agriculture news in marathi, Movement for cancellation of import tax of Bangladesh on grapes, nashik, maharashtra | Agrowon

द्राक्ष, बेदाण्यांवरील बांगलादेशचा आयातकर रद्द करण्याबाबत हालचाली
ज्ञानेश उगले
शनिवार, 30 सप्टेंबर 2017

बांगलादेश हा भारतीय द्राक्षांचा महत्त्वाचा ग्राहक आहे. या देशात 100 टक्के आयातकर आकारला जातो. त्यामुळे निर्यात होणारी द्राक्षे व बेदाणे या उत्पादनावरील खर्च वाढतो.
-खासदार हरिश्चंद्र चव्हाण

नाशिक : भारतीय द्राक्षांवर बांगलादेशात आकारल्या जाणाऱ्या आयातकरामुळे तेथील ग्राहकांना त्यासाठी जास्त पैसे मोजावे लागतात. भारतीय शेतकरी व व्यापाऱ्यांचेही नुकसान होते. हा आयातकर रद्द होण्याची मागणी राज्य द्राक्ष बागायदार संघाकडून होत आहे. या पार्श्वभूमीवर याबाबत केंद्रीय वाणिज्यमंत्री यांच्याशी चर्चा झाली असून, त्यांनी प्राधान्याने हा विषय मार्गी लावण्याचे आश्वासन दिले असल्याचे खासदार हरिश्चंद्र चव्हाण यांनी सांगितले.

बांगलादेशातील आयातकर रद्द करण्याबाबत द्राक्ष संघाने यावेळी अनेकदा केंद्राकडे मागणी केली आहे. नुकतीच चव्हाण यांच्यासह द्राक्ष बागायतदार संघाच्या पदाधिकाऱ्यांनी केंद्रीय वाणिज्यमंत्री सूरेश प्रभू यांची दिल्ली येथे भेट घेतली. या भेटीत प्रभू यांनी हा विषय समजून घेत यावर तात्काळ सकारात्मक पाऊल उचलण्यात येईल, असे आश्वासन दिले.

देशातील बहुतांश द्राक्षे व बेदाणे नाशिक, पुणे, सांगली या जिल्ह्यांत होतात. भारतातून निर्यात होणाऱ्या द्राक्ष आणि बेदाण्यावर बांगलादेशात शंभर टक्के आयातकर लावला जातो. ती बांगलादेशात महाग विकली जातात. त्याचा निर्यातीवर परिणाम होत असल्याने द्राक्ष उत्पादक संकटात सापडले आहेत. यासंदर्भात महाराष्ट्र राज्य द्राक्ष बागाईतदार संघ, पुणे यांनी खासदार हरिश्‍चंद्र चव्हाण यांना निवेदन दिले होते. द्राक्ष उत्पादनात महाराष्ट्र देशात अग्रेसर आहे. त्याचा सर्वाधिक फटका राज्यातील शेतकऱ्यांना बसतो.

त्यामुळे भारत बांगलादेशात द्विपक्षीय चर्चेत हा मुद्दा उपस्थित करावा, अशी मागणी खासदार चव्हाण यांनी वाणिज्यमंत्री प्रभू यांना केली. यासंदर्भात दक्षिण आशियात मुक्त व्यापार करार व्हावा यासाठी भारत नियमितपणे प्रयत्न करत आहे. त्यादृष्टीने हा प्रश्‍न सोडवू, असे प्रभू यांनी सांगितले.

या बैठकीविषयी माहिती देतांना चव्हाण म्हणाले की, बांगलादेश हा भारतीय द्राक्षांचा महत्त्वाचा ग्राहक आहे. या देशात 100 टक्के आयातकर आकारला जातो. त्यामुळे निर्यात होणारी द्राक्षे व बेदाणे या उत्पादनावरील खर्च वाढतो. व्यापारी व शेतकऱ्यांना हा भुर्दंड बसतो. ग्राहकांच्या मागणीवरही परिणाम होतो. राज्य द्राक्ष बागायतदार संघाने याबाबत अनेकदा माझ्याकडे याबाबत आग्रह धरलेला आहे.

पुणे येथे झालेल्या द्राक्ष संघ मेळाव्यातही याबाबत चर्चा झाली. केंद्रीय मंत्री नितीन गडकरी यांनीही याबाबत लक्ष घालून सचिव व अधिकाऱ्यांना याबाबत अहवाल देण्याच्या सूचना दिल्या होत्या. त्याचा सर्व स्तरावर पाठपुरावा सुरू असताना त्याचसंदर्भात केंद्रीय मंत्री प्रभू यांच्यासोबत ही सकारात्मक चर्चा झाली आहे. याबाबत विविध पातळ्यांवर हालचाली सुरू झाल्या आहेत. यावर लवकरच तोडगा निघेल, असेही खासदार चव्हाण यांनी सांगितले.

बैठकीत खासदार चव्हाण, ऑल इंडिया द्राक्ष निर्यातदार संघाचे अध्यक्ष जगन्नाथ खापरे, महाराष्ट्र द्राक्ष बागायतदार संघाचे कैलास भोसले, खजिनदार महेंद्र शाहीर उपस्थित होते.

इतर अॅग्रो विशेष
शेतीत फुलताहेत उद्यमशीलतेची बेटं गेल्या वर्षी ''महाएफपीसी'' आणि शेतकरी कंपन्यांनी...
सुस्त प्रशासन, स्वस्थ शासनराज्यात बीटी कापूस व सोयाबीन पिकांवर कीटकनाशकांची...
दूध संघांच्या प्रश्नांवर विरोधक आक्रमकनागपूर : राज्यात सध्या अडचणीत आलेल्या सहकारी दूध...
मुंबई बाजार समिती घोटाळ्यातील दोषींवर...नागपूर : मुंबई कृषी उत्पन्न बाजार समितीतील...
मलकापूरला कापसाचे दर पाच हजारांपर्यंतअकोला : बोंड अळीने या हंगामात पिकाचे एकीकडे...
महाराष्ट्रात हुडहुडी वाढणारपुणे : मध्य महाराष्ट्राच्या काही भागांत कमी...
देशभरातील शेतकरी संघटनांचा स्वतंत्र...राष्ट्रीय किसान परिषदेच्या समारोपप्रसंगी...
औरंगाबादला आजपासून हवामानावर...औरंगाबाद : राज्यातील चारही कृषी विद्यापीठे आणि जल...
अमेरिकेच्या विरोधाने ‘अन्नसुरक्षा’...ब्युनाॅर्स अायर्स, अर्जेंटिना : विकसनशील आणि...
रेशीम उत्पादकांनी केली विमानवारीऔरंगाबाद : जिवाची मुंबई करण्यासाठी अनेकजण जातात....
अनुभवावर ठरतो मधमाश्यांचा फुलांपर्यंतचा...अनुभवाने शहाणपणा वाढते, ही बाब माणसांइतकीच...
मूग, उडीद उत्पादकांची पंचाईतपरभणी : आधारभूत किंमत खरेदी योजनेअंतर्गत...
एकात्मिक शेती पद्धतीतून मिळवली अार्थिक...दुर्गम, ग्रामीण अाणि आदिवासी भाग असूनही नंदुरबार...
जलसंधारणाच्या कामांतून बोहाळीचा कायापालटशासनाच्या पाणलोट विकास कार्यक्रमाला लोकसहभाग व...
कर्जमाफी मिळत नसेल, तर सरकारी देणी भरू...नागपूर : राज्यातील शेतकऱ्यांना संकटातून बाहेर...
शेतकरी मृत्यूंची माहिती स्थानिक...नागपूर : कापूस आणि सोयाबीन पिकांवर विषारी...
मध्य महाराष्ट्र, कोकणात धुकेपुणे : मध्य महाराष्ट्र आणि कोकणातील अनेक भागांत...
लातूर जिल्ह्यात सव्वाचारशे शेतकऱ्यांचे...लातूर  ः शासनाने शेतकऱ्यांच्या सोयाबीनला हमी...
विदर्भात सरत्या वर्षात १२०० शेतकरी...नागपूर ः दुष्काळ, नापिकी, कर्जबाजारीपणा यामुळे...
फवारणीप्रकरणी नेटिसांना अधिकाऱ्यांचे...यवतमाळ ः कीटकनाशकांच्या फवारणीप्रकरणी...