agriculture news in marathi, Nafed shopping centers issue | Agrowon

नाफेडच्या खरेदी केंद्रांवर सोयाबीनला 'माॅईश्चर'चा खोडा
माणिक रासवे
बुधवार, 18 ऑक्टोबर 2017

परभणी : नाफेडमार्फत आधारभूत किंमत खरेदी योजनेअंतर्गत नांदेड, परभणी, हिंगोली जिल्ह्यात मूग, उडीद, सोयाबीनची शासकीय खरेदी केंद्रे कार्यान्वित केली जात आहेत. परंतु सोयाबीनमधील माॅईश्चरचे प्रमाण १४ ते १६ टक्के येत असल्यामुळे खरेदी होऊ शकत नाही. त्यामुळे दिवाळी सणासाठी पैशाची तातडीची गरज असेलेल्या शेतकऱ्यांना खुल्या बाजारात २००० ते २७०० रुपये प्रतिक्विंटल दराने सोयाबीन विक्री करावी लागत आहे.

परभणी : नाफेडमार्फत आधारभूत किंमत खरेदी योजनेअंतर्गत नांदेड, परभणी, हिंगोली जिल्ह्यात मूग, उडीद, सोयाबीनची शासकीय खरेदी केंद्रे कार्यान्वित केली जात आहेत. परंतु सोयाबीनमधील माॅईश्चरचे प्रमाण १४ ते १६ टक्के येत असल्यामुळे खरेदी होऊ शकत नाही. त्यामुळे दिवाळी सणासाठी पैशाची तातडीची गरज असेलेल्या शेतकऱ्यांना खुल्या बाजारात २००० ते २७०० रुपये प्रतिक्विंटल दराने सोयाबीन विक्री करावी लागत आहे.

दरम्यान नांदेड, परभणी, हिंगोली जिल्ह्यांतील ११ खरेदी केंद्रांवर सोमवार (ता. १६) पर्यंत १,८२८ शेतकऱ्यांनी मूग, उडीद, सोयाबीन आदी शेतमाल विक्रीसाठी नोंदणी केली आहे, असे जिल्हा मार्केटिंग अधिकारी कार्यालयातील सूत्रांनी सांगितले.

सोमवारी परभणी जिल्ह्यातील जिंतूर, हिंगोली जिल्ह्यातील हिंगोली आणि जवळा बाजार (ता. औंढा नागनाथ) या ठिकाणी सोमवारी (ता. १६) खरेदी केंद्राचे उद्घाटन करण्यात आले. जिंतूर येथे माजी खासदार गणेश दुधगावकर, विजय खिस्ते, संजय भांबळे, जिल्हा मार्केटिंग अधिकारी के. जे. शेवाळे यांच्या उपस्थितीत काटा पूजन करून खरेदी केंद्राचे उद्घघाटन करण्यात आले.

या केंद्रावर मूग, उडिदाची आवक नाही. परंतु सोयाबीनमध्ये १४ ते १६ टक्के आर्द्रता आढळून येत असल्यामुळे ते नाफेडच्या निकषात बसत नाही. त्यामुळे शेतकऱ्यांना १२ टक्क्यांपेक्षा जास्त आर्द्रता असलेल्या सोयाबीनची विक्री खुल्या बाजारात करावी लागत आहे.

आर्द्रतेच्या प्रमाणानुसार व्यापारी २००० ते २७०० रुपये प्रतिक्विंटल दराने सोयाबीनची खरेदी करत आहे. दिवाळी सणांसाठी अनेक शेतकऱ्यांना पैशाची गरज असल्यामुळे हमीभावापेक्षा कमी दराने विक्री करावी लागत आहे.

दरम्यान, सोमवार (ता.१६) पर्यंत नांदेड जिल्ह्यातील देगलूर येथील केद्रावर ४०२ शेतकऱ्यांनी, बिलोली येथे १९५, धर्माबाद येथे ५१० शेतकऱ्यांनी एकूण ११०७, परभणी जिल्ह्यातील परभणी येथे ३९ शेतकऱ्यांनी, जिंतूर येथे ५, सेलू येथे ३०, मानवत येथे २३, गंगाखेड येथे ६ शेतकऱ्यांनी एकूण १०३ शेतकऱ्यांनी, हिंगोली जिल्ह्यातील हिंगोली येथे ५५० शेतकऱ्यांनी, जवळा बाजार येथे १८, वसमत येथे ५० शेतकऱ्यांनी एकूण ६१८ शेतकऱ्यांनी तीन जिल्ह्यात एकूण  १,८२८ शेतकऱ्यांनी हमीभावाने शेतमाला विक्रीसाठी आॅनलाइन नोंदणी केली आहे.

शेतकऱ्यांनी केंद्रावर सोयाबीन विक्रीस आणताना १२ टक्क्यांपेक्षा कमी आर्द्रता असलेले, काडीकचरा विरहित, एफएक्यू प्रतीचे सोयाबीन घेऊन यावे, अन्यथा गैरसोय होऊ शकते, असे जिल्हा मार्केटिंग अधिकारी रामप्रसाद दांड (नांदेड) आणि के. जे. शेवाळे (परभणी) यांनी सांगितले.

इतर बातम्या
मॉन्सूनने अलिबाग, मालेगावपर्यंतचा भाग...पुणे : नैर्ऋत्य मोसमी वाऱ्यांनी (मॉन्सून) सोमवारी...
‘म्हैसाळ’पासून जतचा पूर्व भाग वंचितसांगली : जत तालुक्याच्या पूर्व भागातील ६४ गावाला...
विकासकामांचे सूक्ष्म नियोजन करा :...परभणी : जिल्ह्यतील विविध विकास कामांचे सूक्ष्म...
पूर्व विदर्भात दमदार पाऊसनागपूर : पश्चिम आणि दक्षिणेकडून मॉन्सून येणे...
मराठवाड्यात दूध संकलनात ९८ हजार लिटरने...औरंगाबाद : मराठवाड्यातील दुग्धोत्पादनाला घरघर...
ऊस बिलावरून शेतकरी आक्रमकनाशिक  : वसंतदादा सहकारी साखर कारखाना...
येवला, देवळा, मालेगाव, सटाणा तालुक्यात...नाशिक : जिल्ह्यात शनिवारी (ता. २२) पावसाला सुरवात...
संत श्री तुकाराम महाराज पालखी सोहळ्याचे...देहू, जि. पुणे  ः आषाढी वारीसाठी संत श्री...
कोल्हापूरच्या पश्‍चिमेकडे पाऊसकोल्हापूर : जिल्ह्याच्या पश्‍चिम भागात...
पृथ्वीराज चव्हाण यांनी केली...कऱ्हाड, जि. सातारा  ः माजी मुख्यमंत्री आमदार...
अकोट तालुक्यातील केळी बागांना वादळी...अकोला  ः आधीच नैसर्गिक संकटांनी त्रस्त...
नगर जिल्ह्यातील अकरा महसूल मंडळात...नगर  ः जिल्ह्यातील सर्वच भागांत पावसाने...
मराठवाड्यातील ५८ तालुक्यांत पाऊसऔरंगाबाद, नांदेड : मराठवाड्यामध्ये रविवारी (...
शेतकऱ्यांना अडवणाऱ्यांना शिवसेना...नगर   ः विमा योजनेत घोटाळा झाला...
पीकविम्यातील हलगर्जीपणा; कृषी...पुणे : प्रधानमंत्री पीकविमा योजनेची कामे करताना...
मॉन्सूनने निम्मा महाराष्ट्र व्यापलापुणे : नैर्ऋत्य मोसमी वाऱ्यांनी (मॉन्सून)...
तुरळक ठिकाणी मुसळधारेची शक्यतापुणे : राज्याच्या दक्षिण भागात मॉन्सूनने आगमन...
औरंगाबाद, कोपरगाव, येवल्यात धोधो पाऊसपुणे : कोकणानंतर गेल्या दोन दिवसांपासून राज्यातील...
`गुणनियंत्रण`चा चेंडू आता ‘एसीबी’च्या...पुणे : राज्याच्या कृषी विभागातील गुणनियंत्रण...
फिरत्या पशुचिकित्सालयामार्फत पशूंवर...बुलडाणा  : महाराष्ट्र विधानसभेत काल सादर...