agriculture news in marathi, Nanded, Parbhani, Hingoli, September dry | Agrowon

नांदेड, परभणी, हिंगोलीत सप्टेंबर कोरडा
टीम अॅग्रोवन
मंगळवार, 2 ऑक्टोबर 2018

नांदेड ः नांदेड, परभणी, हिंगोली जिल्ह्यात गतवर्षीप्रमाणे यंदाही पावसाला सप्टेंबर महिन्याची सरासरी गाठता आली नाही. या तीन ही जिल्ह्यांतील १४९ मंडळांपैकी १२४ मंडळांमध्ये ५० मिमीपेक्षा कमी पाऊस झाला. बहुतांश भागात सप्टेंबर महिना कोरडा गेला. तीनही जिल्ह्यांत सप्टेंबर महिन्यातील पावसाचा यंदाचा नीचांक आहे. पावसाच्या प्रदीर्घ खंडामुळे खरीप हंगामावरील दुष्काळाचे सावट दिवसागणिक अधिक गडद होत चालले आहे.

नांदेड ः नांदेड, परभणी, हिंगोली जिल्ह्यात गतवर्षीप्रमाणे यंदाही पावसाला सप्टेंबर महिन्याची सरासरी गाठता आली नाही. या तीन ही जिल्ह्यांतील १४९ मंडळांपैकी १२४ मंडळांमध्ये ५० मिमीपेक्षा कमी पाऊस झाला. बहुतांश भागात सप्टेंबर महिना कोरडा गेला. तीनही जिल्ह्यांत सप्टेंबर महिन्यातील पावसाचा यंदाचा नीचांक आहे. पावसाच्या प्रदीर्घ खंडामुळे खरीप हंगामावरील दुष्काळाचे सावट दिवसागणिक अधिक गडद होत चालले आहे.

नांदेड जिल्ह्यामध्ये सप्टेंबर महिन्यातील पावसाची सरासरी १९७.२ मिमी आहे; परंतु यंदा प्रत्यक्षात सरासरी ४२.६ मिमी (२१.६ टक्के) पाऊस झाला. जिल्ह्यातील ८० पैकी ५७ मंडळांमध्ये ५० मिमीपेक्षा कमी झाला. यापैकी ४१ मंडळांमध्ये ३० मिमीपेक्षा कमी पाऊस झाला. उर्वरित २३ मंडळांमध्ये ५१ ते ११७ मिमी पाऊस झाला आहे. खानापूर मंडळामध्ये सर्वात कमी ५ मिमी पाऊस झाला. कुरुळा मंडळात सर्वाधिक ११७ मिमी पाऊस झाला. देगलूर तालुक्यात सर्वात कमी सरासरी १६.२ मिमी पाऊस झाला.

परभणी जिल्ह्याची सप्टेंबर महिन्यातील पावसाची सरासरी १८०.७ मिमी आहे; परंतु यंदा प्रत्यक्षात सरासरी २१.८ मिमी (१२.१ टक्के) पाऊस झाला. जिल्ह्यातील ३९ पैकी ३६ मंडळांपैकी जिंतूर मंडळ १०७ मिमी, कात्नेश्वर ५२ मिमी, बनवस ७१ मिमी हे तीन मंडळे वगळता उर्वरित ३५ मंडळांमध्ये ० ते ३८ मिमी पाऊस झाला. १० मिमी पेक्षा कमी पाऊस झालेल्या मंडळांमध्ये पेडगांव ६, दैठणा ६, बाभळगांव ५, आडगाव ८, ताडकळस ८, चाटोरी २, पालम १०, सेलू ४, कोल्हा २ या नऊ मंडळांचा समावेश आहे. देऊळगाव मंडळात पाऊस झाला नाही.

हिंगोली जिल्ह्याची सप्टेंबर महिन्याची पावसाची सरासरी १६०.१ मिमी आहे; परंतु यंदा प्रत्यक्षात ११.४ मिमी (७.१ टक्के) पाऊस झाला. जिल्ह्यातील हयातगर मंडळाचा अपवाद वगळता अन्य २७ मंडळांमध्ये ५० मिमीपेक्षा कमी पाऊस झाला. नांदापूर आणि आजेगाव मंडळामध्ये पाऊस झाला नाही. हिंगोली ४, नरसी नामदेव १, सरमस ७, बासंबा १०, दिग्रस ३, माळहिवरा ९, खंबाळा ४, आखाडा बाळापूर ९, डोंगरकडा आणि वारंगा प्रत्येकी १, आंबा ७, गिरगाव ६, कुरुंदा ४, जवळा ३, सेनगाव २, साखरा ७, पानकनेरगाव ५ या १७ मंडळांमध्ये १० मिमीपेक्षा कमी पाऊस झाला.

यंदाच्या पावसाळ्यात जूनपासून आजवर नांदेड जिल्ह्यात ८८४.८ मिमी पाऊस अपेक्षित असताना प्रत्यक्षात ७४९.४ मिमी (८४ टक्के), परभणी जिल्ह्यात ७२३.१ मिमी पाऊस अपेक्षित असताना प्रत्यक्षात ४९४.२ मिमी (६८.३ टक्के), हिंगोली जिल्ह्यात ८४० मिमी पाऊस अपेक्षित असताना प्रत्यक्षात ७१३.१ मिमी (८४.९ टक्के) पाऊस झाला; परंतु तब्बल दीड महिन्यापेक्षा अधिक कालावधीपासून पावसाचा खंड पडल्याने खरीप पिकांच्या उत्पादनात मोठी घट येत आहे. अनेक भागातील पिके पावसाअभावी नष्ट झाली आहेत.

सततच्या उन्हामुळे जमिनीतील ओलावा उडून गेला आहे. अनेक भागात पिण्याच्या पाण्यासह जनावरांच्या चाऱ्यांची समस्या जाणवत आहे. पावसाअभावी या तीन जिल्ह्यांतील दुष्काळाचे संकट दिवसागणिक अधिक गडद होत चालले आहे. पावसाच्या दीर्घ खंडाचा खरीप हंगामाला मोठा फटका बसला. रब्बी पेरणीसाठी मोठ्या पावसाची गरज आहे.

सप्टेंबर महिन्यातील तुलनात्मक पाऊस (मिलिमीटरमध्ये)
जिल्हा २०१६ २०१७ २०१८
नांदेड ३०१ ६५.३१ ४२.६
परभणी ३१४.७ ८८.३ २१.८
हिंगोली २१६.७. ९७ ७.१

 

इतर ताज्या घडामोडी
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...
सौर कृषिपंप योजनेसाठी पुणे जिल्ह्यातून...पुणे : शेतकऱ्यांना दिवसा व सौरऊर्जेद्वारे शाश्वत...
अपारंपरिक ऊर्जा काळाची गरज : बावनकुळेभंडारा : पारंपरिक ऊर्जेची मर्यादा लक्षात घेऊन...
नांदेड जिल्ह्यामध्ये १८ टॅंकरद्वारे...नांदेड ः जिल्ह्यातील तीव्र पाणीटंचाई उद्भवलेली ११...
परभणी, नांदेड जिल्ह्यात २ लाख खात्यांवर...परभणी ः परभणी आणि नांदेड जिल्ह्यातील दुष्काळामुळे...
टेंभूच्या नेवरी वितरिकेची कामे २२...सांगली ः टेंभू उपसा सिंचन योजनेच्या नेवरी वितरिका...
पाणीटंचाईमुळे कांदा लागवडीच्या...पुणे ः वाढत असलेल्या पाणीटंचाईमुळे शेतकऱ्यांनी...
नगर जिल्ह्यामध्ये तुरीचे उत्पादन...नगर ः नगर जिल्ह्यामध्ये यंदा दुष्काळी परिस्थिती...
अण्णासाहेब पाटील महामंडळामार्फत १२ कोटी...कोल्हापूर : शासनाने अण्णासाहेब पाटील आर्थिक मागास...
कचारगडला `अ’ वर्ग पर्यटनस्थळाचा दर्जा...गोंदिया ः कचारगड हे देशभरातील भाविकांचे...