agriculture news in marathi, Need of new pesticide management law in country, Kishore Tiwari | Agrowon

नवा कीटकनाशक व्यवस्थापन कायदा आणा
टीम अॅग्रोवन
मंगळवार, 24 ऑक्टोबर 2017

मुंबई : नवा कीटकनाशक व्यवस्थापन कायदा अस्तित्वात आणून आरोग्य, पर्यावरण, सुरक्षित वापर, कीटकनाशक व्यवस्थापनातील निष्काळजीपणामुळे शेतकऱ्यांचे होणारे मृत्यू व जमिनीची तसेच पर्यावरण हानीची नुकसानभरपाई या तरतुदी करणे गरजेचे आहे, अशी मागणी वसंतराव नाईक शेती स्वावलंबन मिशनचे अध्यक्ष किशोर तिवारी यांनी केली आहे. 

मुंबई : नवा कीटकनाशक व्यवस्थापन कायदा अस्तित्वात आणून आरोग्य, पर्यावरण, सुरक्षित वापर, कीटकनाशक व्यवस्थापनातील निष्काळजीपणामुळे शेतकऱ्यांचे होणारे मृत्यू व जमिनीची तसेच पर्यावरण हानीची नुकसानभरपाई या तरतुदी करणे गरजेचे आहे, अशी मागणी वसंतराव नाईक शेती स्वावलंबन मिशनचे अध्यक्ष किशोर तिवारी यांनी केली आहे. 

   या संदर्भातील निवेदन तिवारी यांनी केंद्रीय निती आयोगाला सादर केले आहे.  सेंटर फॉर सायन्स अॅंड एन्व्हायर्न्मेंट (सीएसई) या देशातील अग्रगण्य संस्थेच्या अहवालाचा हवाला देत शेतकरी मिशनने कीटकनाशकांच्या असुरक्षित वापरास केंद्रीय कृषी मंत्रालय तसेच राज्याचे कृषी खाते जबाबदार असून, कीटकनाशकामुळे उद्भवणारे आजारपण आणि मृत्यू टाळण्यासाठी तातडीने कीटकनाशक व्यवस्थापनातील त्रुटी दूर होणे आवश्यक असल्याचे किशोर तिवारी यांनी नमूद केले आहे.

महाराष्ट्रातील कीटकनाशक बळींना मोनोक्रोटोफॉस, ऑक्सडिमेटॉन-मिथाईल, अॅसीफेट आणि प्रोफेनोफॉस यांसारखी कीटकनाशक जबाबदार अाहेत. यापैकी मोनोक्रोटोफॉस, ऑक्सीडिमेटॉन-मिथाईल ही कीटकनाशके जागतिक आरोग्य संघटनेने आरोग्यासाठी अत्यंत धोकादायक असल्याचे स्पष्ट केले आहे. अनेक देशांमध्ये या कीटकनाशकांना बंदी आहे. यापैकी मोनोक्रोटोफॉस या कीटकनाशकावर जगातील ६० देशांमध्ये बंदी आहे. फोरेटवर ३७, तर ट्रायझोफॉसवर ४० देशांमध्ये बंदी असूनही देशात त्यांचा वापर सुरूच आहे. याकडे सीएसईने लक्ष वेधले आहे. देशात वर्ग-१ मधील १८ कीटकनाशकांच्या वापराची मुभा आहे.

या कीटकनाशकांच्या वापरासाठी सुरक्षा उपकरणे वापरणे आवश्यक असून, छोट्या आणि अल्पभूधारक शेतकऱ्यांना ते शक्य होत नसल्याचे सीएसईने नमूद केले आहे. त्यामुळे या कीटकनाशकांवर यापूर्वीच बंदी घालणे अपेक्षित होते, असेही सीएसईने म्हटले असल्याचे तिवारी यांनी स्पष्ट केले आहे. सध्या देशभरात दरवर्षी कीटकनाशकांच्या प्रादुर्भावाच्या सुमारे १० हजार घटनांची नोंद होते. याचा दुष्परिणाम शेतकऱ्यांचे आरोग्य आणि जमिनीवर होत आहे. पेरणी झालेल्या परिसरात कॅन्सर, किडनीचे आजार होत असल्याचा जागतिक आरोग्य संघटनेचा हवालाही तिवारी यांनी निती आयोगापुढे सादर केला आहे. 

या कीटकनाशकांच्या वापरावर जगातील अनेक देशांमध्ये बंदी घालण्यात आली असली, तरी त्यांचा भारतात सहज वापर होत आहे. श्रेणी -१ (अत्यंत घातक) या सूचीमध्ये असलेल्या सात घातक कीटकनाशकांचा भारतातील वापर ३० टक्के इतका आहे. तसेच आयएआरआयच्या केंद्रीय समितीने २०१५ मध्ये ज्या कीटकनाशकांचा वापर घातक असल्याचे नमूद केले, अशा १३ घातक कीटकनाशकांच्या वापरावर महाराष्ट्रात तातडीने बंदी घालण्याची मागणीही तिवारी यांनी केली आहे.

इतर बातम्या
वादळी पावसाचा दणकापुणे : कोल्हापूर, सातारा, सांगली जिल्ह्यांत...
परिषदेत पहिल्याच दिवशी राज्य सरकारची...मुंबई : विधान परिषदेचे पहिले विरोधी पक्षनेते...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
खरेदी केंद्रांएेवजी सोयाबीनची बाजारात...जळगाव : जिल्ह्यात मका व ज्वारी खरेदीसंबंधी शासकीय...
दुष्काळी भागातील शेतकऱ्यांना मदतीची आससिन्नर, जि. नाशिक : पावसाच्या अनियमिततेमुळे खरीप...
जुन्नर तालुक्यात द्राक्ष बागांवर...नारायणगाव, जि. पुणे : जुन्नर तालुक्‍यातील द्राक्ष...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
सोलापुरात ‘स्वाभिमानी'चे उपोषण सुरूचसोलापूर : गतवर्षीच्या हंगामातील थकीत एफआरपी...
कर्जमुक्तीसह विविध मागण्यांसाठी...परभणी  : मानवत तालुक्यासह जिल्ह्यातील...
नाशिक जिल्ह्यात ३५०० द्राक्षप्लॉटची...नाशिक  : युरोपियन राष्ट्रांसह रशिया आणि अन्य...
शेतकऱ्यांनो, आत्महत्या करू नका ः आदित्य...बुलडाणा   ः तुम्ही संकटात असताना...
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
नांदेड, परभणी, हिंगोली जिल्ह्यांत...नांदेड : आधारभूत किंमत खरेदी योजनेअंतर्गत नांदेड...
कृषी क्षेत्रातील उत्पन्नाची तफावत दूर...औरंगाबाद : गेल्या कित्येक वर्षांतील परिवर्तनात...
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पालखेडमधून आज आवर्तन सोडण्याची तयारीनाशिक : पालखेड डाव्या कालव्यातून येत्या दोन...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...