agriculture news in Marathi, more use of fertilizer in jalgoan district, Maharashtra | Agrowon

जळगाव जिल्ह्यात खतांचा सर्वाधिक वापर
टीम अॅग्रोवन
रविवार, 5 नोव्हेंबर 2017

खतांचा सर्वाधिक वापर व विक्री जळगाव जिल्ह्यात असल्याचे खते मंत्रालयाने जारी केलेल्या आकडेवारीनुसार समोर आले आहे. यासोबत जळगाव जिल्ह्यात विद्राव्य खते, तणनाशकांचाही वापर वाढत असल्याचे कृषी विभागाचे निरीक्षण आहे. 
- मधुकर चौधरी, कृषी विकास अधिकारी, जिल्हा परिषद, जळगाव

जळगाव ः राज्यात रासायनिक खतांचा जळगाव जिल्ह्यात सर्वाधिक वापर झाला आहे. २०१६-१७ या वर्षात जिल्ह्यात रब्बी व खरिपात मिळून चार लाख चार हजार १४७ मेट्रिक टन खतांची विक्री झाली आहे. खतांच्या खपासंबंधी औरंगाबाद जिल्हा राज्यात दुसरा असल्याची माहिती कृषी विभागातून मिळाली आहे. 

तापीकाठावरील रावेर, यावल, जळगाव, चोपडा, मुक्ताईनगर आणि गिरणा पट्ट्यातील भडगावात केळीखालील ४३ हजार हेक्‍टर क्षेत्र १०० टक्के सुक्ष्म सिंचनाखाली आहे. याच वेळी पूर्वहंगामी कपाशीही दरवर्षी जवळपास ८१ ते ८२ हजार हेक्‍टर क्षेत्रावर असते. कपाशी लागवडीत जळगाव जिल्हा मागील चार वर्षे राज्यात पहिला राहिला असून, यंदा चार लाख ७५ हजार हेक्‍टरवर कपाशी लागवड आहे. १५ तालुके आणि खरिपाखाली दरवर्षी व्यापणारे सात लाख ७८ हजार हेक्‍टर क्षेत्र, अशा सर्व स्थितीमुळे खतांची मागणी जळगाव जिल्ह्यात जास्त राहिल्याचे निरीक्षण जिल्हा परिषदेच्या कृषी विभागाने नोंदविले आहे. 

जसा सरळ, मिश्र खतांचा वापर जिल्ह्यात मोठ्या प्रमाणात आहे, तसा विद्राव्य खतांचा वापरही वाढला आहे. केळी उत्पादक फ्रूट केअर तंत्रज्ञानाकडे वळत असल्याने रावेर, मुक्ताईनगर, यावल आणि चोपडा या तालुक्‍यांमध्ये दरवर्षी जवळपास १० ते साडे १० कोटी रुपयांच्या विद्राव्य खतांची विक्री होत असल्याची माहिती कृषी विभागातून मिळाली. रासायनिक खतांमध्ये युरियाचा सर्वाधिक दीड लाख मेट्रिक टन वापरही जिल्ह्यात झाला आहे.

क्षेत्रफळाच्या दृष्टीने राज्यात सर्वांत मोठा असलेल्या नगर जिल्ह्यात तीन लाख ३० हजार ७७ मेट्रिक टन एवढ्या रासायनिक खतांची विक्री झाली आहे. औरंगाबाद जिल्ह्यात तीन लाख ४६ हजार २४३ मेट्रिक टन एवढी विक्री झाली आहे. 

खत कंपन्यांकडून घाऊक विक्रेत्यांना खतांची झालेली विक्री (टनांमध्ये)
अहमदनगर - ३३००७७.४०, अकोला - ९०९४३.८०, अमरावती - ११८८३५.९०, औरंगाबाद - ३४६२४३.८५, बीड - १७०२१५.१५, भंडारा - ७९९४१.४५, बुलडाणा - २१११३६.१०, चंद्रपूर - १२४७०९.२०, धुळे - ११३२९७.६०, गडचिरोली - ५२०६५.२५, गोंदिया - ७४७३३.४५, हिंगोली - ५२१३४.७५, जळगाव - ४०४१४७.८०, जालना - २३०६४१.३५, कोल्हापूर - २७४६३१.४५, लातूर - १०८९५८.९०, नागपूर - १५२०३५.७०, नांदेड - ३०३६८९.४५, नंदुरबार - १११६०८.१५, नाशिक - ३०६६६४.२०, उस्मानाबाद - ६३४०२.९०, पालघर - २०९८३.५०, परभणी- ११७३५५.७५, पुणे -२७०३५१.९०, रायगड - ९४७६३.३०, रत्नागिरी - ८९१८.७५, सांगली - २२०८६०.६५, सातारा - १७८३०१.१०, सिंधुदुर्ग - ८२८५.८०, सोलापूर - २४२९१०.७३, ठाणे - ९१७५.७५
 

इतर अॅग्रो विशेष
साखर विक्री मूल्य ३१ रुपये करण्यासाठी...पुणे : राज्यातील ऊस उत्पादक शेतकऱ्यांना एफआरपी...
खरीप, केळी पीकविम्याच्या परताव्यापासून...जळगाव  : प्रधानमंत्री खरीप पीकविमा योजनेत...
खोजेवाडीत लोकसहभागातून जनावरांची छावणीनगर : दुष्काळाने होरपळ होत असलेल्या भागात शासनाने...
जमीन सुपीकता, नियोजनातून साधली शेतीमांजरी (जि. पुणे) येथील माधव आणि सचिन हरिलाल घुले...
मोकळ्या माळरानावर हिंडवतूया...चारा द्या...सांगली ः दूध इकून दौन पैकं मिळत्याती म्हणून...
मंगेशी झाली वंचितांची मायउपेक्षितांच्या जगण्याला अर्थ प्राप्त करून...
गेल्या वर्षीच्या अवकाळीपोटी साठ लाखांची...मुंबई : गेल्या वर्षी मार्च महिन्यात...
उत्तर प्रदेश, हरियाना, पंजाबप्रमाणे...पुणे : जागतिक साखरेचे बाजार आणि खप विचारात घेता...
पूर्व विदर्भात पावसाला पाेषक हवामानपुणे : बंगालच्या उपसागरातील वादळी स्थिती, कोकण...
कांदा दरप्रश्नी पंतप्रधानांना साकडेनाशिक : कांद्याला उत्पादन खर्चावर आधारित...
खानदेशात चाराटंचाईने जनावरांची होरपळ...जळगाव : जिल्ह्यात रोज लागणाऱ्या चाऱ्यासंबंधी...
अडत्याकडून ‘टीडीएस’ कपातीची बाजार...धुळे  : शेतकऱ्यांकडून शेतमाल विक्रीनंतर...
अमरावती विभागात महिन्यात हजारवर शेतकरी...अकोलाः सततची नापिकी, कर्जबाजारीपणा आणि या वर्षी...
‘शेतकऱ्यांच्या प्रश्नी आमदार-...परभणी  : उसाला एफआरपीनुसार दर देण्यात यावा,...
ऊसरसात शर्कराकंदाचे मिश्रण शक्यपुणे : राज्यातील साखर कारखान्यांचा घटलेला गाळप...
जागरूक व्यवहारासाठी माहितीचा अधिकारगाव आणि तालुका पातळीवर शेती क्षेत्राशी संबंधित जी...
पाण्यावर पहाराविहीर अथवा बोअरवेल खोदाईवर नियंत्रण, अधिक खोल...
विदर्भात उद्यापासून पावसाची शक्यता;...पुणे : बंगालच्या उपसागरात तयार होत असलेली...
मराठवाड्यात रब्बी पिकांची होरपळ सुरूऔरंगाबाद : मराठवाड्यातील पेरणी झालेल्या रब्बी...
खानदेशातील विहिरींच्या पाणीपातळीत घटधुळे : अत्यल्प पावसामुळे खानदेशातील...