पुणे : पीक उत्पादकतावाढीसाठी आवश्यक असलेल्या माती, पाणी परीक्षणाची मूलभूत सुविधा उपलब्ध करून देण्याबराेबरच प्रक्रिया उद्याेगांसाठी आवश्यक विविध चाचण्यांकरिता प्रसिद्ध असलेली नॅशनल अॅग्रीकल्चर अॅण्ड फूड अॅनॅलिसिस अॅण्ड रिसर्च इन्स्टिट्यूट (नाफारी) ही प्रयाेगशाळा पुणे बाजार समितीमधील सुसज्ज जागेत स्थलांतरीत करण्यात येणार आहे. यासाठी बाजार समिती प्रयत्नशील असून, याबाबतची प्रक्रिया सुरू केली आहे.
याबाबतची माहिती प्रशासकीय मंडळाचे अध्यक्ष दिलीप खैरे यांनी दिली. खैरे म्हणाले, की नाफारी ही शेती आणि शेतीपूरक उद्याेगांच्या विविध चाचण्यांसाठीची अत्याधुनिक प्रयाेगशाळा आहे. या प्रयाेगशाळेचा जास्तीत जास्त शेतकऱ्यांना लाभ व्हावा, यासाठी बाजार समितीमध्ये तिचे स्थलांतर करण्याचे आमचे प्रयत्न आहे. या माध्यमातून बाजार समितीला अधिकचे उत्पन्न आणि राज्याच्या विविध भागांतून येणाऱ्या शेतकऱ्यांना सेवा मिळणार आहे.
पीक उत्पादकतावाढी बराेबरच शेतकरी आता प्रक्रिया उद्याेगांमध्ये उतरत आहेत. यासाठी आवश्यक असणाऱ्या विविध चाचण्यांची सुविधादेखील नाफारीच्या वतीने देण्यात येते. अनेक बहुराष्ट्रीय प्रक्रिया उद्याेगांसाठी नाफारी सेवा देत आहे. हिच सेवा रास्त दरात शेतकऱ्यांना उपलब्ध करून देण्यासाठी बाजार समिती प्रयत्नशील आहे. पणन मंडळाचे कार्यकारी संचालक सुनील पवार यांच्या प्रयत्नांतून प्रयाेगशाळा बाजार समितीमध्ये आणण्याचे प्रयत्न आहेत. यासाठीच्या प्राथमिक चर्चा, बैठका झाल्या आहेत.
नाफारीच्या माध्यमातून सरकार आपल्या दारी उपक्रमाअंतर्गत बाजार समिती आपल्या दारी ही संकल्पना बाजार समिती राबविणार असून, यासाठी पुणे जिल्ह्यातील १३ तालुक्यांसाठी सुसज्ज माेबाईल व्हॅन प्रयाेगशाळा उपक्रम राबविण्यात येणार आहे. यासाठी सी.एस.आर. मधून विविध वाहन उद्याेगांशी बाेलून व्हॅन उपलब्ध करून घेणार असल्याचे खैरे यांनी या वेळी सांगितले.