agriculture news in marathi, MSAMB to held elections newly, Maharashtra | Agrowon

पणन मंडळाचीही हाेणार निवडणूक
गणेश कोरे
शुक्रवार, 22 सप्टेंबर 2017

नवीन मॉडेल अॅक्टच्या अंमलबजावणीसाठी राज्याने स्थापन केलेली समिती यावर प्राधान्याने विचार करत आहे. नव्याने हाेणाऱ्या बदलांमुळे पणन मंडळावर वर्णी लावण्यासाठी राजकीय स्पर्धा शिगेला पाेचणार आहे.

पुणे ः महाराष्ट्र राज्य कृषी पणन मंडळाचीदेखील लाेकशाही पद्धतीने निवडणूक घेऊन संचालक मंडळाची नियुक्ती करण्यात यावी, अशी महत्त्वपूर्ण सुधारणा केंद्राने सुचविलेल्या नवीन मॉडेल अॅक्टमध्ये सुचविली आहे. यामुळे आता पणन मंडळाच्या संचालक मंडळाच्या निवडणुकीची कार्यप्रणाली करण्यात येणार आहे.

केंद्राने सर्व राज्यांना दिलेल्या नवीन मॉडेल अॅक्टमध्ये सुचविलेल्या विविध पणन सुधारणांमध्ये पणन मंडळाचीदेखील निवडणूक घ्यावी आणि संचालक मंडळातून अध्यक्ष निवडण्यात यावा, अशी सूचना केली आहे. यावर संबंधित सर्व राज्यांनी विचार विनिमय करून, कशाप्रकारे निवडणूक घेता येईल, यावर अभ्यास करून कायद्यात बदल करण्याच्या सूचना केल्या आहेत.

केंद्राच्या सूचनेनुसार महाराष्ट्रात विविध पणन सुधारणांसाठीच्या अंमलबजावणीसाठी पणन संचालक डॉ. आनंद जाेगदंड यांच्या अध्यक्षतेखाली समिती स्थापन केली आहे. ही समिती विविध पणन सुधारणांवर अभ्यास आणि चर्चा करत असून, पणन मंडळाच्या निवडणुकीसंदर्भाबाबत विचारमंथन सुरू आहे. पणन मंडळाची निवडणूक घ्यायची झाल्यास कायद्यात बदल करावा लागणार असून, यासाठी तीन वर्षांचा कालावधी लागण्याची शक्यता वर्तविण्यात येत आहे.

वार्षिक उलाढाल ३५० काेटींपर्यंत
स्थापना १९८४ साली झाली असून, शेतमालाच्या पणन व्यवस्थेच्या विकासासाठी मंडळ प्रयत्नशील आहे. पणन मंडळान राज्यातील शेतमाल पणन व्यवस्था अद्ययावत करणे, सुसूत्रता आणि समन्वय साधण्याचे काम करीत आहे. मंडळाचे संचालक मंडळ १३ सदस्यीय असून, संचालक मंडळाचे अध्यक्ष पणनमंत्री अाहेत.

तर पणन संचालकांसह कृषी, सहकार आयुक्तांसह नाबार्ड प्रतिनिधी, बाजार समिती सभापती प्रतिनिधी, बाजार समिती संघाचे सभापती संचालक मंडळामध्ये आहेत. पणन मंडळाला ३०६ बाजार समित्यांकडून अंशदान रूपाने दरवर्षी सुमारे ३५ काेटी रुपये मिळतात. तर पणन मंडळाची वार्षिक उलाढाल सुमारे ३५० काेटीं रुपयांपर्यंत आहे.

पणन मंडळाची कार्ये व अधिकार

  • बाजार व बाजारक्षेत्रे यांच्या विकासासाठी बाजार समित्यांनी हाती घेतलेले कार्यक्रम धरून अशा बाजार समित्यांच्या कामांमध्ये समन्वय राखणे.
  • कृषी उत्पन्न बाजारांच्या विकासासाठी राज्यस्तरीय नियोजनाचे काम हाती घेणे.
  • कृषी उत्पन्न पणन विकास निधीची व्यवस्था ठेवणे व त्याचे प्रशासन करणे.
  • बाजार समित्यांच्या विविध विकासकामांचे आराखडे व अंदाजपत्रक तयार करणे, कामांवर पर्यवेक्षण आणि मार्गदर्शन करणे.
  • कृषी उत्पन्नाच्या पणनशी संबंधित असलेल्या गोष्टींबाबत प्रचार व प्रसिद्धी करण्यासाठी आवश्यक ती व्यवस्था करणे.
  • अटींवर व शर्तींवर बाजार समित्यांना अर्थसाह्य किंवा कर्ज देणे.
  • कृषीविषयक पणनाच्या संबंधातील विषयांबाबत चर्चासत्रे, कार्यसत्रे व प्रदर्शने आयोजित करणे किंवा त्यांची व्यवस्था ठेवणे.
  • कृषी उत्पन्नाच्या पणनाच्या संबंधात सर्वसाधारण हिताच्या असतील अशा इतर गोष्टी करणे.
  • या अधिनियमान्वये त्यांच्याकडे विशेषरीत्या सोपविण्यात आले असेल असे इतर कोणतेही कार्य पार पाडणे.
  • राज्य शासन त्यांच्याकडे सोपविलेली अशी तत्सम स्वरूपाची इतर कार्ये पार पाडणे.

इतर अॅग्रो विशेष
कडवंची : ब्लोअरनिर्मिती उद्योगाची सुरवातकडवंची गावातील कृष्णा क्षीरसागर, सुनील जोशी या...
कडवंची : हमखास मजुरी देणारं गावद्राक्षबागांमुळे कडवंची गावात बारमाही रोजगार तयार...
कडवंची : अर्थकारणाला मिळाली बचत गटांची...शेती आणि ग्रामविकासामध्ये महिलांचा महत्त्वपूर्ण...
कडवंची : डाळिंबात तयार केली ओळखकडवंची हे द्राक्षाचे गाव. याच गावातील ज्ञानेश्वर...
कडवंची : रोपवाटिका अन्‌ शेळीपालनाची जोडकडवंचीमधील सखाराम येडूबा क्षीरसागर यांनी केवळ...
कडवंची : पाणंदमुक्‍त रस्त्यांची...रस्ते, पाणी आणि वीज हे शेतीविकासातील महत्त्वाचे...
कडवंची : घरापुरते दूध अन् शेणखतासाठी...द्राक्षाचे गाव असलेल्या कडवंचीमधील प्रत्येक...
कडवंची : पाणलोटाचं स्वप्न साकारकडवंची गावात जल, मृद संधारण, शेती विकासामध्ये...
कडवंची : लोकसहभाग, पाणी व्यवस्थापन हेच...कडवंची गावात द्राक्षातून समृद्धी दिसत असली तर...
‘कडवंची ग्रेप्स’ ब्रँडसाठी कृषी...कडवंची गावाला द्राक्षबागेने आर्थिक स्थैर्य आणि...
कडवंची : संघर्षातून पेललंय आव्हानकडवंचीमधील महिलांनीदेखील द्राक्ष शेतीमध्ये...
कडवंची मॉडेल : कोरडवाहूसाठी दिशादर्शक...मराठवाड्यात पावसावर आधारित कोरडवाहू शेतीला बळकट...
कडवंची : द्राक्षाच्या थेट विक्रीद्वारे...कडवंचीमधील द्राक्ष बागायतदारांनी विविध राज्यांतील...
कडवंची : पीक बदलाच्या दिशेने; पपई...विहीर, शेततळ्याच्या माध्यमातून पाणी उपलब्ध...
कडवंची : जमीन सुपीकतेसाठी बायोगॅस स्लरी कडवंचीमधील शेतकऱ्यांनी बायोगॅस संयंत्राची उभारणी...
कडवंची : बागेला मिळाली यंत्रांची जोडप्रयोगशील द्राक्ष बागायतदार सुरेश दगडू पाटील...
कडवंची : जल, मृद्संधारणातूनच रुजलं...कडवंची गावातील पाणीटंचाईवर मात करण्यासाठी खरपुडी...
कडवंची : पाणी व्यवस्थापन, नवतंत्रातून...काटेकोर पाणी आणि खतांचा वापर, पीक व्यवस्थापनात...
कडवंची : खरपुडी ‘केव्हीके’चे रोल मॉडेलकडवंची हे कृषी विज्ञान केंद्राचे पहिले दत्तक गाव...
‘वॉटर बजेट’ कडवंचीचे वैशिष्ट्यपाणलोट विकास, पीक बदल, पूरक उद्योगात मनापासून...