मॉन्सूनचे अंदमानातील आगमन लांबणार?

मॉन्सूनचे अंदमानातील आगमन लांबणार? : हवामान विभाग
मॉन्सूनचे अंदमानातील आगमन लांबणार? : हवामान विभाग

पुणे : देशातील शेतकऱ्यांमध्ये उत्सुकता लागून असलेल्या नैऋत्य मोसमी वाऱ्यांचे (मॉन्सून) साधारणत: २० मे रोजी अंदमान-निकोबार बेटांवर आगमन होते. त्यापूर्वी दक्षिण अंदमान समुद्रामध्ये १५ मेच्या दरम्यान हे वारे दाखल होत असतात. मात्र, सध्यातरी दक्षिण अंदमान समुद्रात मॉन्सून वाऱ्यासाठी पोषक स्थिती नसल्याने अंदमान-निकोबार बेटांवरही त्यांचे आगमन लांबण्याची शक्यता आहे.  देशात माॅन्सूनची वाटचाल होण्यापर्वी सर्वांत आधी बंगालच्या उपसागरात वाऱ्यांची प्रगती होते. यात अंदमान-निकोबार बेटांवर मॉन्सूनच्या पावसाच्या सरी येतात. त्यानंतर बंगालच्या उपसागरातून मजल दरमजल करत वारे उत्तरेकडे पुढे जातात. तर मॉन्सूनची दुसरी शाखा अरबी समुद्रावरून पुढे सरकत दीर्घकालीन सरासरीनुसार एक जून रोजी केरळमधून देशात प्रवेश करते.  मॉन्सून केरळमध्ये दाखल झाल्यानंतर त्याची पुढील वाटचाल स्पष्ट होते. साधारणत: सात जूनपर्यंत कोकणपर्यंत पोचणारा मॉन्सून १० जूनपर्यंत महाराष्ट्राचा बहुतांशी भाग व्यापतो. यंदाच्या मॉन्सून हंगामात सरासरीच्या ९७ टक्के म्हणजेच सरासरी इतका पाऊस पडण्याचा अंदाज हवामान खात्याने या पूर्वीच वर्तविला आहे. त्यामुळे शेतकऱ्यांच्या अशा पल्लवीत झाल्या असून, मॉन्सूनच्या आगमनाकडे लक्ष लागून आहे.  मॉन्सून १५ मेच्या अासपास दक्षिण अंदमान समुद्रात येत असतो. मात्र, १४ तारीख उलटूनही मॉन्सूनच्या तेथे आगमनाची शक्यता दिसत नाही. सध्याची स्थिती पाहता अंदमानात मॉन्सूनच्या आगमनासाठी आणखी एक ते दोन दिवसांचा उशीर होण्याची शक्यता आहे.  - ए. के. श्रीवास्तव, वरिष्ठ हवामान शास्त्रज्ञ, हवामान अंदाज

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com