agriculture news in marathi, Monsoon session of Parliament from July 18 to Aug 10 | Agrowon

संसदेचे पावसाळी अधिवेशन १८ जुलै ते १० ऑगस्ट
सकाळ न्यूज नेटवर्क
मंगळवार, 26 जून 2018

नवी दिल्ली ः संसदेचे पावसाळी अधिवेशन १८ जुलै ते १० ऑगस्ट या कालावधीत होणार आहे. या अधिवेशनात सहा अध्यादेशांचे कायद्यात रूपांतर करणे, तोंडी तलाक विधेयक आणि ओबीसी आयोगाला घटनात्मक दर्जा देणारे घटनादुरुस्ती विधेयक मंजूर करण्यास सरकारचे प्राधान्य असेल.

नवी दिल्ली ः संसदेचे पावसाळी अधिवेशन १८ जुलै ते १० ऑगस्ट या कालावधीत होणार आहे. या अधिवेशनात सहा अध्यादेशांचे कायद्यात रूपांतर करणे, तोंडी तलाक विधेयक आणि ओबीसी आयोगाला घटनात्मक दर्जा देणारे घटनादुरुस्ती विधेयक मंजूर करण्यास सरकारचे प्राधान्य असेल.

केंद्रीय मंत्रिमंडळाच्या संसदीय कामकाज विषय समितीच्या आज झालेल्या बैठकीनंतर संसदीय कामाकाज मंत्री अनंतकुमार यांनी अधिवेशनाच्या वेळापत्रकाची घोषणा केली. संसद भवन परिसरात गृहमंत्री राजनाथसिंह यांच्या अध्यक्षतेखाली ही बैठक झाली. पावसाळी अधिवेशनात शनिवार आणि रविवार वगळता अन्य सुट्या नसल्यामुळे दोन्ही सभागृहांच्या १८ बैठका होतील. त्यात सहा अध्यादेशांचे कायद्यात रूपांतर केले जाईल; तसेच राष्ट्रीय ओबीसी आयोगाला घटनात्मक दर्जा देण्याचे १२५वी घटनादुरुस्ती विधेयक, वैद्यकीय शिक्षणाशी संबंधित राष्ट्रीय आयोग स्थापनेचे विधेयक, तोंडी तलाकच्या प्रथेपासून मुस्लिम महिलांना कायद्याने सुरक्षा देणारे विधेयक, याव्यतिरिक्त ग्राहक हक्क संरक्षण विधेयक, शिक्षण हक्क कायदा आणि राष्ट्रीय शिक्षण संशोधन आणि प्रशिक्षण संस्थेशी (एनसीईआरटी) संबंधित विधेयक, ट्रान्सजेंडर विधेयक ही विधेयके मंजुरीसाठी सभागृहात मांडली जातील. अधिवेशन सुरळीत चालावे आणि सार्थक कामकाज व्हावे, यासाठी विरोधकांच्या सहकार्याची अपेक्षा असल्याचे अनंतकुमार यांनी सांगितले.

संसदेचे अर्थसंकल्पी अधिवेशन अविश्‍वास प्रस्तावावरून झालेल्या गदारोळामुळे वाया गेले होते. तेलुगू देसम पक्षाने सत्ताधारी "एनडीए'ला सोडचिठ्ठी देऊन थेट सरकारवर अविश्‍वास आणला होता; तर वायएसआर कॉंग्रेस, कॉंग्रेस, मार्क्‍सवादी कम्युनिस्ट पक्षानेही अविश्‍वास ठराव आणला होता. आता पावसाळी अधिवेशनात अविश्‍वास ठरावाची पुनरावृत्ती झाल्यास सरकारची काय तयारी आहे, असे विचारले असता, विरोधी पक्षांकडून उपस्थित होणाऱ्या सर्व मुद्द्यांना उत्तर देण्याची मोदी सरकारची तयारी असल्याचे अनंतकुमार यांनी स्पष्ट केले.

सरकारला कोणताही विषय टाळायचा नाही आणि अविश्‍वास ठरावासह सर्व मुद्द्यांवर चर्चेची तयारी आहे.
- अनंतकुमार, संसदीय कामकाज मंत्री

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...