agriculture news in marathi, Nine percent water stock decreased in fifty days | Agrowon

पन्नास दिवसांत नऊ टक्‍के पाणीसाठा घटला
टीम अॅग्रोवन
मंगळवार, 19 डिसेंबर 2017

औरंगाबाद : मराठवाड्यातील ८६४ मोठ्या, मध्यम, लघू प्रकल्पांसह बंधाऱ्यांमधील उपयुक्‍त पाणीसाठा पन्नास दिवसांत जवळपास ९ टक्‍यांनी घटला आहे. १५ डिसेंबरअखेर मराठवाड्यातील सर्वच प्रकल्पांमध्ये ५६ टक्‍केच उपयुक्‍त पाणीसाठा शिल्लक असून, ७४३ लघू प्रकल्पांध्ये ४५ टक्‍केच उपयुक्‍त पाणी असल्याची माहिती जलसंपदा विभागाच्या सूत्रांनी दिली.

औरंगाबाद : मराठवाड्यातील ८६४ मोठ्या, मध्यम, लघू प्रकल्पांसह बंधाऱ्यांमधील उपयुक्‍त पाणीसाठा पन्नास दिवसांत जवळपास ९ टक्‍यांनी घटला आहे. १५ डिसेंबरअखेर मराठवाड्यातील सर्वच प्रकल्पांमध्ये ५६ टक्‍केच उपयुक्‍त पाणीसाठा शिल्लक असून, ७४३ लघू प्रकल्पांध्ये ४५ टक्‍केच उपयुक्‍त पाणी असल्याची माहिती जलसंपदा विभागाच्या सूत्रांनी दिली.

मराठवाड्यात ऑक्‍टोबरच्या मध्यात झालेल्या परतीच्या पावसामुळे मराठवाड्यातील पाणीसाठ्यातील पाणीपातळीत वाढ झाली होती. खासकरून बीड, लातूर, उस्मानाबाद, नांदेड आदी जिल्ह्यांत परतीच्या पावसाने पाणीसाठ्यातील पाणीपातळी वाढविण्यात विशेष हातभार लावला होता. २७ ऑक्‍टोबरनंतर मात्र सर्वच पाणीसाठ्यांमधील पाणीपातळी हळूहळू कमी होण्यास सुरवात झाली. नोव्हेंबरच्या पहिल्या आठवड्यात संकल्पित साठ्याच्या तुलनेत ६४ टक्‍क्‍यांवर असलेला उपयुक्‍त पाणीसाठा डिसेंबरच्या सुरवातील ५९ टक्‍क्‍यांवर आला.

१५ डिसेंबरअखेर तो घटून पुन्हा ५६ टक्‍क्‍यांवरच आला आहे. मराठवाड्यातील मोठ्या प्रकल्पांपैकी एक असलेल्या येलदरी व ऊर्ध्व पैनगंगा प्रकल्पात प्रत्येकी केवळ १३ टक्‍केच उपयुक्‍त पाणीसाठा आहे. तर निम्न मनारमध्येही १९ टक्‍के उपयुक्‍त पाणीसाठा आहे. गतवर्षी १५ डिसेंबरअखेर ११ मोठ्या प्रकल्पांत ७० टक्‍के असलेला उपयुक्‍त पाणीसाठा यंदा मात्र याच तारखेअखेर ५९ टक्‍केच आहे.

उपयुक्‍त पाणीसाठ्याबाबत जालना, नांदेड, परभणी व हिंगोली या चारही जिल्ह्यांची स्थिती यंदा थोडी कमजोरच आहे. जालना जिल्ह्यातील ५७ लघू प्रकल्पांत १५ डिसेंबरअखेर केवळ ३१ टक्‍केच उपयुक्‍त पाणीसाठा आहे. नांदेड जिल्ह्यातील ८८ लघू प्रकल्पांत ३० टक्‍के, परभणी जिल्ह्यातील २२ लघू प्रकल्पांत २६ टक्‍के, तर हिंगोली जिल्ह्यातील २७ लघू प्रकल्पांत केवळ ३१ टक्‍के उपयुक्‍त पाणीसाठा असल्याची माहिती जलसंपदा विभागाच्या सूत्रांनी दिली.

८ मध्यम प्रकल्पांत उपयुक्‍त पाणीच नाही

औरंगाबाद जिल्ह्यातील १६ मध्यम प्रकल्पांपैकी तब्बल आठ प्रकल्पांत उपयुक्‍त पाण्याचा थेंब नाही. यामधील काही प्रकल्पांमध्ये तर यंदा उपयुक्‍त काय पाण्याचा थेंबही साठला नाही. दुसरीकडे औरंगाबाद जिल्ह्यातील ९० लघू प्रकल्पांमध्येही केवळ २५ टक्‍केच उपयुक्‍त पाणीसाठा शिल्लक आहे. त्यामुळे यंदा मराठवाड्यात सर्वाधिक टंचाईची झळ औरंगाबाद जिल्ह्यालाच बसणार हे जवळपास स्पष्ट आहे.

इतर ताज्या घडामोडी
अवर्षणाचा पिकावरील ताण कमी करण्यासाठी...कोरडवाहू शेतीत पीक उत्पादनाच्या दृष्टीने “ओल तसे...
कोल्हापुरात केळी लागवड कमी होण्याची शक्...कोल्हापूर : पुरेशा पाण्याअभावी जिल्ह्यात केळीच्या...
नगरमधील आठ तालुके अद्यापही रब्बी...नगर ः नगर जिल्ह्यामध्ये रब्बीची आतापर्यंत अवघी नऊ...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...