शेतकऱ्यांचे ‘कादवा`च्या बॉयलरवर आंदोलन

शेतकऱ्यांचे ‘कादवा`च्या बॉयलरवर आंदोलन
शेतकऱ्यांचे ‘कादवा`च्या बॉयलरवर आंदोलन

निफाड, जि. नाशिक : उसाची रक्कम मिळत नसल्याने तालुक्यातील संतप्त शेतकऱ्यांनी सहा महिन्यांपासून बंद असलेल्या कादवा गोदा साखर कारखान्याच्या बॉयलरवर चढून आंदोलन केले. मात्र, प्रशासन आणि संचालक मंडळाने त्याची दखल घेतली नाही. त्यामुळे शेतकऱ्यांनी आता आत्मदहनाचा इशारा दिला आहे.

शिंगवे येथील शेतकरी रामकृष्ण डेर्ले, किशोर मोगल, सतीश सानप यांनी बॉयलरवर चढून दिवसभर आंदोलन केले. शेतकी अधिकारी बडे आणि महाव्यवस्थापक कुरू कुलशिंग यांनी त्यांच्याशी संवाद साधण्याचा प्रयत्न केला. कार्यकारी संचालक पुणे येथे असल्याने कोणताही निर्णय आम्ही घेऊ शकत नाही. येत्या आठ दिवसांत धनादेश देतो, अशी आंदोलकांची समजूत घालण्याचा प्रयत्न त्यांनी केला. मात्र, याबाबत सतत चालढकल होत असल्याने शेतकरी आंदोलनावर ठाम राहिले.

निफाड आणि रानवड सहकारी साखर कारखाना बंद पडल्याने शेतकऱ्यांनी पिंपळगाव निपाणी येथील केजीएस साखर कारखान्याला ऊस दिला. फेब्रुवारी, मार्च महिन्यात तोडलेल्या उसाचे पैसे कारखाना व्यवस्थापक मंडळाने दिले नाहीत. त्यासाठी वारंवार आश्वासने देऊन विलंब केला. मागील वर्षाचे जवळपास ३०० शेतकऱ्यांचे अडीच कोटी रुपये थकीत असल्याचे व्यवस्थापकाकडून सांगण्यात येते. शेतकरी मात्र ३५० शेतकऱ्यांचा ७ कोटी रुपये थकीत असल्याचा दावा आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com