agriculture news in marathi news regarding organic market in Sangali district | Agrowon

सांगली जिल्ह्यात सेंद्रिय शेतमालाला हवी हक्काची बाजारपेठ
अभिजित डाके
मंगळवार, 25 सप्टेंबर 2018

सेंद्रिय शेती मॉल येत्या महिन्यात सुरू होईल. या मॉलमध्ये शंभर टक्के सेंद्रिय शेतीमालाची विक्री केली जाईल. यामुळे शेतकऱ्यांना हक्काची बाजारपेठ उपलब्ध होईल.
- सुरेश मगदूम, प्रकल्प उपसंचालक,आत्मा, सांगली.

 

सांगली जिल्ह्यामध्ये सेंद्रिय शेतीमाल विक्री करण्यासाठी येथील जिल्हा अधीक्षक कृषी कार्यालयाजवळ सेंद्रिय मॉल उभाण्यात आला आहे. हा मॉल येत्या महिनाभरात सुरू होणार आहे. त्यामुळे शेतकऱ्यांना सेंद्रिय शेतीमाल विक्रीसाठी याचा फायदा होईल. मात्र, आजही सेंद्रिय शेतीमालाला ठोस अशी बाजारपेठ उपलब्ध नसल्याने तालुकानिहाय बाजारपेठ उभा करण्याची मागणी येथील शेतकरी करू लागले आहेत.

शेतकऱ्यांनी सेंद्रिय शेती करावी यासाठी आत्माअंतर्गत सांगली जिल्ह्यात २६ गटांची स्थापना झाली आहे. त्यामुळे सेंद्रिय शेती करण्यासाठी शेतकरी पुढे आले आहेत. या गटात सुमारे १०७७ शेतकरी असून १ हजार ३०० एकर क्षेत्र आहे. शेतकरी भाजीपाला, गूळ, हळद यासह अनेक पिकांचे सेंद्रिय पद्धतीने उत्पादन घेत आहेत. सध्या सेंद्रिय उत्पादित शेतीमालाला ठोस अशी बाजारपेठ उपलब्ध झाली नसल्याने शेतकरी बांधावरच शेतीमालाची विक्री करताहेत. त्यामुळे सेंद्रिय शेतीमाल विक्रीसाठी तालुकानिहाय बाजारपेठ निर्माण झाली पाहिजे, अशी मागणी शेतकरी करू लागले आहेत.

कृषी विभागाकडून सेंद्रिय शेतीचे गट स्थापन झाले. त्यांना सेंद्रिय शेती कशी करायची याचे मार्गदर्शनही मिळाले. परंतु त्याची विक्री व्यवस्था कशी करायची याबाबत ठोस असे नियोजन अद्यापही झाले नाही. जिल्ह्यात आणि जिल्ह्याबाहेर सेंद्रिय पद्धतीने पिकविलेला शेतीमाल स्वतः जावून विक्री करणे शक्‍य नाही. त्यामुळे जागेवरच विक्री करावी लागते आहे. त्यामुळे ब्रॅडिंग करणे कठीण बनले आहे. परिमाणी ग्राहकांचा शोध घ्यावा लागतो. सेंद्रिय शेतीचा गट तयार झाल्यानंतर उत्पादित झालेल्या शेतीमालाची कृषी विभागाशी संलग्न असलेल्या प्रयोगशाळेत तपासणी करून त्याचे प्रमाणपत्र दिले जाते. यामुळे उत्पादित केलेला शेतीमाल हा शंभर टक्के सेंद्रिय अाहे यावर शिक्कामोर्तब होतो.

जिल्हा प्रशासन आणि कृषी विभागाच्या माध्यमातून सेंद्रिय शेती मॉल उभारण्यासाठी पुढाकार घेण्यात अाला. मॉलसाठी जिल्हा नियोजन समितीच्या मार्फत निधी उपलब्ध करू देण्यात आला आहे. त्यानुसार सांगली शहरातील जिल्हा कृषी अधीक्षक कार्यालयाजवळ सेंद्रिय मॉलचे काम सुरू केले. हे काम पूर्णत्वाकडे आले आहे. परंतु, अजून हा मॉल सुरू होण्यासाठी एक महिन्याचा कालावधी लागणार आहे. गेल्या आठवड्यात जिल्हा कृषी कार्यालायात कृषी अधिकारी आणि खरेदीदार यांची बैठक झाली. या बैठकीत जे शेतकरी सेंद्रिय उत्पादन करतात अशा शेतकऱ्यांचे प्रमाणपत्र पाहून शेतीमालाची खरेदी केली जाईल असा निर्णय घेण्यात अाला आहे.

 

सेंद्रिय शेतीमाल विक्रीसाठी बाजारपेठ उपलब्ध नाही. त्यामुळे मालाची विक्री करण्यासाठी अडथळे निर्माण होऊ लागले आहेत. कृषी विभागाने सेंद्रिय शेतीमाल विक्री करण्यासाठी व्यवस्था करावी.
- सचिव येवले, शेतकरी, पडवळवाडी, ता. वाळवा, जि. सांगली.

 

इतर बातम्या
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
विदर्भात उद्यापासून पावसाची शक्यता;...पुणे : बंगालच्या उपसागरात तयार होत असलेली...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
विहीर अधिग्रहणापोटी आता वाढीव मोबदलानागपूर : पाणीटंचाईच्या पार्श्‍वभूमीवर अधिग्रहित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
मराठवाड्यात रब्बी पिकांची होरपळ सुरूऔरंगाबाद : मराठवाड्यातील पेरणी झालेल्या रब्बी...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
बुलडाणा जिल्ह्यात सोयाबीन खरेदी अत्यल्पबुलडाणा : जिल्हा मार्केटिंग फेडरेशनने सुरू...