agriculture news in marathi, Nationalist Congress party to take aggressive stand against Government | Agrowon

शेतकरीविरोधी धोरणाविरुद्ध राष्ट्रवादी आक्रमक होणार
टीम अॅग्रोवन
बुधवार, 20 डिसेंबर 2017

नागपूर : राज्यातील शेतकऱ्यांबद्दलचे सरकारविरोधी धोरण, अधिवेशनातील राज्य सरकारची निष्क्रियता आणि शेतीसह इतर प्रश्नांवर आगामी काळात आणखी आक्रमक होण्याचा निर्णय राष्ट्रवादी काँग्रेसने घेतला आहे. पक्षाच्या विधिमंडळ नेत्यांच्या बैठकीत मंगळवारी (ता. १९) हा निर्णय घेतला असल्याची माहिती प्रदेशाध्यक्ष सुनील तटकरे यांनी दिली.

नागपूर : राज्यातील शेतकऱ्यांबद्दलचे सरकारविरोधी धोरण, अधिवेशनातील राज्य सरकारची निष्क्रियता आणि शेतीसह इतर प्रश्नांवर आगामी काळात आणखी आक्रमक होण्याचा निर्णय राष्ट्रवादी काँग्रेसने घेतला आहे. पक्षाच्या विधिमंडळ नेत्यांच्या बैठकीत मंगळवारी (ता. १९) हा निर्णय घेतला असल्याची माहिती प्रदेशाध्यक्ष सुनील तटकरे यांनी दिली.

या बैठकीत विधिमंडळ पक्षनेते अजित पवार म्हणाले, बोंडअळीने नुकसान झाले, त्या शेतकऱ्यांना अधिवेशन संपण्यापूर्वी मदत करावी, असा राज्य सरकारला अल्टीमेटम दिला आहे. तुडतुड्यांनी नुकसान झालेल्या शेतकऱ्यांना सरकारच्या तिजोरीतून मदत करावी, अशी मागणी सरकारकडे केली आहे. पण सरकार शेतकऱ्यांसाठी काही करताना दिसत नाही. त्यामुळे शेतकऱ्यांना न्याय देण्यासाठी अधिक आक्रमक होऊन सरकारला जाब विचारावा लागेल. अधिवेशनामध्ये राज्यातील सर्वच विभागांना न्याय मिळालेला नाही, त्यामुळे अधिवेशनाचा कालावधी वाढवून मागणार असल्याचेही अजित पवार यांनी यावेळी जाहीर केले.

तसेच विदर्भातील शेतकऱ्यांना न्याय मिळवून देण्यासाठी पक्षाने जसा सरकारवर हल्लाबोल केला तसाच भविष्यात मराठवाड्यातील शेतकऱ्यांना न्याय मिळवून देण्यासाठी सरकारविरोधी हल्लाबोल करण्याची तयारी पक्षाने करावी, असेही त्यांनी सांगितले.

तटकरे पुढे म्हणाले, संघटनात्मक बाबींचाही या बैठकीमध्ये विचार झाला, शिवाय गुजरातच्या निकालाने देशातील राजकीय ध्रुवीकरणाच्या प्रक्रियेला वेग येऊ शकतो. त्यादृष्टीने संघटनेचा पायाभूत विस्तार अधिक मजबूत करावा, अशा वेगवेगळ्या विषयांवर या बैठकीमध्ये चर्चा झाली. गुजरातच्या निकालाने भारतीय राजकारणात बदल होऊ शकतो. २०१९ ला देशातील जनता पर्यायी विचार करू शकते, गुजरातच्या निकालाने असा संदेश भारतीय राजकारणाला दिला आहे.

भाजपच्या विरोधात समविचारी पक्षांनी एकत्र येणे ही काळाची गरज आहे. काँग्रेसने या कामात पुढाकार घ्यावा हे अत्यंत आवश्यक आहे, असेही तटकरे म्हणाले. तसेच राष्ट्रवादी काँग्रेस पक्षाने काढलेल्या हल्लाबोल आंदोलनाचा धसका सरकारने घेतला हे आपल्या आंदोलनाचे यश आहे, असेही ते म्हणाले.

यावेळी सुनील तटकरे यांच्या हस्ते अजित पवार यांच्यावर काढण्यात आलेल्या ‘संघर्ष यात्री’ या पुस्तकाचे प्रकाशन करण्यात आले. या पुस्तकाची संकल्पना आमदार वैभवराव पिचड आणि आमदार निरंजन डावखरे यांची आहे. या बैठकीला विधान परिषदेचे विरोधी पक्षनेते धनंजय मुंडे, माजी विधानसभा अध्यक्ष दिलीप वळसे-पाटील, आमदार शशिकांत शिंदे, हेंमत टकले यांच्यासह पक्षाचे सर्व आमदार उपस्थित होते.

इतर ताज्या घडामोडी
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
सिंचनाच्या पाण्याचे मोजमाप करण्याच्या...शेतीमध्ये पाणी हा अत्यंत महत्त्वाचा घटक असून,...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
राज्यात काकडी प्रतिक्विंटल ४००ते २०००...नाशिकला काकडी प्रतिक्विंटल १२५० ते १७५० रुपये...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...