agriculture news in marathi, No confirm sugar associate director to sugar commissariat | Agrowon

साखर सहसंचालकाचे कामकाज पुन्हा विस्कळित
टीम अॅग्रोवन
शनिवार, 3 फेब्रुवारी 2018

पुणे : राज्याच्या साखर आयुक्तालयातील उपपदार्थ सहसंचालक कार्यालयाचे कामकाज पुन्हा विस्कळित होण्याची शक्यता आहे. या विभागाला सातत्याने पूर्णवेळ सहसंचालक मिळत नसल्याने शासन याबाबत खरंच गंभीर आहे का, असा प्रश्‍न व्यक्त केला जात आहे
.  

पुणे : राज्याच्या साखर आयुक्तालयातील उपपदार्थ सहसंचालक कार्यालयाचे कामकाज पुन्हा विस्कळित होण्याची शक्यता आहे. या विभागाला सातत्याने पूर्णवेळ सहसंचालक मिळत नसल्याने शासन याबाबत खरंच गंभीर आहे का, असा प्रश्‍न व्यक्त केला जात आहे
.  
साखर कारखान्यांनी आता उपपदार्थांवर भर द्यावा, असे केंद्र व राज्य सरकारकडून सतत सांगितले जात असते. राज्यात उपपदार्थ क्षेत्रात अनेक समस्या असतानाही काही कारखाने चांगली प्रगती करीत आहेत. उपपदार्थ क्षेत्रात काही नवे प्रकल्पदेखील येत आहेत. अर्थात, आधीच्या आणि येऊ घातलेल्या प्रकल्पांसमोर अनेक समस्या आहेत. त्यासाठी साखर आयुक्तालयात उपपदार्थ विभाग वेगळा स्थापन करण्यात आलेला आहे. या विभागाला सतत बहुतेक वेळा पालक नसल्याचे दिसून येते.

 तत्कालीन सहसंचालक शरद जरे यांची बदली झाल्यानंतर अनेक महिने उपपदार्थ विभाग वाऱ्यावर होता. याच कालावधीत राज्यातील साखर कारखाने इथेनॉल; तसेच सहवीजनिर्मिती प्रकल्पांबाबत विविध समस्या मांडत होते. मात्र, पूर्णवेळ सहसंचालक नसल्याने साखर आयुक्तालयाचा उपपदार्थ विभाग या समस्यांबाबत बघ्याची भूमिका घेत होता. 

"सहसंचालक नसल्यामुळे कारखान्यांच्या समस्यांचा पाठपुरावा करता आला नाही ही वस्तुस्थिती आहे. त्यामुळे राज्य शासनाने बी. जे. देशमुख यांची पूर्णवेळ नियुक्ती काही महिन्यांपूर्वी केली होती. उपपदार्थ विभागाची घडी बसविण्याच्या प्रयत्नात असताना आता पुन्हा श्री. देशमुख यांची बदली पुणे कृषी उत्पन्न बाजार समितीच्या सचिवपदी करण्यात आलेली आहे. त्यामुळे उपपदार्थ विभाग पुन्हा डळमळीत होईल, अशी माहिती साखर कारखान्यांच्या सूत्रांनी दिली. 

श्री. देशमुख यांची सचिव म्हणून बदली करताना साखर उपपदार्थ विभागाला नवा सहसंचालक देण्यात आलेला नाही. श्री. देशमुख यांना साखर आयुक्तालयातील उपपदार्थ विभागाचे अतिरिक्त काम बघण्याचे आदेश देण्यात आलेले आहे. त्यामुळे बाजार समितीवर लक्ष ठेवायचे की साखर कारखान्यांच्या उपपदार्थ क्षेत्राच्या समस्यांचा पाठपुरावा करायचा अशी कसरत श्री. देशमुख यांना करावी लागेल, असे सूत्रांचे म्हणणे आहे. साखर आयुक्तालयात मुळात उपदार्थ सहसंचालक कार्यालय बळकट करण्याची आवश्यकता आहे.

सहवीज विभाग आणि इथेनॉल-अल्कोहोल विभाग या दोन्ही क्षेत्रांसाठी स्वतंत्र अधिकाऱ्याची नियुक्ती करण्याची आवश्यकता आहे. "राज्याच्या साखर कारखान्यांची उपदार्थांमधील कोट्यवधी रुपयांची होणारी उलाढाल, त्यातून शासनाला मिळणारा महसूल आणि उपपदार्थ क्षेत्रातील समस्यांचा विचार करता या विभागात तांत्रिकदृष्ट्या सक्षम असे किमान दोन-तीन अधिकारी नियुक्त करण्याची गरज आहे. मात्र, सहकार विभागाने आपल्या तात्पुरत्या सोयीसाठी उपदार्थ विभाग कायम कमकुवत ठेवला. “मोक्याची पोस्ट” मिळवण्यासाठी “तात्पुरता प्लॅटफॉर्म” म्हणून या पदाचा वापर केला जात आहे," अशी माहिती सूत्रांनी दिली. 

‘पुणे बाजार समितीच्या सचिवपदी माझी नियुक्ती माझ्या विनंतीनुसार झालेली नाही. ही बदली शासनाने केली असून साखर उपपदार्थ सहसंचालकपदाचे अतिरिक्त कामही मी सांभाळणार आहे. त्यात काही अडचण येईल असे वाटत नाही.’
- बी. जे. देशमुख, साखर सहसंचालक, पुणे

इतर बातम्या
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...
खानदेशात पपईचे पीक जोमात धुळे : यंदा पपईचे पीक कमी पाऊस असतानाही सातपुडा...
नगरमधील ४३३८ शेतकऱ्यांची शेतीमाल...नगर  ः आधारभूत किमतीने मूग, उडीद, सोयाबीनची...
जळगाव जिल्ह्यात ज्वारीच्या पेरणीला...जळगाव : जिल्ह्यात रब्बीतील ज्वारी पेरणीकडे...
मराठवाडा भीषण पाणीटंचाईच्या उंबरठ्यावरऔरंगाबाद : दुष्काळाची छाया गडद झालेल्या...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
'दक्षिण व उत्तर सोलापूर तालुक्‍यांतील...सोलापूर : ‘‘दक्षिण व उत्तर सोलापूर तालुक्‍यांतील...
पुणे जिल्ह्यात रब्बीसाठी १९ हजार...पुणे : पुणे जिल्ह्यात रब्बी हंगामाची तयारी सुरू...
सोलापूर जिल्हा बॅंकेकडून ७० हजार...सोलापूर  : सोलापूर जिल्हा बॅंकेच्या सव्वा...
‘दुष्काळाच्या निकषांसाठी शासनाने...पुणे : कमी पाऊस झाल्यामुळे सरकारला दुष्काळ जाहीर...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
सोयाबीन खरेदी केंद्रे सुरू होईनातसातारा : जिल्ह्यात खरिप पिकांची काढणी अंतिम...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...