agriculture news in marathi, MPKV to develope farms of their students | Agrowon

तंत्रज्ञानाच्या बळावर ‘कृषी’च्या विद्यार्थ्यांची शेती होणार हायटेक
विनोद इंगोले
शुक्रवार, 27 एप्रिल 2018

नागपूर : कृषी अभ्यासक्रमाला प्रवेशित विद्यार्थ्यांच्या घरच्या शेतीला कृषी विद्यापीठ व देशाअंतर्गत तंत्रज्ञानाची जोड देत आधुनिक शेतीचे मॉडेल विकसित केले जाणार आहे. देशातील अशा प्रकारच्या पहिल्या पथदर्शी प्रकल्पासाठी राहुरी (जि. नगर) येथील महात्मा फुले कृषी विद्यापीठाने पुढाकार घेतला आहे. त्याकरिता कृषी अभ्यासक्रमाला प्रवेशित विद्यार्थ्यांचा डेटाबेस संकलित करण्याचे काम सुरू असल्याची माहिती कुलगुरू डॉ. के. पी. विश्‍वनाथा यांनी ‘ॲग्रोवन’ला दिली.

नागपूर : कृषी अभ्यासक्रमाला प्रवेशित विद्यार्थ्यांच्या घरच्या शेतीला कृषी विद्यापीठ व देशाअंतर्गत तंत्रज्ञानाची जोड देत आधुनिक शेतीचे मॉडेल विकसित केले जाणार आहे. देशातील अशा प्रकारच्या पहिल्या पथदर्शी प्रकल्पासाठी राहुरी (जि. नगर) येथील महात्मा फुले कृषी विद्यापीठाने पुढाकार घेतला आहे. त्याकरिता कृषी अभ्यासक्रमाला प्रवेशित विद्यार्थ्यांचा डेटाबेस संकलित करण्याचे काम सुरू असल्याची माहिती कुलगुरू डॉ. के. पी. विश्‍वनाथा यांनी ‘ॲग्रोवन’ला दिली.

कृषी विद्यापीठाद्वारे विकसित तंत्रज्ञान बांधावर पोचत नाही, अशी ओरड सातत्याने होते. त्यावर उपाय म्हणून कृषी अभ्यासक्रमाला प्रवेशित विद्यार्थ्यांच्या घरची शेती तंत्रज्ञानाच्या बळावर विकसित करण्याचा प्रयत्न राहुरी कृषी विद्यापीठाद्वारे केला जाणार आहे. देशात पहिल्यांदाच अशाप् रकारची संकल्पना मांडली गेली आहे. बीएससी (कृषी) हा अभ्यासक्रम चार वर्षांचा आहे. प्रवेशित बहुसंख्य विद्यार्थी ग्रामीण भागातील असतात व त्यांच्या कुटुंबीयांची शेती राहते. ही बाब लक्षात घेऊन विद्यापीठाने त्यांच्यामार्फतच तंत्रज्ञान विस्ताराची संकल्पना मांडली आहे. त्याकरिता पहिल्या टप्प्यात प्रवेशीत विद्यार्थ्यांच्या कुटुंबीयांकडे असलेल्या शेतीची सर्वांग माहिती घेण्यात येत आहे. त्यामध्ये एकूण जमीनधारणा, मातीचा प्रकार, सिंचन सुविधा, यांत्रिकीकरण, सध्या घेत असलेली पिके या बाबींचा समावेश आहे.

दहा जिल्ह्यात राबविणार प्रकल्प
राहुरी कृषी विद्यापीठाचे कार्यक्षेत्र पश्‍चिम महाराष्ट्रातील दहा जिल्ह्यांमध्ये आहे. या दहा जिल्ह्यांत ही अभिनव संकल्पना राबविली जाणार आहे. या दहा जिल्ह्यांतील प्रवेशित विद्यार्थ्यांच्या शेतावरच तंत्रज्ञानविषयक प्रयोग राबविले जातील. विद्यार्थ्यांनी कृषी विद्यापीठ, तसेच देशपातळीवरील संशोधनाची माहिती घ्यावी. हे तंत्रज्ञान सुटीत ज्या वेळी विद्यार्थी गावी जाईल; त्या वेळी त्याने आपल्या कुटुंबीयांशी शेअर करून त्याचा अवलंब प्रत्यक्ष शेतीत करावा, असे अपेक्षित आहे. या माध्यमातून शेतीक्षेत्रात मोठे परिवर्तन होईल, अशी अपेक्षा कृषी विद्यापीठाला आहे.

केव्हीकेशी जोडणार शेती
कृषी अभ्यासक्रमाच्या विद्यार्थ्यांच्या शिवारापर्यंत तंत्रज्ञान पोचते किंवा नाही; तसेच त्याचा अवलंब योग्य प्रकारे होतो किंवा नाही यावर त्या भागातील केव्हीके; तसेच कृषी विस्तार केंद्रांचा वॉच राहील, अशी माहितीदेखील कुलगुरू डॉ. के. पी. विश्‍वनाथा यांनी दिली.

देशात सर्वाधिक कृषी महाविद्यालय महाराष्ट्रात आहेत. प्रवेशित विद्यार्थ्यांची व अभ्यासक्रम पूर्ण करून बाहेर पडणाऱ्या विद्यार्थ्यांची संख्यादेखील मोठी आहे. या शक्‍तीचा उपयोग कृषी तंत्रज्ञान विस्तारासाठी झाल्यास त्याचे निश्‍चितच सकारात्मक परिणाम दिसतील. आम्ही या संकल्पनेवर काम सुुरू केले आहे.
- डॉ. के. पी. विश्‍वनाथा,
कुलगुरू, महात्मा फुले कृषी विद्यापीठ, राहुरी.

इतर कृषी शिक्षण
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
खरीप पिकांवरिल किडींना वेळीच रोखा...खरीप पिकांना पेरणीनंतर खूरपडीचा प्रादुर्भाव होतो...
जुन्या पेरू फळबागेचे करा पुनरुज्जीवनपेरू फळबागा फार जुन्या झाल्यानंतर त्यांची...
वासरातील प्राणघातक हगवणीचे नियंत्रण...मुंबई पशुवैद्यक महाविद्यालयाच्या गोरेगाव...
सोलर टनेल ड्रायरबाबत माहिती...सोलर टनेल ड्रायरमध्ये सफेद मुसळी, पान पिंपरी, हळद...
राज्यशास्त्राच्या उपघटकावरील प्रश्न अन्...लेखमालेतील मागील भागात आपण राज्यसेवा पूर्वपरीक्षा...
इस्त्राईल येथील पदव्युत्तर शिक्षणासाठी...तळसंदे येथील डॉ. डी. वाय. पाटील कृषी...
खरबूज प्रक्रियेत आहेत संधी...खरबूज हे अत्यंत स्वादिष्ट फळ. खाण्याच्या बरोबरीने...
उपकरण देईल आजारी जनावराची पूर्व सूचनाएसएनडीटी विद्यापीठाच्या मुंबईमधील प्रेमलीला...
टिकवून ठेवा जमिनीची सुपीकताजमीन हा निसर्गाकडून मिळालेला अनमोल ठेवा आहे....
तंत्रज्ञानाच्या बळावर ‘कृषी’च्या...नागपूर : कृषी अभ्यासक्रमाला प्रवेशित...
असे मिळते मातीरहित माध्यम नैसर्गिक...विविध व्यावसायिक पिकांच्या लागवडीसाठी मातीविरहित...
कल्पनेतून केली अडचणींवर मातजगभरात शेतकरी आपली दैनंदिन कार्य करीत असताना अनेक...
मातीच्या प्रकारानुसार जलसंधारणाचे उपाय...जुलै ते सप्टेंबर या महिन्यांत पडणाऱ्या पावसाची...
शेतकरी वाणाची नोंदणी करताना...शेतकऱ्यांना स्वतः विकसित केलेल्या वाणांचे सर्व...
स्पर्धा परीक्षेला सामोरे जाताना...विद्यार्थी मित्रांनो/मैत्रिणींनो नमस्कार, नागरी...
संशोधन, शिक्षणामध्ये बदलाची गरजगेल्या काही वर्षांचा आढावा घेता कृषी क्षेत्राकडे...
पॅकिंग शोषणार फळातील ओलावावाहतूक आणि साठवणुकीमध्ये आर्द्रतेचा परिणाम होऊन...
खास हॅलोवीनसाठी मानवी चेहऱ्याचे भोपळे !अमेरिकेत हॅलोवीन या सणामध्ये भोपळ्याला असलेले...
पशुखाद्यातील प्रतिजैविकांच्या वापरामुळे...उत्तर अमेरिका आणि युरोपमध्ये १९५० पासून...