Agriculture News in Marathi, MP Raju Shetti criticise on govt, maharashtra | Agrowon

शेतकरी चळवळ मोडण्याचा प्रयत्न : राजू शेट्टी
सूर्यकांत नेटके
सोमवार, 27 नोव्हेंबर 2017
नगर ः उसाच्या दराबाबत आजीबात अवास्तव मागणी केली जात नाही. सरकार आणि कारखानदार मात्र ऊसदराचा प्रश्‍न जाणीवपूर्वक ताणून धरत आहेत.  सहकारी साखर कारखाने खासगी मालमत्ता समजूनच काही नेते वागत आहेत. गोळीबार, गुंडागर्दी करूनच शेतकरी चळवळ मोडण्याचा प्रयत्न आहे, असा आरोप स्वाभिमानी शेतकरी संघटनेचे खासदार राजू शेट्टी यांनी केला.
 
नगर ः उसाच्या दराबाबत आजीबात अवास्तव मागणी केली जात नाही. सरकार आणि कारखानदार मात्र ऊसदराचा प्रश्‍न जाणीवपूर्वक ताणून धरत आहेत.  सहकारी साखर कारखाने खासगी मालमत्ता समजूनच काही नेते वागत आहेत. गोळीबार, गुंडागर्दी करूनच शेतकरी चळवळ मोडण्याचा प्रयत्न आहे, असा आरोप स्वाभिमानी शेतकरी संघटनेचे खासदार राजू शेट्टी यांनी केला.
 
शेवगाव तालुक्‍यातील घोटण येथे मेळाव्यासाठी जाताना खासदार राजू शेट्टी यांनी रविवारी (ता. २६) सकाळी संवाद साधला. या वेळी ते म्हणाले, की कोल्हापूर, सांगली भागांत साडेतेराच्या जवळपास साखर उतारा मिळतो आणि नगरसह अन्य भागात साडेनऊच्या पुढे उतारा का जात नाही याचा विचार केला पाहिजे. संपूर्ण राज्यात उसाला एकच दर मागण्यापेक्षा उताऱ्याची चोरी कशी थांबता येईल हे शेतकऱ्यांनी पाहिले पाहिजे.
 
कारखानदार नियोजन करून उताऱ्याची चोरी करत आहेत. नगर जिल्ह्यामधील शेतकरी आमच्यासमोर उभा राहत नाही, आम्ही किंमत देत नाही असे कारखानदार म्हणतात. कारखानदार नेते शेतकऱ्यांच्या विरोधातच आहेत हे पुन्हा स्पष्ट झाले आहे, असा अारोप त्यांनी केला.
 
साखर कारखान्याच्या प्रवेशद्वाराजवळ, वजन काट्यावर आणि साखरेची साठवण केली जाणाऱ्या गोडाऊनमध्ये ‘सीसीटीव्ही'' कॅमेरे बसवले पाहिजेत. उत्पादकांनी फुटेजची मागणी केली तर उपलब्ध झाले पाहिजे, अशी आम्ही मागणी केली आहे.
 
शेवगाव तालुक्‍यातील अांदोलनात गुन्हे दाखल झालेल्या शेतकऱ्यांनी शेतकऱ्यांच्या हितासाठी चांगले काम केले, त्यामुळे आम्ही त्यांचा जाहीर सत्कार करत आहोत, असे श्री. शेट्टी म्हणाले.
 
खासदार राजू शेट्टी म्हणाले, ‘‘शेतकरी सूकाणू समितीशी स्वाभिमानीचा फक्त कर्जमाफी एवढ्यापुरताच सबंध होता. त्यानंतर जर कोणी अन्य अांदोलनातबाबत बोलत असेल तर आमचा त्यांच्याशी काही संबंध नाही. राज्यात ऊसदराबाबत फक्त स्वाभिमानी शेतकरी संघटनाच काम करत आहे, असे स्पष्ट करत सूकाणू समितीत ‘मोठे’ नेते असल्याचा टोला त्यांनी मारला. 
 
‘मुलांचे एसटी पास रोखू नका’
श्री. शेट्टी म्हणाले, की अांदोलनातून एसटीचे नुकसान झाले म्हणून घोटण, खानापूर भागातील शेतकऱ्यांच्या मुलांना एसटी पास द्यायचे नाही अशी एसटी आगार प्रमुखांनी भूमिका घेतली ती योग्य नाही. एसटीवाल्यांनी वाकड्यात शिरू नये. पास तर रोखून बघा, बघू काय करायचे ते, असा इशारा त्यांनी दिला अाहे.

इतर ताज्या घडामोडी
शेतीमाल विक्रीसाठी १२ शेतकऱ्यांची नोंदणीसांगली ः सांगली जिल्ह्यातील शेतकऱ्यांना उडीद, मूग...
नांदेड, परभणी, हिंगोलीत मूग, उडदाला कमी...नांदेड ः नांदेड, परभणी, हिंगोलीतील कृषी उत्पन्न...
पीक संरक्षण क्षेत्रात ‘महिंद्रा’ची...मुंबई : कृषी अवजारे आणि शेती उत्पादनात देशात...
गिरणारे बाजारातील बेहिशेबी वसुलीला चापनाशिक : गिरणारे (ता. जि. नाशिक) येथील टोमॅटो...
'योग्य आर्थिक व्यवस्थापन हा शेती...नाशिक : ‘‘योग्य आर्थिक व्यवस्थापन हाच शेती...
कपाशीवरील पांढरी माशी, कोळी नियंत्रण...सध्या कोरडवाहू कपाशीवर पांढऱ्या माशी व कोळी या...
जळगावात केळीदरात १०० रुपयांनी वाढजळगाव ः केळी दरात गत आठवड्याच्या अखेरीस...
नागपुरात नव्या सोयाबीनची बाजारात आवक...नागपूर ः बाजारात नव्या सोयाबीनची आवक वाढती असली...
नगरमध्ये कांद्याला सोळाशेचा दरनगर ः जिल्ह्यातील एका उपबाजार समितीसह सात बाजार...
तासगाव बाजार समितीत बेदाण्याची आवक,...सांगली  ः दिवाळी सणाच्या पार्श्‍वभूमीवर...
विसावी सिंचन परिषद अकोला येथे होणारसोयगाव, जि. औरंगाबाद   : येथे रविवारी (ता....
वऱ्हाडात मूग, उडदाला मिळतोय...अकोला  ः या हंगामात लागवड झालेल्या मूग,...
नगर जिल्ह्यात उडदाचे उत्पादन घटलेनगर  ः जिल्ह्यात यंदा सुरवातीपासून पाऊस...
‘स्वाभिमानी’च्या कार्यकर्त्यांनी दाखवले...नगर  : शेतकऱ्यांना दुधाला पाच रुपये अनुदान...
पीक कापणी प्रयोग अहवालानंतर...बुलडाणा   ः कमी पाऊस तसेच पावसातील खंडामुळे...
इंदापूर तालुक्यात तातडीने दुष्काळ जाहीर...भवानीनगर, जि. पुणे  : सरकारने आता तांत्रिक...
पुण्यात आवक कमी झाल्याने भाजीपाल्यांची...पुणे ः राज्यातील दुष्काळी परिस्थितीच्या...
दुष्काळी तालुक्यांतून अकोले, कोपरगावला...नगर : अकोले तालुक्‍यात पाऊस पडण्याच्या प्रमाणात...
सोयाबीनने मोडले शेतकऱ्यांचे कंबरडेअमरावती  ः दिवाळीच्या मोसमात दोन पैसे...
शेतीमालाच्या साठवणुकीसाठी उभारणार गोदामेकऱ्हाड, जि. सातारा ः शेतकऱ्यांनी उत्पादित केलेला...