नगरमध्ये हरभरा प्रतिक्विटंल ३७५० रुपये

नगरमध्ये हरभरा प्रतिक्विटंल ३७५० रुपये
नगरमध्ये हरभरा प्रतिक्विटंल ३७५० रुपये

नगर ः नगर बाजार समितीत मागील सप्ताहात ४३४ क्विंटल हरभऱ्याची आवक झाली. हरभऱ्याला ३६५० ते ३७५० रुपये प्रतिक्विंटल दर मिळाला. मूग, मठ, उडीद, तुरीची आवक होत आहे. मात्र, सर्वसाधारण भुसारची बाजार समितीत सध्या आवक, तसेच भाजीपाल्याची आवक आणि दर स्थिर आहेत.

नगर बाजार गेल्या आठवडाभरात आवकेवर आंदोलनाचा काहीसा परिणाम झाला आहे. ज्वारीची ७४ क्विंटलची आवक झालेली असून, ज्वारीला १९०० ते १९८५ रुपये दर मिळाला. बाजरीची ८९ क्विंटलची आवक झालेली असून, बाजरीला १३५० ते १५५१ रुपये दर मिळाला आहे. मुगाची ८४ क्विंटलची आवक झालेली असून, मुगाला ४०७७ ते ५२५६ रुपये दर मिळाला, तर उडिदाची २९ क्विंटलची आवक होऊन ३५०० रुपये दर मिळाला. गव्हाची आवकही बाजार समितीत बऱ्यापैकी होत आहे. गव्हाची ३३५ क्विटंलची आवक झाली असून, गव्हाला १९०० ते २१७५ रुपये दर मिळाला. मठाची ३० क्विंटलची आवक झाली.

मठाला ५५०० ते ६५०० रुपये दर मिळाला. एक हजार ७७ गुळडागाची आवक झाली. गुळडागाला २६०० ते ३२०० रुपये दर मिळाला. बाजार समितीत कोबी, वांगी, फ्लावर, भुईमूग शेंग, दोडके, भेंडी, टोमॅटो, काकडी, बटाटे, हिरवी मिरची, पालक, मेथी, कोथिंबिरीची बऱ्यापैकी आवक होत आहे. भाजीपाल्याचे दर गेल्या पंधरा दिवसांच्या तुलनेत स्थिर आहेत. या आठवड्यात झालेल्या अांदोलनामुळे एक दिवस बाजार समितीमधील व्यवहार बंद होते. आंदोलनाचा आवकेवर परिणाम झाला असल्याचे बाजार समितीचे सचिव अभय भिसे यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com