नाफेडची मूग, उडीद खरेदी अाजपासून बंद

नाफेडची मूग, उडीद खरेदी अाजपासून बंद
नाफेडची मूग, उडीद खरेदी अाजपासून बंद

अकोला : या हंगामात उत्पादित झालेल्या मूग, उडीद, सोयाबीनला हमीभावानुसार दर मिळावा या उद्देशाने नाफेडमार्फत खरेदी सुरू करण्यात अाली. यापैकी मूग व उडदाची खरेदी बुधवार (ता. १३) नंतर नोंदणी करणाऱ्यांसाठी राज्यभरात बंद करण्यात अाली अाहे. यातारखेपूर्वी ज्यांनी नोंदणी केली व माल खरेदी केंद्रावर अाणून ठेवला अशांची मोजणी केली जाणार असल्याचे नाफेडतर्फे सांगण्यात अाल्याने शेतकऱ्यांचे धाबे दणाणले आहे.

शासनाने हंगामात मूग, उडीद, काढणी सुरू झाल्यानंतर हमीभावाने खरेदीसाठी तालुका स्तरावर केंद्र सुरू केले. अनेक दिवस अार्द्रता व इतर कारणांनी हा शेतमाल रिजेक्ट झाला. अकोला व वाशीम जिल्ह्यात मंगळवार (ता. १२) पर्यंत मुगाची १४ हजार २८७ क्विंटल, तर उडदाची ५७ हजार ४५० क्विंटल खरेदी झाली होती. बुधवारी सायंकाळपासून खरेदी थांबवण्यात अाली.

ज्या शेतकऱ्यांनी मूग व उडीद विक्रीसाठी रविवार (ता. १०) पर्यंत नोंदणी केली अशांना मोबाईलवर मेसेज देण्यात अाले अाहेत. त्यांचा शेतमाल बुधवारी सायंकाळपर्यंत खरेदी केंद्रावर अाला असेल तसेच ज्यांचे मोजमाप व्हायचे असेल, असा मूग व उडीद मोजून घेतला जाणार अाहे; मात्र ज्यांनी नोंदणी केली नाही, अशांचा शेतमाल नाफेडतर्फे हमीभावाने खरेदी केला जाणार नसल्याचे सांगण्यात अाले.

अकोल्यातील खरेदी (११ डिसेंबरपर्यंत)

मूग १३५९२ क्विंटल
उडीद २५४८० क्विंटल
सोयाबीन ७७४६ क्विंटल

वाशीम जिल्ह्यातील खरेदी

मूग ६९३ क्विंटल
उडीद ३१९७० क्विंटल
सोयाबीन ४११५ क्विंटल

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com