agriculture news in marathi, nine people ineligible for market committee election, solapur, maharashtra | Agrowon

सोलापूर बाजारसमिती निवडणूकीसाठी नऊ जण अपात्र
टीम अॅग्रोवन
बुधवार, 6 जून 2018

सोलापूर  : सोलापूर कृषी उत्पन्न बाजार समितीच्या निवडणुकीसाठी उमेदवारी अर्ज दाखल केलेल्या माजी सभापती दिलीप माने, माजी सभापती इंदूमती अलगोंडा यांच्यासह नऊ प्रमुख उमेदवारांचे अर्ज बाजार समितीच्या थकबाकीमुळे अपात्र ठरवण्यात आले आहेत. आता या उमेदवारांना आपल्यावरील त्रुटीबाबत जिल्हाधिकऱ्यांकडे अपिल करता येणार आहे. त्यामुळे काँग्रेसच्या दिग्गज या निवडणुकीबाहेर पडल्याचे सध्याचे तरी चित्र आहे.

सोलापूर  : सोलापूर कृषी उत्पन्न बाजार समितीच्या निवडणुकीसाठी उमेदवारी अर्ज दाखल केलेल्या माजी सभापती दिलीप माने, माजी सभापती इंदूमती अलगोंडा यांच्यासह नऊ प्रमुख उमेदवारांचे अर्ज बाजार समितीच्या थकबाकीमुळे अपात्र ठरवण्यात आले आहेत. आता या उमेदवारांना आपल्यावरील त्रुटीबाबत जिल्हाधिकऱ्यांकडे अपिल करता येणार आहे. त्यामुळे काँग्रेसच्या दिग्गज या निवडणुकीबाहेर पडल्याचे सध्याचे तरी चित्र आहे.

सोमवारी छाननीच्या दिवशी दिवसभर अर्जांच्या आणि त्याच्या पात्रतेसाठी इच्छुकांनी काथ्याकूट केला. कोणाचे जात प्रमाणपत्र नाही, तर कोणाचा अर्ज चुकीच्या मतदारसंघात भरला गेला आहे, असे काहीसे निदर्शनास आले. बाजार समितीच्या या निवडणुकीसाठी तब्बल ३९३ अर्ज आले आहेत. त्यापैकी ३५ अर्ज अपात्र ठरले आहेत.

या सगळ्यामध्ये गैरव्यवहाराच्या आरोपामुळे गुन्हे दाखल झालेल्या माजी संचालकांच्या अर्जाकडेच सर्वांचे लक्ष लागले होते; पण शेवटी त्यांचे अर्ज अपात्र ठरलेच. तत्कालीन सभापती दिलीप माने, इंदूमती अलगोंडा, सिद्धाराम चाकोते, अशोक देवकते, अविनाश मार्तंडे, राजेंद्र गंगदे या तत्कालीन संचालकांवर पणन कायद्याच्या कलम ५७ (४) अन्वये एक सदस्यीय न्यायाधीकरणाने वसूलपात्र रक्कम निश्‍चित केली आहे, ही रक्कम भरण्यासाठी या तत्कालीन संचालकांना दोन वेळा नोटीसही बजाविण्यात आली होती. या कारणास्तव निवडणूक निर्णय अधिकारी ज्योती पाटील यांनी हे अर्ज अपात्र केल्याचे सांगण्यात आले.

अन्य प्रमुख उमेदवारांमध्ये दिलीप माने यांचे बंधू जयकुमार माने आणि भाचे धनंजय भोसले यांच्याकडे बाजार समितीच्या अडत्याचा परवाना असल्याने त्यांचा शेतकरी मतदारसंघातील अर्ज अपात्र केल्याचे सांगण्यात आले. माजी कृषी सभापती भीमाशंकर जमादार यांच्याकडे ओबीसीचे प्रमाणपत्र नसल्याने त्यांचा अर्ज बाद झाला.

या सर्व उमेदवारांच्या विरोधात श्रीमंत बंडगर, शिरीष पाटील, हणमंत कुलकर्णी, सविता मेंडगुदले यांनी हरकती घेतल्या होत्या. आता आक्षेप असणारे किंवा अपात्र ठरवलेल्या उमेदवारांना जिल्हाधिकाऱ्यांकडे अपिल करता येणार आहे. त्यानंतरच त्यांच्या अर्जाबाबत फेरविचार होऊ  शकतो.

इतर ताज्या घडामोडी
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...