नांदेड, परभणी, हिंगोलीत लांबणीवर पडलेली पेरणी सुरू

नांदेड ः नांदेड, परभणी, हिंगोली जिल्ह्यांमध्ये रविवारी (ता. २४) सकाळी आठपर्यंतच्या २४ तासांमध्ये १०४ मंडळांमध्ये हलका ते जोरदार पाऊस झाला. नांदेड जिल्ह्यातील सरसम (ता. हिमायतनगर) मंडळात (६९ मिमी) अतिवृष्टी झाली. पावसाच्या खंडामुळे लांबणीवर पडलेली पेरणी चांगल्या पावसामुळे सुरू झाली आहे.

नांदेड जिल्ह्यातील अनेक तालुक्यांतील पावसाचा जोर कमी झाला आहे. रविवारी सकाळी आठपर्यंत नांदेड, मुदखेड, हिमायतनगर, हदगाव, भोकर, उमरी, बिलोली, नायगाव, देगलूर, मुखेड, कंधार, लोहा तालुक्यांतील ५३ मंडलामध्ये पाऊस झाला. परभणी जिल्ह्यातील परभणी, जिंतूर, सेलू, मानवत, पाथरी, सोनपेठ, गंगाखेड, पालम, पूर्णा तालुक्यांतील ३४ मंडलामध्ये हलका ते जोरदार पाऊस झाला; परंतु अनेक भागात पावसाचा जोर कमी होता. हिंगोली जिल्ह्यातील हिंगोली, कळमनुरी, औंढा नागनाथ तालुके वगळता अन्य तालुक्यांत पावसाचा जोर कमी झाला आहे. सर्व पाच तालुक्यांतील १७ मंडळांमध्ये हलका ते जोरदार पाऊस झाला.

मंडलनिहाय पाऊस (मिलिमीटरमध्ये)

नांदेड जिल्हा ः नांदेड शहर ७, नांदेड ग्रामीण ५,  वसरणी १५, तुप्पा १२, विष्णुपुरी ७, मुदखेड १९, मुगट ११, बारड ५४, हिमायतनगर १८, सरसरम ६९, जवळगाव १२, पिंपरखेड ६०, निवघा ३२, तळणी ५, भोकर २५, मोघाळी २०, किन्ही ३६, उमरी ११, सिंधी १६, गोलेगाव १०, कुंडलवाडी ५, नायगाव ५, मांजरम ७, बरबडा ६, कुंटूर ६, देगलूर १०, मरखेल ३४, मालेगाव १२, जांब १८ , माळकोळी ११, शेवडी १०, सोनखेड ३६. परभणी जिल्हा ः सिंगणापूर १०, झरी ७, पेडगांव ५, जिंतूर ६, सावंगी म्हा.८, बामणी ११,कोल्हा ३७, गंगाखेड २२, राणीसावरगाव ६, माखणी १६, महातपुरी १७, पालम ५, चाटोरी २४, पूर्णा ७, ताडकळस ६.

हिंगोली जिल्हा ःहिंगोली १७, माळहिवरा ८, डिग्रस १७, नांदापूर ११, आखाडा बाळापूर ५७, वारंगा ७, सेनगाव ९, गोरेगाव १४, आजेगाव २८, औंढा नागनाथ ५०, येळेगाव ५, साळणा ८.