नांदेड परिमंडळात वीजबिल थकबाकी ४४ कोटींवर

संग्रहित छायाचित्र
संग्रहित छायाचित्र

नांदेड  : कृषिपंपाच्या वीजबिल थकबाकी वसुली मोहिमेनंतर आता नांदेड परिमंडळातील घरगुती, व्यावसायिक व औद्योगिक वीजग्राहकांच्या थकित वीजबिलांची वसुली तसेच वीजपुरवठा खंडीत करण्याची महामोहीम सुरू करण्यात आली आहे. नांदेड परिमंडळातील नांदेड, परभणी, हिंगोली या तीन जिल्ह्यांत सप्टेंबर २०१७ अखेर ७ लाख २३ हजार ७९३ वीजग्राहकांकडे ४४ केाटी ३१ लाख रुपये वीजबिल थकबाकी आहे, अशी माहिती महावितरणच्या सूत्रांनी दिली. महावितरणची आर्थिक स्थिती सुधारण्यासाठी व वर्षानुवर्ष थकबाकीचा वाढत जाणारा डोंगर कमी करण्याच्या हेतूने महावितरण प्रशासनाने सर्वच स्तरावर थकबाकीदार वीजग्राहकांचा वीजपुरवठा खंडीत करण्याची महामोहीम सुरू केली आहे. नांदेड परिमंडळातील नांदेड जिल्ह्यामधील ४ लाख २४ हजार २३० वीजग्राहकांकडे ३१ कोटी ५६ लाख रुपये, परभणी जिल्ह्यात १ लाख ८९ हजार १७५ वीजग्राहकांकडे १२ कोटी १८ लाख रुपये तर हिंगोली जिल्ह्यातील १ लाख १० हजार ३८८ वीजग्राहकांकडे ५७ लाख रुपये वीजबिल थकबाकी आहे.

दरम्यान, मंगळवार (ता.७) पासून सुरु झालेल्या या वसुलीच्या महामोहिमेत नांदेड जिल्ह्यातील ३७६ वीजग्राहकांचा वीजपुरवठा खंडीत करण्यात आला. १८५१ वीजग्राहकांनी ३५ लाख रुपये वीजबिल भरणा केला आहे. परभणी जिल्ह्यातील ७५ वीजग्राहकांचा वीजपुरवठा खंडित करण्यात आला, तर ९७ वीजग्राहकांनी ८ कोटी ८२ लाख रुपयांचे वीजबिल महावितरणच्या खात्यात जमा केले. गेल्या दोन दिवसांत केलेल्या कारवाईत एकूण ४५१ वीजग्राहकांचा वीजपुरवठा खंडीत करण्यात आला, ९ कोटी १७ लाख रुपयांची थकबाकी जमा केली आहे.

वीजग्राहकांपर्यंत एक युनिट वीज पोचवण्यासाठी जेवढा खर्च येतो; त्याच्या अर्धीही रक्कम वीजग्राहकाकडून वसूल होत नाही. त्यामुळे वीजग्राहकांनी देय तारखेच्या आत वीजबिल भरून महावितरणला सहकार्य करावे अन्यथा वीज खंडीत असे आवाहन नांदेड परिमंडळाचे मुख्य अभियंता अविनाश पाटोळे यांनी केले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com