agriculture news in marathi, No relief to sugar industry in pricefall | Agrowon

साखर उद्योगाला दिलासा नाही
वृत्तसेवा
सोमवार, 16 एप्रिल 2018

साखरेचे भाव गडगडल्यामुळे निर्माण झालेल्या परिस्थितीवर तोडगा काढण्यासाठी थेट ऊस उत्पादक शेतकऱ्यांना अर्थसाह्य करण्याचा प्रस्ताव केंद्र सरकारच्या विचाराधीन होता; परंतु तो आता बारगळल्यातच जमा आहे. अशा प्रकारचे अनुदान देण्याचा तूर्तास तरी सरकारचा विचार नाही, असे केंद्रीय अन्न मंत्रालयातील अधिकाऱ्याने सांगितले. तसेच साखरेचा देशातील साठा कमी व्हावा आणि स्थानिक बाजारपेठेत साखरेच्या दरात सुधारणा व्हावी म्हणून साखर निर्यात करण्याच्या मुद्यावर सरकार ठाम आहे.

साखरेचे भाव गडगडल्यामुळे निर्माण झालेल्या परिस्थितीवर तोडगा काढण्यासाठी थेट ऊस उत्पादक शेतकऱ्यांना अर्थसाह्य करण्याचा प्रस्ताव केंद्र सरकारच्या विचाराधीन होता; परंतु तो आता बारगळल्यातच जमा आहे. अशा प्रकारचे अनुदान देण्याचा तूर्तास तरी सरकारचा विचार नाही, असे केंद्रीय अन्न मंत्रालयातील अधिकाऱ्याने सांगितले. तसेच साखरेचा देशातील साठा कमी व्हावा आणि स्थानिक बाजारपेठेत साखरेच्या दरात सुधारणा व्हावी म्हणून साखर निर्यात करण्याच्या मुद्यावर सरकार ठाम आहे. आंतरराष्ट्रीय बाजारातील साखरेचे दर पाहता कारखान्यांसाठी आता साखर निर्यात करणे तोट्याचे ठरणार असले तरी ही निर्यात केलीच पाहिजे, अशी भूमिका सरकारने घेतली आहे.  

यंदाच्या हंगामात (२०१७-१८) देशात विक्रमी २९५ लाख टन साखर उत्पादन झाल्यामुळे आणि आंतरराष्ट्रीय बाजारातील मंदीचा कल यामुळे साखरेच्या दरात मोठी पडझड झाली. त्यामुळे केंद्र सरकारने साखर आयातीवरील शुल्क दुप्पट करून ते १०० टक्के केले आणि साखरेवरील २० टक्के निर्यातशुल्क काढून टाकले. तसेच, सरकारने नुकताच प्रत्येक साखर कारखान्याला सक्तीचा कोटा ठरवून देत एकूण २० लाख टन साखर निर्यातीचा मार्ग मोकळा केला.

``काही वर्षांपूर्वी केंद्र सरकारने ऊस उत्पादकांना त्यांनी कारखान्याला घातलेल्या उसापोटी थेट अनुदान दिले होते. तशा प्रकारचे अनुदान लगेचच देण्याचा सध्या तरी विचार नाही. आम्ही नुकत्याच ज्या दोन योजना जाहीर केल्या आहेत, त्यामुळे कारखान्यांना अतिरिक्त साखर निर्यात करणे शक्य होईल व स्थानिक बाजारपेठेत दरात सुधारणा होईल,`` असे अन्न मंत्रालयातील एका वरिष्ठ अधिकाऱ्याने सांगितले.
देशात आणि आंतरराष्ट्रीय बाजारात साखरेचे दर कोसळल्यामुळे सध्या साखरेला उठाव नाही. त्यामुळे साखर कारखाने अडचणीत सापडले असून शेतकऱ्यांच्या उसाच्या पेमेंटचे सुमारे १५ हजार कोटी रुपये थकले आहेत. हे थकलेले पैसे देण्यासाठी कारखान्यांना केंद्र सरकार काही मदत करणार का, या प्रश्नावर या अधिकाऱ्याने हात वर केले. ``देशातील अतिरिक्त साखर निर्यातीच्या माध्यमातून बाहेर पाठवणे, हाच सध्या करता येण्याजोगा उपाय आहे आणि त्यासाठी सरकारने नुकत्याच दोन योजना जाहीर केल्या आहेत,`` असे सांगून त्याने एक प्रकारे सरकार या व्यतिरिक्त आणखी कोणतीही मदत करण्याच्या मनःस्थितीत नसल्याचेच स्पष्ट केले. 

``प्रत्येक कारखान्याने त्याला ठरवून दिलेल्या कोट्याइतकी साखर निर्यात केली तर २० लाख टन साखर निर्यात करण्याचे उद्दीष्ट गाठता येईल. मग देशांतर्गत बाजारपेठेत साखरेच्या किमती सुधारणा होईल. कारखान्यांना साखर निर्यातीतून जो तोटा होईल, तो नंतर देशांतर्गत बाजारपेठेत दर वाढल्यामुळे भरून निघेल,`` असे या अधिकाऱ्याने स्पष्ट केले. सध्याच्या स्थितीत आंतरराष्ट्रीय बाजारातील दरपातळी पाहिली असता कारखान्यांना साखर निर्यातीत प्रतिकिलो पाच ते सात रुपयांचा तोटा होणार आहे.

इतर अॅग्रोमनी
नियोजन, काटेकोर अंमलबजावणीतून साधला...शेतीतील वाढता खर्च ही शेतकऱ्यांसमोरची मुख्य...
हळद, मका, कापूस मागणीत वाढीचा कलएप्रिल महिन्यात हळदीची मागणी वाढत आहे. त्यामुळे...
पुढील हंगाम ७० लाख टन साखरेसह सुरू होणारकोल्हापूर : साखर हंगाम आता अंतिम टप्प्यात आला आहे...
कौशल्य विकासातून संपत्तीनिर्माणशेती-उद्योगात प्रशिक्षित मनुष्यबळ निर्माण ...
मिरज बाजारात जनावरांचे दर घटले सांगली ः चारा महागलाय, पाणी नाय, केवळ...
दुष्काळात शेतकऱ्यांसाठी लिंबाचा आधारउन्हाळ्यात लिंबाला मोठी मागणी असते. यंदाच्या...
कापूस, मक्याच्या मागणीत वाढ सध्या बाजारपेठेत मका, हळदीच्या मागणीत वाढ आहे....
कापसाच्या किमतीत आणखी सुधारणानिवडणुकीमुळे पुढील दोन महिने बहुतेक पिकांच्या...
जळगाव जिल्ह्यात हरभरा खरेदीसंबंधी तयारी...जळगाव ः जिल्ह्यात शासकीय हरभरा खरेदीसंबंधीची...
सेंद्रिय उत्पादनातून आठ वर्षात तीन...आधी शिक्षण, बहुराष्ट्रीय बॅंकेतील नोकरी यामुळे...
सुधारित जोडओळ पद्धतीमुळे कपाशीतून...सोगोडा (जि. बुलढाणा) येथील विजय पातळे या कपाशी...
कापसाच्या निर्यात मागणीत वाढीची शक्यताया सप्ताहात गेल्या सप्ताहाच्या तुलनेने सोयाबीन व...
कापूस, हळद, हरभऱ्याच्या भावात वाढया सप्ताहात गेल्या सप्ताहाच्या तुलनेने मका,...
बांबू व्यापाराला चांगली संधीयेत्या काळात राज्यातील बांबूचा व्यापार वाढवायचा...
भारतातील पाच कडधान्यांच्या हमीभावावर...वॉशिंग्टन : भारतात पाच कडधान्यांना दिल्या...
भारतीय चवीच्या चॉकलेटची वाढती बाजारपेठकार्तिकेयन पलानीसामी आणि हरीश मनोज कुमार या दोघा...
सुधारित पट्टापेर पद्धतीने वाढले एकरी ३१...पारंपरिक पद्धतीने सोयाबीन तूर हे आंतरपीक अनेक...
चीन, अमेरिकेचे कापूस उत्पादन पुढील...जळगाव : देशात ३१ जानेवारीअखेर सुमारे १८० लाख...
कापूस, गवार बी आणि हरभऱ्याचे भाववाढीचे...या सप्ताहात गेल्या सप्ताहाच्या तुलनेने साखर वगळता...
हरभरा निर्यात, स्थानिक मागणीत वाढ या सप्ताहात गेल्या सप्ताहाच्या तुलनेने मका व गहू...