agriculture news in marathi, Nanded, Parbhani and Hingoli in 18 lakh proposal crop insurance | Agrowon

नांदेड, परभणी, हिंगोलीतून पीकविम्याचे १८ लाख प्रस्ताव
टीम अॅग्रोवन
बुधवार, 1 ऑगस्ट 2018

नांदेड ः पंतप्रधान पीकविमा योजनेअंतर्गत यंदा खरीप हंगामात मंगळवारी (ता. ३१) सकाळी सहा वाजेपर्यंत नांदेड, परभणी, हिंगोली जिल्ह्यातील १८ लाख ७७ हजार ८२२ शेतकऱ्यांनी आॅनलाइन पीकविमा प्रस्ताव सादर केले. यासंदर्भात कृषी विभागाच्या सूत्रांनी माहिती दिली. नांदेड जिल्ह्यात गतवर्षीच्या तुलनेत यंदा विमा भरणाऱ्या शेतकऱ्यांची संख्या १ लाख ५५ हजार २५० ने संख्या जास्त आहे. परभणी, हिंगोली जिल्ह्यात विमा योजनेतील शेतकऱ्यांचा सहभाग कमी आहे.  

नांदेड ः पंतप्रधान पीकविमा योजनेअंतर्गत यंदा खरीप हंगामात मंगळवारी (ता. ३१) सकाळी सहा वाजेपर्यंत नांदेड, परभणी, हिंगोली जिल्ह्यातील १८ लाख ७७ हजार ८२२ शेतकऱ्यांनी आॅनलाइन पीकविमा प्रस्ताव सादर केले. यासंदर्भात कृषी विभागाच्या सूत्रांनी माहिती दिली. नांदेड जिल्ह्यात गतवर्षीच्या तुलनेत यंदा विमा भरणाऱ्या शेतकऱ्यांची संख्या १ लाख ५५ हजार २५० ने संख्या जास्त आहे. परभणी, हिंगोली जिल्ह्यात विमा योजनेतील शेतकऱ्यांचा सहभाग कमी आहे.  

पंतप्रधान पीक विमा योजनेअंतर्गत यंदा सोमवार (ता. ३०) पर्यंत जनसुविधा केंद्र आणि बॅंकांमध्ये केवळ आॅनलाइन प्रस्ताव स्वीकारण्यात आले. स्वयंघोषणा पीक पेरापत्रक स्वीकारल्यामुळे एक समस्या मार्गी लागली; परंतु आॅनलाइन सातबारा, होल्डिंग प्रमाणपत्र मिळत नसल्यामुळे शेतकऱ्यांना तलाठ्यांकडे येरझारा माराव्या लागल्या. जनसुविधा केंद्र सर्व्हर तसेच पीकविमा वेब पोर्टलची गती सुरवातीच्या काळात चांगली होती; परंतु वेब पोर्टलची गती धीमी झाल्यामुळे वैयक्तिकरित्या विमा अर्ज भरता न आल्यामुळे जनसुविधा केंद्रावर गर्दी झाली.;परंतु तेथे सर्व्हर डाउनमुळे वेळ लागला.

नांदेड जिल्ह्यात यंदा मंगळवारी सकाळपर्यंत एकूण ११ लाख २१ हजार ३५७ शेतकऱ्यांनी पीकविमा अर्ज भरले आहेत. गतवर्षी ९ लाख ६६ हजार १०७ शेतकऱ्यांनी पीकविमा भरला होता. यंदा गतवर्षीच्या तुलनेत यंदा पीकविमा भरणाऱ्या शेतकऱ्यांची संख्या १ लाख ५५ हजार २५० ने जास्त आहे. सध्या नांदेड जिल्ह्याचा बीडनंतर राज्यात दुसरा क्रमांक आहे. परभणी जिल्ह्यात मंगळवारपर्यंत ५ लाख २० हजार ३४१ शेतकऱ्यांनी विमा अर्ज भरले.

गतवर्षी ६ लाख ९७ हजार ७१७ शेतकऱ्यांनी विमा प्रस्ताव दाखल केले होते. गतवर्षीच्या तुलनेत यंदा परभणी जिल्ह्यात विमा प्रस्तावांची संख्या १ लाख ७७ हजार ३७६ ने कमी आहे. हिंगोली जिल्ह्यातील २ लाख ३६ हजार १२४ शेतकऱ्यांनी पीकविमा प्रस्ताव सादर केले. गतवर्षी २ लाख ५३ हजार २०६ शेतकऱ्यांनी विमा प्रस्ताव भरले होते. गतवर्षीच्या तुलनेत सध्या विमा अर्ज भरलेल्या शेतकऱ्यांची संख्या १७ हजार ८२ ने कमी आहे. या तीन जिल्ह्यांत एकूण १८ लाख ७७ हजार ८२२ शेतकऱ्यांनी विमा प्रस्ताव भरले आहेत. गतवर्षी १९ लाख १७ हजार ३० शेतकरी पीकविमा योजनेत सहभागी झाले होते.

आॅनलाइन सातबारा, होल्डिंग प्रमाणपत्र न मिळाल्यामुळे तलाठ्याकडे गर्दी झाल्याने चकरा माराव्या लागल्या. त्यानंतर ई-सेवा केंद्रावर सर्व्हर चालत नसल्याने खूप वेळ लागला. चार ते पाच दिवस येरझाऱ्या मारून सोयाबीनचा विमा अर्ज भरला. अजून बरेच शेतकरी विमा भरायचे राहिले आहेत. त्यांच्यासाठी मुदतवाढ देणे आवश्यक आहे.
- ज्ञानेश्वर माटे, अर्धापूर, जि. नांदेड

गतवर्षी आमच्या भागात नुकसान होऊनही परतावा न मिळाल्यामुळे यंदा विमा भरणाऱ्या शेतकऱ्यांचे प्रमाण कमी आहे. जनसुविधा केंद्रावर सर्व्हरच्या समस्येमुळे पीकविमा भरण्यासाठी तीन दिवस लागले.
- बालासाहेब हिंगे, मजलापूर, जि. परभणी.

जुलैच्या सुरवातीलाच सोयाबीन, कपाशीचे विमा अर्ज भरले. त्यामुळे अडचणी आल्या नाहीत.
- सुभाष डुकरे, विरेगाव, जि. हिंगोली

इतर बातम्या
सिंधुदुर्गात पाऊस; आंबा, काजूला मोठा...कणकवली, जि. सिंधुदुर्ग : जिल्ह्यातील काही भागात...
सागरी नत्र साखळीतील महत्त्वाच्या...सागरी पाण्यातील अमोनिया ऑक्सिडेशन करणारे...
औरंगाबादेत कामगारांची निदर्शने औरंगाबाद : बाजार समितीमधून हमाल-मापाड्यांची...
पुणे जिल्ह्यात ३७ लाख ३३ हजार टन ऊस...पुणे ः पुणे जिल्ह्यातील १७ साखर कारखान्यांचा गळीत...
नांदेड विभागात २८ लाख क्विंटल साखरेचे...नांदेड ः नांदेड येथील प्रादेशिक साखर सहसंचालक...
जतला पाणी देण्यास कर्नाटकचे मुख्यमंत्री...जत, जि. सांगली ः तुबची बबलेश्वर (कर्नाटक)...
नाशिक जिल्ह्यात १५ लाख टन चारा उपलब्ध...नाशिक : राज्यातील दुष्काळी भागात गरज आणि मागणी...
बुलडाण्यात दुष्काळग्रस्त शेतकऱ्यांना...बुलडाणा ः कमी पावसामुळे जिल्ह्यात शासनाने यावर्षी...
राज्यात टोमॅटो प्रतिक्विंटल ३०० ते १२००...सोलापुरात सर्वाधिक दर ८०० रुपये सोलापूर ः...
पाणी चोरी करणाऱ्यांवर फौजदारी कारवाईमुंबई : राज्यातील दुष्काळी परिस्थिती लक्षात घेऊन...
दुष्काळात बॅंकांची सक्तीची वसुली थांबवा...बुलडाणा ः सध्या जिल्ह्यात दुष्काळी परिस्थिती आहे...
चवगोंडा पाटील, सौरभ कोकीळ, मारुती शिंदे...पुणे : राज्यातील ऊस उत्पादक शेतकऱ्यांची...
कोल्हापूरात कामगार-अडत्यांच्या वादात...कोल्हापूर : येथील बाजार समितीत तोलाइदार, अडते...
फुलांवर रुंजन रोबो मधमाश्‍यांचे...नागपूर : विविध आकर्षक रंगसंगतीसह काही वेळ...
राज्यात थंडीत चढउतारपुणे : छत्तीसगडचा दक्षिण भाग, तेलंगणा आणि...
नाशिक जिल्ह्यातील माती परीक्षणासाठी ‘...नाशिक : नाशिक जिल्ह्यातील शेती, गावतळे, जलसंपदा,...
जेजुरीत कुलधर्म कुलाचारासाठी भाविकांची...जेजुरी, जि. पुणे : चंपाषष्ठी उत्सवानिमित्त...
पीककर्जासाठी उपोषणकर्त्या शेतकऱ्याचे...पाथरी, जि. परभणी  : पीककर्जाच्या मागणीसाठी...
सव्वाआठ रुपये दर मिळाला तरच पपईची विक्रीजळगाव  : खानदेशात पपई उत्पादकांना सव्वाआठ...
दोन टप्प्यांत ‘एफआरपी’ला विरोधसातारा : साखरेचे दर कोसळल्याने उसाचा पहिला हप्ता...