agriculture news in marathi, More than one thousand containers on JNPT due to transporters strike | Agrowon

एक हजार कंटेनर फळे, भाजीपाला अडकला
टीम अॅग्रोवन
शनिवार, 12 मे 2018

मुंबई : वाहतूकदारांच्या संपामुळे उरण येथील जवाहरलाल नेहरू बंदरातील आयात-निर्यात गेल्या तीन दिवसांपासून ठप्प आहे. याचा सर्वाधिक मोठा फटका भाजीपाला आणि फळे या नाशवंत शेतीमालाला बसला असून संप तातडीने न मिटल्यास सुमारे एक हजार कंटेनर फळे आणि भाजीपाल्याचे नुकसान होण्याची भीती आहे. त्यामुळे जेएनपीटी प्रशासनाने तातडीने हस्तक्षेप करून हा संप मिटवावा, तसेच केंद्र आणि राज्य सरकारने त्यासाठी पुढाकार घ्यावा, अशी मागणी होत आहे. 

मुंबई : वाहतूकदारांच्या संपामुळे उरण येथील जवाहरलाल नेहरू बंदरातील आयात-निर्यात गेल्या तीन दिवसांपासून ठप्प आहे. याचा सर्वाधिक मोठा फटका भाजीपाला आणि फळे या नाशवंत शेतीमालाला बसला असून संप तातडीने न मिटल्यास सुमारे एक हजार कंटेनर फळे आणि भाजीपाल्याचे नुकसान होण्याची भीती आहे. त्यामुळे जेएनपीटी प्रशासनाने तातडीने हस्तक्षेप करून हा संप मिटवावा, तसेच केंद्र आणि राज्य सरकारने त्यासाठी पुढाकार घ्यावा, अशी मागणी होत आहे. 

जेएनपीटी प्रशासनाने टेंडरद्वारे काही ठराविक वाहतूकदारांना बंदरातून वाहतुकीची परवानगी दिली आहे. त्यामुळे पूर्वापार जे हजारो वाहतूकदार या ठिकाणी कार्यरत होते. त्यांच्या रोजगाराचा प्रश्न निर्माण झाला आहे. परिणामी, या वाहतूकदारांनी सर्वपक्षीय संघटनांना हाताशी धरून बंदरात संप पुकारला आहे. गेल्या तीन दिवसांपासून जेएनपीटी ठप्प आहे. बंदरात दरदिवशी सुमारे १५ हजार कंटेनर सामानाची आयात-निर्यात होते. येत्या लवकरच रमजानचा महिना सुरू होत असल्याने आखातात भाजीपाला आणि फळांना मोठी मागणी असते. 

दररोज सुमारे ४०० ते ५०० कंटेनर भाजीपाला आणि फळे आखातात पाठवला जात आहे. विशेषतः याकाळात हापूस, डाळिंब, पपई आदी फळांना मोठी मागणी असते. त्यामुळे निर्यातीद्वारे शेतकऱ्यांनाही दोन पैसे मिळतात. मात्र, संपामुळे सुमारे ५०० कंटेनर फळे, भाजीपाला कोल्ड स्टोअरेजमध्ये पडून आहे. संप लवकर न मिटल्यास सुमारे एक हजार कंटेनर फळे, भाजीपाला बंदरावर अडकून पडणार आहे. याचा मोठा फटका व्यापाऱ्यांसोबत शेतकऱ्यांनाही बसणार असल्याची भीती मुंबई कृषी उत्पन्न बाजार समितीतील फळांचे व्यापारी संजय पानसरे यांनी व्यक्त केली. 

दरम्यान, व्यापाऱ्यांनी माजी केंद्रीय कृषिमंत्री शरद पवार यांच्यापुढे या संदर्भात कैफियत मांडली. त्यानंतर श्री. पवार यांनी केंद्रीयमंत्री नितीन गडकरी यांच्याशी संपर्क साधून त्यांच्यापर्यंत हा विषय पोहोचवला असल्याचे सांगण्यात आले. तसेच त्यांनी जेएनपीटी प्रशासनालाही तातडीने संप मिटवण्यासाठी कारवाई करण्याची सूचना केली. राज्याचे पणनमंत्री सुभाष देशमुख यांनाही व्यापाऱ्यांनी संप मिटवण्यासाठी पुढाकार घेण्याची विनंती केल्याचे सांगण्यात आले.

इतर अॅग्रो विशेष
नागपूर : रब्बीची पैसेवारी काढली खरीप...नागपूर : खरीप आणि रब्बी हंगामात वेगवेगळी पिके...
अॅग्रोवन समृद्ध शेती योजनेचे...नांदेड: `अॅग्रोवन’च्या माध्यमातून...
मराठवाड्यातील २९२ लघुप्रकल्प कोरडेऔरंगाबाद : मराठवाड्यातील ७४९ लघुप्रकल्पांपैकी २९२...
दक्षिण आशियात यंदा सर्वसामान्य मॉन्सून...पुणे  : भारतासह दक्षिण आशियातील देशांच्या...
कृषिउद्योग महामंडळाकडून ‘बायोकॅप्सूल’चा...पुणे : सेंद्रिय शेतीकडे वळालेल्या शेतकऱ्यांच्या...
शासन दरबारी रब्बी हंगामात नागपूर...नागपूर  : खरिपानंतर पाण्याअभावी रब्बी...
बीटी बियाणे १५ मेपूर्वी विक्रीस मनाईपुणे : राज्यातील बियाणे उत्पादक कंपन्यांनी १५...
जमिनीचे जैविक पृथक्करणआजकाल शेतकऱ्यांना मातीचा पृथक्करण अहवाल करून...
सांगलीतून १२ टन द्राक्षे निर्यातसांगली ः यंदा प्रतिकूल परिस्थतीतही जिल्ह्यातील...
काळजी घ्या : उन्हाच्या झळा वाढल्यापुणे : उन्हाच्या झळा वाढल्याने विदर्भ,...
शून्यातून राऊत दांपत्याने उभारली...लातूर जिल्ह्यात नागरसोगा (ता. औसा) येथील राऊत...
संत्रा बागेत काटेकोर पाणी व्यवस्थापन संत्रा पिकात पाणी व्यवस्थापन अत्यंत चोख ठेवावे...
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...