agriculture news in marathi, non-cooperation Movement from 1st March in state, Maharashtra | Agrowon

एक मार्चपासून राज्यात ‘असहकार आंदोलन’
टीम अॅग्रोवन
बुधवार, 3 जानेवारी 2018

नाशिक : शेतकऱ्यांना दिलेली कर्जमाफी ही फसवी असल्याचा आरोप करीत शेतकऱ्यांना कर्जमाफी नव्हे, तर कर्जमुक्‍ती द्यावी, शेतमालाला हमीभाव द्यावा, यांसह विविध मागण्यांसाठी येत्या १६ तारखेला मुख्यमंत्र्यांशी चर्चा करण्याचा निर्णय शेतकरी सुकाणू समितीच्या बैठकीत घेण्यात आला. सरकारकडून योग्य प्रतिसाद न मिळाल्यास येत्या १ मार्चपासून सरकारशी असहकार आंदोलन पुकारण्यात येईल. या आंदोलनामध्ये मंत्री आणि अधिकाऱ्यांना राज्यात फिरू न देण्याचा इशाराही पदाधिकाऱ्यांनी दिला आहे.

नाशिक : शेतकऱ्यांना दिलेली कर्जमाफी ही फसवी असल्याचा आरोप करीत शेतकऱ्यांना कर्जमाफी नव्हे, तर कर्जमुक्‍ती द्यावी, शेतमालाला हमीभाव द्यावा, यांसह विविध मागण्यांसाठी येत्या १६ तारखेला मुख्यमंत्र्यांशी चर्चा करण्याचा निर्णय शेतकरी सुकाणू समितीच्या बैठकीत घेण्यात आला. सरकारकडून योग्य प्रतिसाद न मिळाल्यास येत्या १ मार्चपासून सरकारशी असहकार आंदोलन पुकारण्यात येईल. या आंदोलनामध्ये मंत्री आणि अधिकाऱ्यांना राज्यात फिरू न देण्याचा इशाराही पदाधिकाऱ्यांनी दिला आहे.

शेतकरी सुकाणू समितीची राज्यस्तरीय बैठक सोमवारी (ता. १) विश्रामगृहावर पार पडली. शेतकरी नेते रघुनाथदादा पाटील आणि प्रतिभा शिंदे यांच्या अध्यक्षतेखाली ही बैठक झाली. राज्यातील सरकार हे शेतकरीविरोधी असून, राज्यात अराजकता माजली असल्याचा आरोप रघुनाथदादा पाटील यांनी केला.

‘‘एकीकडे शेतकरी आत्महत्या करत असताना आमदारांची पगारवाढ, कर्मचाऱ्यांना सातवा वेतन आयोग देण्यात सरकार दंंग आहे. आमच्या पैशांवरच ही मजा सुरू असल्याची टीका करतानाच शेतकऱ्यांच्या न्यायहक्‍कासाठी हे आंदोलन केले जाणार आहे,’’ असेही पाटील यांनी स्पष्ट केले.

‘‘शेतमालाला हमीभावापेक्षा कमी किंमत दिली जात आहे. २४ तासांत शेतमालाचे पैसे देण्याचा आदेश असतानादेखील व्यापाऱ्यांकडून एक ते दीड महिना शेतकऱ्यांना पैसे मिळत नाही. अशा परिस्थितीत दबावातून कर्जवसुली, वीज थकबाकी केली जाते. ही बाब गंभीर असून, सरकारने ती तातडीने थांबवावी, अशी मागणी शिंदे यांनी केली.

राज्यात प्रत्यक्षात ८९ लाख शेतकरी असताना केवळ ६४ लाख शेतकऱ्यांचे अर्ज भरून घेण्यात आले. उर्वरित २६ लाख शेतकऱ्यांना मदतीपासून वंचित ठेवण्यात आले,’’ अशी टीका डॉ. अशोक ढवळे यांनी केली.

बैठकीला डॉ. अजित नवले, किशोर ढमाले, राजू देसले यांच्यासह २३ संघटनांचे प्रतिनिधी उपस्थित होते. येत्या १६ तारखेला मुख्यमंत्री देवेंद्र फडणवीस, तर १७ रोजी कृषी, सहकार, दुग्धविकास विभागाच्या सचिवांची भेट घेऊन मागण्यांकडे त्यांचे लक्ष वेधण्यात येईल. त्यानंतरही प्रतिसाद न मिळाल्यास सरकारविरोधी १ मार्चपासून ‘कर कर्जा नही देंगे; बिजली का बिल नही देंगे!’ या मागणीसह असहकार आंदोलन केले जाईल. आंदोलनादरम्यान, मंत्री व अधिकाऱ्यांना राज्यात फिरू देणार नसल्याचाही इशारा शिंदे यांनी दिला. 
 

इतर ताज्या घडामोडी
विधान परिषदेत शिवसेनेला 'लॉटरी'; कोकणात...मुंबई : विधान परिषदेच्या सहा जागांसाठी झालेल्या...
शेतमालाला भाव न देणारे उत्पन्न दुप्पट...भंडारा : शेतमालाला भाव नसल्याने अधिक...
भाजप हा उमेदवार आयात करणारा पक्ष : रावतेनागपूर : भाजप हा उमेदवार आयात करणारा पक्ष...
कृषी सल्ला : भात, भुईमुग, आंबा,...भात ः सध्या रोपवाटिकेसाठी शेतकऱ्यांनी तयारी सुरू...
द्राक्ष बागेत रोगांच्या प्रादुर्भावाची... सर्व द्राक्ष विभागांमध्ये...
कृषी तंत्रज्ञान पदविका अभ्‍यासक्रम...मुंबई : राहुरी येथील महात्मा फुले कृषी...
सातारा जिल्ह्यात आले लागवडीस गतीसातारा  ः उष्णतेत वाढीमुळे रखडलेल्या आले...
शेतकऱ्यांना मिळणार पाच रुपयांत पोटभर...लातूर  : शंभर-दीडशे किलोमीटर अंतरावरून आपला...
रोहित्राच्या बाॅक्समधील फ्यूज तारांच्या...परभणी ः जिल्ह्यातील कृषी पंपाना वीजपुरवठा...
नष्ट होत असलेल्या देशी वाणांचे संवर्धन...पुणे ः हरितक्रांतीच्या नादात अधिक उत्पादनाच्या...
यवतमाळ जिल्ह्यात फळबागांनी टाकल्या मानायवतमाळ  : कडाक्‍याच्या उन्हामुळे...
कागदपत्रांची पूर्तता करूनही लिलाव बंद...मालेगाव, जि. नाशिक  : मालेगाव कृषी उत्पन्‍न...
शेतकऱ्यांना ‘करार शेती’च्या माध्यमातून...नवी दिल्ली : शेतमालाचा बाजार आणि किंमतीतील...
सोलापूर बाजार समितीत ३९ कोटींचा...सोलापूर : सोलापूर कृषी उत्पन्न बाजार समितीत...
साताऱ्यात गवार २०० ते ३०० रुपये दहाकिलोसातारा : येथील कृषी उत्पन्न बाजार समितीत मंगळवारी...
देशात सर्वांत महाग पेट्रोल धर्माबादला,...नांदेड : नांदेड जिल्ह्याच्या तेलंगणा व...
पेरूबागेसाठी सघन लागवडीचे तंत्रपेरू बागेमध्ये उत्पादकता वाढवण्यासाठी सघन...
जळगाव बाजार समितीकडून आवाराबाहेर...जळगाव : फळे-भाजीपाला नियमनमुक्तीनंतर बाजार समिती...
जीएम ई. कोलाय जैवइंधननिर्मितीसाठी...जैवइंधनाच्या निर्मितीसाठी जनुकीय तंत्रज्ञानाने...
पुणे विभागात पाणीटंचाई वाढतेयपुणे : वाढत्या उन्हाबरोबरच पुणे विभागातील...