agriculture news in Marathi, NAFED will procured onion in lasalgaon, Maharashtra | Agrowon

‘नाफेड’ करणार लासलगावात कांदाखरेदी
ज्ञानेश उगले
बुधवार, 25 ऑक्टोबर 2017

नवीन कांदा येण्यास अजून दीड महिन्याचा अवधी आहे. या स्थितीत कांद्याची आवक कमी झाली असून मागणी वाढली आहे. ‘नाफेड’च्या कांदाखरेदीमुळे बाजारातील स्पर्धा वाढणार असून त्याचा कांद्याचे दर स्थिर राहण्यास उपयोग होईल.
- नानासाहेब पाटील, संचालक-नाफेड
 

नाशिक : दिल्लीमध्ये ३५ ते ४० रुपये किलो भावाने कांदा खरेदी करावा लागत असल्याने लासलगावमधून स्थानिक सहकारी संस्थेच्या माध्यमातून दिल्लीकरांसाठी कांदा खरेदी करण्याचे ‘नाफेड’ने ठरवले आहे, अशी माहिती ‘नाफेड’चे संचालक नानासाहेब पाटील यांनी दिली.

श्री. पाटील म्हणाले, की नुकतीच ‘नाफेड’च्या संचालक मंडळाची मुंबई येथे बैठक झाली. दिल्लीसाठी लासलगाव येथून कांदा खरेदी करुन तो पाठविण्याचा निर्णय यावेळी घेण्यात आला. नवीन कांदा येण्यास अजून दीड महिना अवधी लागणार आहे. या स्थितीत दिल्लीतील ग्राहकांना कांदा उपलब्ध व्हावा यासाठी हालचाली सुरू झाल्या आहेत. 

पावसामुळे खरिपातील कांद्याचे नुकसान झाले आहे. त्यातच खरिपातील पोळ कांद्याची आवक महिन्याने पुढे ढकलली गेली. सद्यस्थितीत बाजारपेठेत विकला जाणारा कांदा हा साठवणुकीतील उन्हाळ हंगामातील आहे. हा कांदा आणखी पंधरा दिवस बाजारपेठेत विक्रीसाठी येईल, इतपत शिल्लक आहे. मात्र हा कांदा संपत असताना पोळ कांदा बाजारात येणार नसल्याने किमान महिनाभर कांद्याला चांगला भाव मिळण्याची शक्‍यता आहे. व्यापाऱ्यांनी दिलेल्या माहितीनुसार, देशभरातून उन्हाळ कांद्याला मागणी आहे. दिवाळीच्या सुटीनंतर लिलाव सुरू झाले असले, तरीही प्रत्यक्षात कांदा देशांतर्गत बाजारपेठेत पाठवण्यास सुरवात झाली नाही. ती लवकरच होईल. 

चांगल्या दराची शक्यता
गुजरातमध्ये नवीन कांद्याचे पीक चांगले आहे. राजस्थानमध्ये नवीन कांद्याची आवक सुरू झाली असली, तरीही नवीन कांदा मोठ्या प्रमाणात बाजारात येण्यास आणखी तीन आठवड्यांचा कालावधी अपेक्षित आहे. कर्नाटकमध्ये सुरवातीला कमी पाऊस असल्याने नवीन कांद्याचे उत्पादन कमी होण्याची चिन्हे आहेत. आंध्र प्रदेशातील कर्नुल भागातील कांदा संपत आला आहे. मध्य प्रदेशात रांगडा (लेट खरीप) कांद्याचे उत्पादन मोठे होत असले, तरीही हा कांदा बाजारात येण्यास १५ डिसेंबर उजाडणार आहे. ही सारी परिस्थिती कांद्याला चांगला भाव मिळण्यास अनुकूल असल्याचे तज्ज्ञांचे म्हणणे आहे.

प्रतिक्रिया
बाजारपेठेत १५ ते १६ रुपये किलो भावाने कांदा विकत मिळत असताना दिल्लीसाठी कांदा खरेदी केला जावा, अशी सूचना ‘नाफेड’ला केली होती. त्यास प्रतिसाद मिळाला नाही. आता कांद्याचे भाव वाढू लागले असताना ‘नाफेड’तर्फे कांदा खरेदी करून पाठवा, असे सांगण्यास सुरवात झाली.

- चांगदेवराव होळकर , माजी संचालक, नाफेड

इतर बातम्या
सातारा जिल्ह्यात २० लाख क्विंटल साखर...सातारा : जिल्ह्यातील १४ कारखान्यांचे गाळप सुरळीत...
महाराष्ट्रात थंडीच्या लाटेची शक्यता महाराष्ट्राच्या पश्‍चिम...
रोहित्र मिळविण्यासाठी शेतकऱ्यांची कसरतऔरंगाबाद : वीज रोहित्राबाबत वर्षोगणती ''गरज तुमची...
शेतकऱ्यांची मूग, उडीद खरेदी सुरू...अकोला : नाफेडमार्फत सुरू असलेली मूग, उडीद खरेदीची...
शेतकरी उत्पादक कंपन्या सुरू करणार डाळ...परभणी : महाराष्ट्र स्पर्धाक्षम कृषी विकास...
सोलापुरात ४४ हजार शेतकऱ्यांना कर्जमाफीसोलापूर : छत्रपती शिवाजी महाराज शेतकरी सन्मान...
नोकर भरतीत नाशिक जिल्हा बँकेचे संचालक...नाशिक : नाशिक जिल्हा मध्यवर्ती सहकारी बँकेच्या...
नुकसानग्रस्त शेतकऱ्यांना नुकसानभरपाई...नाशिक : राज्यात अवकाळी पाऊस व ओखी वादळामुळे...
‘ऑर्गनाईज कॅपिटल’ आल्यास...औरंगाबाद : शेतीक्षेत्रात खासगी क्षेत्राचा हिस्सा...
शेतकऱ्यांच्या वाढल्या ‘खरीप वेदना’पुणे : सोयाबीनचे कोसळेले भाव, तूर-मुगाची वेळेत न...
लोकभावनेच्या दबावामुळे कर्जमाफीत काही...नागपूर : कर्जबाजारी शेतकऱ्यांना दिवाळीआधी...
अखेर ‘डीबीटी’ धोरण जिल्हा परिषद सेस...पुणे  : राज्यात जिल्हा परिषदांमधील सेस...
साखर उद्योगाबाबत केंद्राशी वाटाघाटी करानागपूर : शेतकरी संघटना उसाला ३,५०० रुपयांची मागणी...
‘समृद्धी’बाधितांचे १९ला नागपूर येथे...नाशिक: राज्य शासनाचा महत्त्वाकांक्षी प्रकल्प...
गोंदिया 11.5 अंशांवरपुणे : उत्तरेकडून थंड वारे वाहू लागले आहेत. याचा...
सरकारने शेतकऱ्यांचा विश्‍वासघात केला ः...औरंगाबाद: आलटून पालटून सत्ता भोगण्याचे सत्ताधारी...
भाजीपाला उत्पादकांचा धुक्‍यात घुसमटतोय...कोल्हापूर : गेल्या पंधरा दिवसांत भाजीपाल्याचे दर...
बदलत्या वातावरणामुळे द्राक्ष बागा...सांगली : जिल्ह्यातील द्राक्ष पट्ट्यात गेल्या तीन...
कोल्हापूरचे शिवसेना आमदार प्रकाश...नागपूर : छत्रपती शिवाजी महाराज शेतकरी सन्मान...
बोंडअळीग्रस्तांना मदतीसाठी रॅपरची अट...नागपूर ः बोंडअळी प्रादुर्भावग्रस्त शेतकऱ्यांना...