agriculture news in marathi, Nashik has been increasing the prices of eggplant, ghee and ginger rates | Agrowon

नाशिकला वांगी, घेवडा, आले दर तेजीत
ज्ञानेश उगले
मंगळवार, 18 डिसेंबर 2018

नाशिक : गत सप्ताहात नाशिक बाजार समितीत बहुतांश फळभाज्या व पालेभाज्यांची आवक घटलेली होती. या स्थितीत भाज्यांना स्थानिक तसेच जिल्ह्याबाहेरील बाजार समितीतून मागणी वाढल्यामुळे तेजीचे दर मिळाले. यात वांगी, घेवडा, आले, कारले, भोपळा, घेवडा या भाज्यांना तेजीचे दर मिळाले.

नाशिक : गत सप्ताहात नाशिक बाजार समितीत बहुतांश फळभाज्या व पालेभाज्यांची आवक घटलेली होती. या स्थितीत भाज्यांना स्थानिक तसेच जिल्ह्याबाहेरील बाजार समितीतून मागणी वाढल्यामुळे तेजीचे दर मिळाले. यात वांगी, घेवडा, आले, कारले, भोपळा, घेवडा या भाज्यांना तेजीचे दर मिळाले.

नाशिक भागात मागील पंधरवड्यापासून थंडीचा माहौल आहे. गत सप्ताहात तापमान ८ अंश सेल्सिअसपर्यंत खाली आले. या काळात बहुतांश भाज्यांची आवक घटली. या काळात दरवर्षी वांग्याला मागणी वाढते. गत सप्ताहात वांग्याची १८२ क्विंटल आवक झाली. वांग्याला प्रतिक्विंटलला १७०० ते ३५०० व सरासरी २२५० रुपये दर मिळाले. वांग्याच्या तुलनेत घेवड्याची आवक अत्यल्प होती. या वेळी घेवड्याची आवक अवघी ३५ क्विंटल होती. तर, घेवड्याला प्रतिक्विंटलला ३५०० ते ५५०० व सरासरी ४००० रुपये दर मिळाले. 

आल्याची आवक ९० क्विंटल झाली. तर आल्याला प्रतिक्विंटलला ५००० ते ७००० व सरासरी ६००० रुपये दर मिळाले. या काळात लिंबाची आवक सर्वांत कमी झाली. लिंबाची आवक २० क्विंटल झाली असताना लिंबाला क्विंटलला ३००० ते ४००० व सरासरी ३५०० रुपये दर मिळाले. नाशिक भागातील कारल्याला मुंबईसह परराज्यांतील बाजारातून चांगली मागणी होत असल्याचे चित्र आहे. इगतपुरी, त्र्यंबकेश्‍वर, पेठ या तालुक्‍यांतून कारल्याची आवक होते. गत सप्ताहात कारल्याची ३३८ क्विंटल आवक झाली. कारल्याला क्विंटलला २०१५ ते ३१२५ व सरासरी २६७० रुपये दर मिळाले. 

थंडीचा परिणाम पालेभाज्यांवरही झाला आहे. गत सप्ताहात पालेभाज्यांची आवक खूपच कमी राहिली. या काळात जिल्ह्याबाहेरील बाजारातून मागणी वाढल्यामुळे पालेभाज्यांना तेजीचे दर मिळाले. कोथिंबिरीची सरासरी आवक ४८ हजार जुड्यांची होती. कोथिंबिरीला प्रतिशेकडा १००० ते ४८०० व सरासरी ३००० रुपये दर मिळाले. त्यानंतर शेपूची आवक २३ हजार ७०० जुड्यांची होती. 

शेपूला प्रतिशेकडा १००० ते २१०० व सरासरी १५५० रुपये दर मिळाले. याचवेळी मेथीची सरासरी आवक २२ हजार जुड्यांची होती. मेथीला प्रति शंभर जुडीस ८०० ते १८०० व सरासरी १४०० रुपये दर मिळाले. फळभाज्या व पालेभाज्यांचे दर येत्या सप्ताहात टिकून राहतील असा अंदाज बाजार समितीच्या सूत्रांनी व्यक्त केला.
 

इतर बाजारभाव बातम्या
साताऱ्यात टोमॅटो २५० ते ३५० रुपये प्रति...सातारा ः येथील कृषी उत्पन्न बाजार समितीत बुधवारी...
अकोल्यात सोयाबीन प्रतिक्विंटल ३२०० ते...अकोला ः अकोला कृषी उत्पन्न बाजार समितीत...
संक्रांतीच्या तोंडावर भाजीपाल्याची...पुणे ः गुलटेकडी येथील कृषी उत्पन्न बाजार...
औरंगाबादेत बटाटा ३०० ते ९०० रुपये...औरंगाबाद : येथील कृषी उत्पन्न बाजार समितीमध्ये...
परभणीत हिरवी मिरची प्रतिक्विंटल २२०० ते...परभणी ः येथील फळे भाजीपाला मार्केटमध्ये शुक्रवारी...
नारायणगाव उपबाजारात कोंथिबीर, मेथीतून...नारायणगाव, जि. पुणे : जुन्नर कृषी उत्पन्न बाजार...
परभणी, नांदेड, हिंगोलीत सोयाबीनच्या...परभणी : परभणी, नांदेड, हिंगोली जिल्ह्यांतील अनेक...
कळमणा बाजारात तूर प्रतिक्विंटल ४१०० ते...नागपूर ः येथील कळमणा बाजार समितीत बुधवारी (ता. ९...
आले पिकाचे दर स्थिरसातारा   ः गेल्या तीन ते चार...
कोल्हापुरात वांगे दहा किलोस १०० ते ४००...कोल्हापूर : येथील बाजार समितीत या सप्ताहात वांगी...
जळगावात गवार, भेंडी, मिरचीचे दर टिकूनजळगाव ः कृषी उत्पन्न बाजार समितीमध्ये मागील...
परभणीत वाटाणा प्रतिक्विंटल १२०० ते २०००...परभणी ः येथील फळे भाजीपाला मार्केटमध्ये शुक्रवारी...
जळगावात भेंडी प्रतिक्विंटल १५०० ते ३०००...जळगाव : कृषी उत्पन्न बाजार समितीमध्ये...
कांद्याची आवक कायम, दरांमध्ये चढउतारजळगावात ३५० ते ७०० रुपये प्रतिक्विंटलचे दर...
पपई दरांबाबत शेतकऱ्यांची...धुळे ः पपई दरांचा तिढा खानदेशात दिवसागणिक वाढत...
थंडीमुळे अंड्याच्या दरात सुधारणाअमरावती ः थंडीमुळे मागणी वाढल्याने...
साताऱ्यात शेवगा प्रतिदहा किलो ४०० ते...सातारा ः येथील कृषी उत्पन्न बाजार समितीत मंगळवारी...
औरंगाबादेत द्राक्षे प्रतिक्विंटल २८००...औरंगाबाद : येथील कृषी उत्पन्न बाजार समितीमध्ये...
परभणीत कोथिंबीर प्रतिक्विंटल १५०० ते...परभणी ः येथील जुना मोंढा भागातील फळे भाजीपाला...
राज्‍यात हिरवी मिरची प्रतिक्विंटल ७००...औरंगाबादेत प्रतिक्‍विंटल १६०० ते २५०० रुपये...