agriculture news in marathi, moong and urad purchase centers, parbhani | Agrowon

नांदेड, परभणी, हिंगोलीत मूग, उडीद खरेदीसाठी ११ केंद्रे
माणिक रासवे
शनिवार, 7 ऑक्टोबर 2017

परभणी : राज्यात नाफेडतर्फे केंद्र शासनाने निश्चित केलेल्या हमीभावाने २०१७-१८ च्या खरेदी हंगामात मूग, उडीद, तूर आदी कडधान्य तसेच सोयाबीन आदी शेतमालाची खरेदी प्रक्रिया आॅनलाइन पद्धतीने राबविण्यात येणार आहे. मंगळवारपासून (ता.३) नांदेड, परभणी आणि हिंगोली जिल्ह्यातील ११ ठिकाणांच्या केंद्रांवर नोंदणी सुरू झाल्याची माहिती जिल्हा मार्केटिंग अधिकारी कार्यालयाच्या सूत्रांनी दिली.

परभणी : राज्यात नाफेडतर्फे केंद्र शासनाने निश्चित केलेल्या हमीभावाने २०१७-१८ च्या खरेदी हंगामात मूग, उडीद, तूर आदी कडधान्य तसेच सोयाबीन आदी शेतमालाची खरेदी प्रक्रिया आॅनलाइन पद्धतीने राबविण्यात येणार आहे. मंगळवारपासून (ता.३) नांदेड, परभणी आणि हिंगोली जिल्ह्यातील ११ ठिकाणांच्या केंद्रांवर नोंदणी सुरू झाल्याची माहिती जिल्हा मार्केटिंग अधिकारी कार्यालयाच्या सूत्रांनी दिली.

तेलबिया आणि कडधान्याची खरेदी प्रक्रिया आॅनलाइन पद्धतीने राबविण्यात येणार आहे. त्यासाठी शासकीय खरेदी केंद्रांवर शेतमाल विक्रीसाठी आणण्यापूर्वी शेतकऱ्यांना संबंधित खरेदी विक्री केंद्रावर नोंदणी करावी लागणार आहे.

नांदेड जिल्ह्यातील बिलोली, धर्माबाद, देगलूर एकूण ३, परभणी जिल्ह्यातील परभणी, सेलू, मानवत, गंगाखेड येथील तालुका खरेदी-विक्री संघाकडे; तसेच जिंतूर येथील कृषी उत्पन्न बाजार समिती एकूण ५, हिंगोली जिल्ह्यातील हिंगोली, जवळा बाजार (ता. औंढा नागनाथ), वसमत एकूण ३, तीन जिल्ह्यांतील एकूण ११ ठिकाणी संबंधित बाजार समितीच्या कार्यक्षेत्रातील शेतकऱ्यांना २०१७-१८ मध्ये पेरणी केलेल्या सर्व पिकांची नोंदणी करावी लागणार आहे.

शेतकऱ्यांनी स्वतःच्या शेतामध्ये पेरणी केलेल्या क्षेत्रानुसार विविध पिकांचे क्षेत्र नमूद करणे आवश्यक आहे. त्यासाठी सातबारा उताऱ्याची मूळ प्रत, आधार कार्ड, बॅंक खाते पासबुक पहिल्या पानाची सत्यप्रत, मोबाईल क्रमांक माहितीची खरेदी केंद्रावर नोंदणी करावी लागणार आहे. खरीप हंगामातील पिकांची एकदाच नोंद करावी लागणार आहे. आधारभूत किंमत दराने खरेदी सुरू होईल त्या वेळी नोंदणी केलेल्या शेतकऱ्यांना मोबाईलवर एसएमएस पाठवून कळविण्यात येईल.

खरेदी केंद्रांवर धान्य कधी विक्रीसाठी आणावे यासाठीदेखील एसएमएसद्वारे कळविण्यात येणार आहे. सुरवातीला मूग, उडीद या शेतमालाची खरेदी मंजुरी मिळाल्यास सुरू करण्यात येईल. त्यासाठी सर्व शेतकऱ्यांनी २०१७-१८ मध्ये पेरणी केलेल्या सर्व पिकांची नोंदणी संबधित खरेदी केंद्रावर करावी, असे आवाहन नांदेडचे जिल्हा विपणन अधिकारी आर. डी. दांड आणि परभणी, हिंगोलीचे जिल्हा विपणन अधिकारी के. जे. शेवाळे यांनी केले आहे.

इतर ताज्या घडामोडी
चोपडा, जळगावातून केळीचा पुरवठा वाढलाजळगाव ः जिल्ह्यात मागील आठवड्यात केळीच्या दरात...
नगरमध्ये मूग ५७६० रुपये प्रतिक्विंटलनगर ः खरिपातील मुगाचे पीक हाती आले असल्याने नगर...
केळी पीक सल्लासद्यःस्थितीत नवीन मृगबागेची केळी प्राथमिक...
सोलापुरात भाज्या वधारल्या सोलापूर ः सोलापूर कृषी उत्पन्न बाजार समितीच्या...
हळद पिकातील कीड नियंत्रणसध्या हळद लागवड होऊन तीन ते चार महिन्यांचा...
कर्बोदके, प्रथिनांचा उत्तम स्राेत ः...प्रथिनांसाठी कडधान्य हे समीकरण जसे सर्वश्रुत आहे...
नाशिक जिल्ह्यात सर्वदूर पाऊसनाशिक : दुष्काळाच्या सावटाखाली सापडलेल्या मालेगाव...
इजिप्तमध्ये आढळले सर्वात जुने चीजचीज जितके जुने, तितके अधिक चांगले असे समजले जाते...
खनिज तेल उत्पादनासाठी पाणी खराब...अमेरिकेतील नैसर्गिक वायू आणि तेल उत्पादक...
निवडून येण्याची क्षमता असलेल्या...पुणे  ः पुणे लोकसभा मतदारसंघात उमेदवार...
पुणे जिल्हा बॅंकेकडून ६४ टक्के पीककर्ज...पुणे : पुणे जिल्हा मध्यवर्ती सहकारी बॅंकेने एक...
समविचारी पक्षांशी युती करून निवडणूक...भंडारा  ः केंद्र आणि राज्यातील सरकारकडून...
मराठा आरक्षणासाठी पुण्यात चक्री उपोषण...पुणे : मराठा समाजास आरक्षण मिळावे, आंदोलनादरम्यान...
अतिवृष्टीचा अकोला जिल्ह्यात ३०००...अकोला : गेल्या अाठवड्यात झालेल्या अतिवृष्टीचा...
कोयना धरणाच्या पाणलोट क्षेत्रात पावसाचा...सातारा   ः कोयना धरणाच्या पाणलोट क्षेत्रात...
अकोला, वाशीममधील प्रकल्पांतील...अकोला  : कमी पावसामुळे प्रकल्पांमधील...
अकोले तालुक्‍याच्या पश्‍चिम भागात पाऊस...नगर   ः जिल्ह्यामधील अकोले तालुक्‍याच्या पश्...
पुणे बाजारात २२५ ट्रक भाजीपाल्याची आवकपुणे ः राज्यात सर्वत्र झालेल्या पावसामुळे...
पुणे, साताऱ्यातील १५ गावे, ७५...पुणे  : पुणे व सातारा जिल्ह्यांच्या पश्‍चिम...
अौरंगाबाद जिल्ह्यात बोंड अळीचा...औरंगाबाद : गतवर्षीच्या तुलनेत यंदा मराठवाड्यातील...