जोरदार पाऊस पडला. मुंबईत (सांताक्रूझ) सर्वाधिक ३३० मिलिमीटर पाऊस पडल्याची नोंद बुधवारी (ता. ३०) सकाळी आठ वाजेपर्यंत झाली.

कोकणातील अनेक भागांत मुसळधार पाऊस पडला. तर काही ठिकाणी जोरदार पाऊस पडला. घाटमाथ्यावरही जोरदार पाऊस पडला. मुंबई, पालघर, ठाणे, पेण, माथेरान, भिरा, वसई, सुधागडपाली, उल्हासनगर येथे मुसळधार पाऊस पडला. रायगड जिल्ह्यातील चौल, रामराज, पोयान्जे, कर्नाळा, खडव, कशाळे मंडळातही मध्यम ते जोरदार पाऊस पडला. रत्नागिरी जिल्ह्यातील कळकावने, शिरगाव, जैतापूर, नाते, सिंधुदुर्ग जिल्ह्यातील पाटगाव, बापर्डे, सांगवे, येडगाव, निर्मळ, मनोर, अंगरवाडी, खोडला मंडळांतही जोरदार पाऊस पडला. उर्वरित ठिकाणीही हलका ते मध्यम स्वरूपाचा पाऊस पडला.  जोरदार पावसाचा फायदा भात पिकांना झाला असून, भात पिके वाढीच्या ते फुटवे फुटण्याच्या तर काही ठिकाणी लवकर लागवड झालेल्या भात पिके पोटरीच्या अवस्थेत असून, पुनर्लागवड झालेल्या भात पिकांची वाढ जोमदार आहे.

हलक्‍या सरींचा अंदाज 
राज्यातील काही भागांत हवेचे दाब वाढत असल्याने पावसाचा जोर कमी होत आहे. येत्या रविवार (ता. ३) पर्यंत कोकण, गोव्यात बऱ्याच ठिकाणी हलका पाऊस पडण्याची शक्‍यता आहे. तसेच मध्य महाराष्ट्र, मराठवाडा व विदर्भात काही ठिकाणी हलक्‍या सरी बरसण्याचा अंदाज आहे. आज (गुरुवारी) कोकण, गोव्यात तुरळक ठिकाणी मुसळधार पाऊस पडण्याची शक्‍यता हवामान विभागाच्या सूत्रांनी वर्तविली. 

बुधवारी (ता. ३०) सकाळी आठ वाजेपर्यंत झालेला पाऊस ः मिलिमीटरमध्ये ः कोकण ः मुंबई ३३०, पालघर २८०, ठाणे, २५०, पेण २००, माथेरान १९०, भिरा, वसई १४०, सुधागडपाली, उल्हासनगर १३०, बेलापूर १२०, अंबरनाथ, कर्जत, खालापूर, म्हसळा, वाडा ६०, कणकवली, मुरबाड, सावंतवाडी, वेभववाडी ५०.
मध्य महाराष्ट्र ः लोणावळा २१०, महाबळेश्वर ११०, राधानगरी ९०, धाडगाव ८०, हरसूल, इगतपुरी, नंदुरबार, पेठ ७०, पन्हाळा ६०
मराठवाडा ः देवणी ५०, उस्मानाबाद ३०, औसा, लातूर, रेणापूर, उमरगा २०, अहमदपूर, आष्टी, भूम, बिल्लोली, चाकूर, देगलूर, धर्माबाद, जळकोट, किनवट, लोहार, मुखेड, नायगाव, खैरगाव, निलंगा, परभणी, शिरूर अनंतपाल, सोयेगाव, उदगीर १०, 
विदर्भ ः रामटेक ८०, चिमूर, खामगाव, कुही, ६०, चंद्रपूर, चिखलदरा, कामठी, मालेगाव, मलकापूर, मोरसी ५०, वरूड ४०. 

इतर ताज्या घडामोडी
संजय धोत्रे चौथ्यांदा लोकसभा...अकोला :  लोकसभा निवडणुकीची रणधुमाळी सुरू...
लोकसभा निवडणुकीसाठी आतापर्यंत ७१...मुंबई : लोकसभा निवडणूक २०१९ अंतर्गत आज पहिल्या व...
शेती, बेरोजगारी, वाहतूक कोंडी प्रश्‍...पुणे : जिल्ह्यातील ‘शेतीसंपन्न’ आणि ‘औद्योगिक...
भाजपच्या चार विद्यमान खासदारांचा पत्ता...मुंबई : लोकसभा निवडणुकीसाठी भाजपाने...
सातारा : प्रमुख धरणांतील पाणीसाठ्यात घटसातारा : कमी पर्जन्यमानाचा परिणाम...
दक्षिण महाराष्ट्रात पक्षांपेक्षा ‘...कोल्हापूर: राज्याच्या इतर भागांप्रमाणे दक्षिण...
पिनाकीचंद्र घोष लोकपालपदीनवी दिल्ली : राष्ट्रपती रामनाथ कोविंद यांनी...
व्हाइस ॲडमिरल करमबीरसिंह नवे नौदलप्रमुखनवी दिल्ली: व्हाइस ॲडमिरल करमबीरसिंह यांची भारतीय...
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
सोलापुरात गाजर, काकडीला उठावसोलापूर ः सोलापूर कृषी उत्पन्न बाजार समितीच्या...
हवामान बदलाशी सुसंगत उपाययोजनांचा शोध...सध्या हवामान बदलाचा परिणाम शेतीवर दुष्काळ, गारपीट...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...