agriculture news in marathi, Nagar district in viral infection | Agrowon

नगरमध्ये साथीच्या आजाराचा कहर
टीम अॅग्रोवन
शुक्रवार, 12 ऑक्टोबर 2018

नगर ः जिल्ह्यात स्वाइन फ्लूचा जोर वाढत आहे. त्यामुळे मृत्यू झालेल्यांची संख्या आता २३ झाली आहे. यातील पाच मृत्यू जिल्ह्यात, तर १८ मृत्यू परजिल्ह्यांत उपचार सुरू असताना झाले आहेत.

नगर ः जिल्ह्यात स्वाइन फ्लूचा जोर वाढत आहे. त्यामुळे मृत्यू झालेल्यांची संख्या आता २३ झाली आहे. यातील पाच मृत्यू जिल्ह्यात, तर १८ मृत्यू परजिल्ह्यांत उपचार सुरू असताना झाले आहेत.

दिवसा कडक ऊन, रात्री थंडी व पावसाचा पत्ता नाही, अशा वातावरणाचा अगोदरच मानवी शरीरावर विपरीत परिणाम होत आहे. सर्दी, खोकला व तापाच्या रुग्णांमध्ये वाढ झाली आहे. रुग्णालयांत रुग्णांची गर्दी वाढली आहे. आरोग्य विभागाने आत्तापर्यंत जिल्ह्यातील ४० हजार ८४५ रुग्णांची तपासणी केली आहे. यामध्ये ४० हजार ४७८ रुग्ण ‘अ’ गटातील, ३०५ ‘ब’ गटातील आहेत. ‘क’ गटामध्ये ६२ रुग्ण असून, त्यांना स्वाइन फ्लू झाल्याचे तपासणीत आढळले आहे.

यात सर्वाधिक २९ रुग्ण संगमनेर तालुक्‍यात आढळले आहेत. त्या खालोखाल अकोले तालुक्‍यात १३ रुग्ण आहेत. कोपरगाव- सात, राहाता- पाच, नगर, कर्जत, नेवासे, पारनेर, राहुरी, शेवगाव या तालुक्‍यांत प्रत्येकी एक व श्रीगोंदे तालुक्‍यात दोन रुग्ण आढळले आहेत. विविध रुग्णालयांत त्यांच्यावर उपचार सुरू आहेत. स्वाइन फ्लूमुळे दगावलेल्या २३ पैकी सर्वाधिक रुग्ण कोपरगाव तालुक्‍यातील असून, त्यांची संख्या सात आहे. त्या खालोखाल संगमनेर तालुक्‍यातील सहा रुग्णांचा यामुळे मृत्यू झाला आहे. अकोले- पाच, नगर, नेवासे, राहाता, राहुरी, श्रीगोंदे या तालुक्‍यांत प्रत्येकी एका रुग्णाचा मृत्यू झाला आहे.

गावोगाव तपासणी
‘स्वाइन फ्लू’ अथवा संशयित आजाराने एखाद्याचा मृत्यू झाल्यास आरोग्य विभागाकडून संबंधित गावात तपासणी केली जात आहे. तसेच संशयित रुग्णांना टॅमी फ्लूच्या गोळ्या देण्याचा आदेश आरोग्य विभागाने दिला आहे. संबंधित रुग्णास तातडीने जिल्हा रुग्णालयात दाखल करावे. तेथे उपचारासाठी स्वतंत्र कक्ष स्थापन करण्यात आला आहे.

लक्षणे -
- घसा खवखवणे, ताप येणे,  खोकला येणे, घसा दुखणे, श्‍वास घेण्यास त्रास,
 अतिसार, उलट्या

हे करा -
- हात सातत्याने साबण व पाण्याने धुवा.
- खोकताना, शिंकताना तोंडावर रुमाल ठेवा.
- भरपूर पाणी प्या, पुरेशी झोप घ्या.

हे टाळा -
- सार्वजनिक ठिकाणी थुंकणे.
- डॉक्‍टरांच्या सल्ल्याशिवाय औषधे घेणे.
- संसर्गजन्य रुग्णाला भेटणे.
- लक्षणे आढळल्यास तातडीने रुग्णाला प्राथमिक आरोग्य केंद्रात घेऊन जा.
- ३६ तासांत उपचाराने स्वाइन फ्लू बरा होतो.

घशात खवखव, सर्दी-खोकला अशी लक्षणे आढळून आल्यास तातडीने प्राथमिक आरोग्य केंद्रात तपासणी करून घ्या. अन्य रुग्णालयात जाऊन वेळ दवडू नका. वेळेत उपचार घेतल्यास स्वाइन फ्लू बरा होतो.
- डॉ. संदीप सांगळे,
जिल्हा आरोग्य अधिकारी

इतर बातम्या
सातारा जिल्हा बॅंक देणार मध्यम मुदत...सातारा :  स्थापनेपासून गेल्या ६८ वर्षांत...
मराठवाड्यात भीषण जलसंकटऔरंगाबाद : मराठवाड्यातील ८२४ लघू मध्यम...
टंचाई निवारणाच्या उपाययोजना राबवा :...परभणी : टंचाई निवारणासाठी कृती आराखड्यातील...
द्राक्ष उत्पादकांना तज्ज्ञांचे बांधावर...नाशिक : द्राक्ष बागायतदारांना येणाऱ्या अडचणी...
औरंगाबादेत हिरवी मिरची ४००० ते ५०००...औरंगाबाद : येथील कृषी उत्पन्न बाजार...
जळगाव : खरिपाचा रासायनिक खतपुरवठा रखडलाजळगाव : रासायनिक खतांचा खरिपासंबंधीचा पुरवठा...
दुष्काळनिधीची कार्यवाही तत्काळ करा :...जळगाव : पालकमंत्री चंद्रकांत पाटील यांनी शनिवारी...
दुष्काळ निवारणार्थ समन्वयाने काम करा :...नाशिक : जिल्ह्यात दुष्काळी परिस्थितीमुळे...
सांगली : तेरा छावण्यांत पाच हजारांवर...सांगली : दुष्काळग्रस्त भागातील जनावरांच्या...
दुष्काळी मदतीची गावनिहाय माहिती जाहीर...मुंबई  : राज्यातील बहुतांश...
पाण्यासाठी भीमा नदीपात्रात ठिय्या आंदोलन मांडवगण फराटा, जि. पुणे  : घोड आणि...
निम्‍न दुधना धरणाच्या पाण्यासाठी...परभणी : दुष्काळामुळे मानवत तालुक्यातील दुधना...
‘उजनी’काठच्या शेतकऱ्यांची पिके...भिगवण, जि. पुणे   ः प्रशासनाच्या...
पुणे जिल्ह्यातील धरणे तळाशीपुणे  : जिल्ह्यातील धरणांमधील पाणीसाठा...
अकोल्यातील खरीप आढावा बैठक...अकोला  ः शेतकऱ्यांच्या दृष्टीने महत्त्वाच्या...
दुष्काळ निवारणासाठी सातारा जिल्हा...सातारा : जिल्ह्यातील दुष्काळी तालुक्‍...
मंडळ स्तरावरील अचूक हवामान अंदाजासाठी...परभणी ः महावेध प्रकल्पांतर्गत मंडळ स्तरावरील...
विदर्भासह, मध्य महाराष्ट्र, मराठवाड्यात...पुणे : विदर्भात उष्णतेची लाट आली आहे. यातच दोन...
राज्यातील सर्वांत मोठा सौरऊर्जा प्रकल्प...नाशिक: कृषिपंपांना दिवसा वीज मिळावी, या...
मॉन्सून मंगळवारपर्यंत उत्तर...पुणे: नैॡत्य मोसमी वारे (मॉन्सून) शनिवारी (ता. १८...