नांदेड ः यंदा नांदेड जिल्ह्यातील १४ तालुक्यांतील मुगाची सरासरी उत्पादकता प्रतिहेक्टरी ४ क्विंटल ९५ किलो (एकरी १ क्विंटल ९८ किलो) आली आहे. तर उडदाची सरासरी उत्पादकता प्रतिहेक्टरी ५ क्विंटल ३० किलो (एकरी २ क्विंटल १२ किलो) आली आहे. कृषी, महसूल आणि ग्रामविकास विभागातर्फे घेण्यात आलेल्या पीक कापणी प्रयोगाच्या निष्कार्षावरून हे समोर आले आहे.
यंदाच्या (२०१८-१९) च्या खरीप हंगामात नांदेड जिल्ह्यात मुगाची २६ हजार ४५१ हेक्टरवर पेरणी झाली होती. जिल्ह्यातील सर्व तालुक्यांत मुगाचे एकूण १९२ पीक कापणी प्रयोगाचे नियोजन करण्यात आले होते. सोळापैकी नांदेड आणि हदगांव तालुके वगळता अन्य १४ तालुक्यांतील १५० पीक कापणी प्रयोगाचे विश्लेषण करण्यात आले. त्यानुसार प्रतिहेक्टरी सरासरी ४ क्विंटल ९५ किलो उत्पादकता आल्याचे आढळून आले.
तालुकानिहाय मुगाची प्रतिहेक्टरी उत्पादकता क्विंटलमध्ये याप्रमाणे आहे. अर्धापूर तालुका (७.७६), मुदखेड तालुका (५.१८), कंधार तालुका (५.५५), लोहा तालुका (५.७७), बिलोली तालुका (५.९६), देगलूर तालुका (४.६८), धर्माबाद तालुका (४.२४), नायगांव तालुका (७.१५), मुखेड तालुका (३.६६), माहूर तालुका (५.०७), हिमायतनगर तालुका (२.२६), किनवट तालुका (४.२४), भोकर तालुका (३.७१), उमरी तालुका (३.६५) एवढी आली आहे.
नांदेड जिल्ह्याची मुगाची सरासरी उत्पादकता प्रतिहेक्टरी ४ क्विंटल आहे. यंदा १४ तालुक्यांची मुगाची सरासरी उत्पादकता प्रतिहेक्टरी ४ क्विंटल ९५ किलो म्हणजेच एकरी १ क्विंटल ९८ किलो एवढी आली आहे. मुखेड, भोकर, हिमायतनगर, उमरी तालुक्यात मुगाची उत्पादकता सरासरीपेक्षा कमी आली आहे.
यंदा नांदेडमध्ये उडदाची २९ हजार ५२० हेक्टरवर पेरणी झाली होती. कृषी, महसूल, ग्रामविकास विभागातर्फे उडदाच्या ३४८ पीक कापणी प्रयोगाची नियोजन करण्यात आले होते. नांदेड आणि हदगांव तालुके वगळता उर्वरित १४ तालुक्यांतील २०० प्रयोग विश्लेषित करण्यात आले. त्यानुसार या तालुक्यातील उडदाची सरासरी उत्पादकता प्रतिहेक्टरी ५ क्विंटल ३० किलो म्हणजेच एकरी २ क्विंटल १२ किलो आली असल्याचे आढळून आले आहे.
जिल्ह्याची उडदाची सरासरी उत्पादकता प्रतिहेक्टरी ४.१० क्विंटल आहे. यंदा देगलूर तालुक्यात उडदाची सरासरी उत्पादकता घटली आहे. यंदाची उडदाची तालुकानिहाय उत्पादकता क्विंटलमध्ये याप्रमाणे आहे. अर्धापूर तालुका (६.७९), मुदखेड (७.१६), कंधार (४.४८), लोहा (६.०५), बिलोली (५.१६), देगलूर (३.३३), धर्माबाद (४.४६), नायगांव (१०.४७),मुखेड (५.०), माहूर (५ .०९), हिमायतनगर (४.७७), किनवट (४.४६),भोकर (४.३७), उमरी (५.८५).
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.