मॉन्सूनच्या वाटचालीस पोषक स्थिती

संग्रहित छायाचित्र
संग्रहित छायाचित्र

पुणे   : अरबी समुद्रात गुजरातच्या किनाऱ्यावर असलेल्या ‘वायू’ चक्रीवादळामुळे मॉन्सूनच्या वाटचालीवर परिणाम झाला. त्यानंतर मॉन्सूनचे प्रवाह सुरळीत होऊ लागले आहेत. शुक्रवारी कर्नाटकात थोडी चाल केल्यानंतर मॉन्सूनच्या पुढील वाटचालीस पोषक स्थिती निर्माण झाल्याने  उद्यापर्यंत (ता. १७) संपर्ण तमिळनाडू व्यापून कर्नाटकाच्या आणखी काही भागांत मॉन्सूनची प्रगती शक्य असल्याचे हवामान विभागाने स्पष्ट केले आहे.  

‘वायू’ चक्रीवादळामुळे थांबलेला उत्तरेकडील प्रवास सुरू करत नैर्ऋत्य मोसमी वाऱ्यांनी (मॉन्सून)  शुक्रवारी (ता. १४) दक्षिण कर्नाटकच्या मंगळूर, मैसूर, तमिळनाडूतील सालेम, कुड्डालोरपर्यंत मजल मारली. ईशान्य भारतातील त्रिपुरा, असाम आणि अरुणाचल प्रदेश राज्याच्या काही भागांत मॉन्सून दाखल झाला. उद्यापर्यंत संपूर्ण तमिळनाडूसह कर्नाटकाचा आणखी काही भाग, मध्य अरबी समुद्र आणि पूर्व भारतातील सिक्कीम आणि पश्चिम बंगालच्या उत्तर भागात मॉन्सून दाखल होण्याची शक्यता आहे.

‘वायू’ चक्रीवादळ सौराष्ट्र, कच्छकडे सरकणार अरबी समुद्रात गुजरातच्या किनाऱ्यालगत घोंघावत असलेले अतितीव्र वायू चक्रीवादळ हळूहळू ओसरत आहे. रविवारपर्यंत (ता. १६) वादळाची तीव्रता आणखी कमी होणार आहे. शनिवारी (ता. १५) सकाळी साडेआठ वाजता हे वादळ गुजरातच्या किनाऱ्यावरील पोरबंदरपासून पश्चिमेकडे २७५ किलोमीटर, वेरावळपासून ३३० किलोमीटर, तर दीवपासून ३८५ किलोमीटर पश्चिमेकडे होते. हे वादळ सोमवारी सायंकाळपर्यंत निवळणार असून, तीव्र कमी दाब क्षेत्राची ही प्रणाली सौराष्ट्र आणि कच्छकडे जाण्याचा इशारा देण्यात आला आहे. या वेळी या भागात ताशी ४० ते ६० किलोमीटर वेगाने वाहणाऱ्या वाऱ्यांसह जोरदार पावसाची शक्यता आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com