अपारंपरिक ऊर्जा काळाची गरज : बावनकुळे

अपारंपरिक ऊर्जा काळाची गरज : बावनकुळे
अपारंपरिक ऊर्जा काळाची गरज : बावनकुळे

भंडारा : पारंपरिक ऊर्जेची मर्यादा लक्षात घेऊन अपारंपरिक ऊर्जा ही काळाची गरज ठरणार आहे. त्या पार्श्‍वभूमीवर शासनाने या क्षेत्राच्या विकासासाठी अनेक योजनांच्या माध्यमातून भर दिला आहे. त्यांच्या प्रभावी अंमलबजावणीसाठी महाराष्ट्र ऊर्जा विकास अभिकरण (महाऊर्जा) ही शासकीय संस्था शासन आणि नागरिकांतील दुवा म्हणून काम करीत आहे, असे प्रतिपादन ऊर्जामंत्री चंद्रशेखर बावनकुळे यांनी केले. 

भंडारा मार्गावरील महावितरणच्या विद्युतभवन इमारतीत महाऊर्जा कार्यालयाच्या उद्‌घाटनप्रसंगी बावनकुळे बोलत होते. आमदार चरण वाघमारे, बाळा काशीवार, रामचंद्र अवसरे, जिल्हा परिषद अध्यक्ष रमेश डोंगरे, जिल्हाधिकारी शांतनु गोयल, महावितरणचे मुख्य अभियंता कांबळे, मुख्य कार्यकारी अधिकारी रवींद्र जगताप, महाऊर्जाचे प्रादेशिक संचालक सारंग महाजन उपस्थित होते. महाऊर्जा कार्यालयाचे व्यवस्थापक धाबर्डे यांनी प्रास्ताविक केले.

बावनकुळे म्हणाले, ''महाऊर्जेच्या कार्यालयामुळे सौरऊर्जेबाबत सामान्यांमध्ये जागृतीचा उद्देश साधता येईल. भंडारा, गोंदिया जिल्ह्यातील शेतकरी, नागरिकांना सौरऊर्जा प्रकल्पांचा लाभ घेता येईल. त्यासाठीच्या प्रक्रियेसाठी नागपुरात येण्याची गरज देखील यामुळे उरली नाही. यामुळे अपारंपरिक ऊर्जेच्या वापरावर येत्या काळात सर्वांनी भर द्यावा.''

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com