agriculture news in marathi, Nonfaith motion passed against Chairman, Jalgaon APMC, maharashtra | Agrowon

सभापतींचा राजीनामा; तरीही ‘अविश्वास’ मंजूर
टीम अॅग्रोवन
शनिवार, 4 नोव्हेंबर 2017

जळगाव : अविश्‍वास प्रस्तावावर शुक्रवारी (ता. ३) सकाळी कामकाज सुरू होण्यापूर्वी तासभर आधी कृषी उत्पन्न बाजार समितीचे सभापती प्रकाश आनंदा नारखेडे यांनी आपला राजीनामा जिल्हा उपनिबंधक यांच्याकडे सादर केला. अर्थातच अविश्‍वास प्रस्तावाच्या बाजूने १४ संचालक व विरोधात फक्त तीन संचालक असल्याने अविश्‍वास प्रस्ताव मंजूर होऊन सभापतिपदावरून पायउतार होण्याची नामुष्की टाळण्यासाठी सभापती नारखेडे यांनी हा राजीनामा दिला. परंतु, संचालकांनी आपण अविश्‍वास प्रस्तावासंबंधी मतदान प्रक्रिया पार पाडण्यास ठाम असल्याचे सांगून मतदान घ्यायला लावले.

जळगाव : अविश्‍वास प्रस्तावावर शुक्रवारी (ता. ३) सकाळी कामकाज सुरू होण्यापूर्वी तासभर आधी कृषी उत्पन्न बाजार समितीचे सभापती प्रकाश आनंदा नारखेडे यांनी आपला राजीनामा जिल्हा उपनिबंधक यांच्याकडे सादर केला. अर्थातच अविश्‍वास प्रस्तावाच्या बाजूने १४ संचालक व विरोधात फक्त तीन संचालक असल्याने अविश्‍वास प्रस्ताव मंजूर होऊन सभापतिपदावरून पायउतार होण्याची नामुष्की टाळण्यासाठी सभापती नारखेडे यांनी हा राजीनामा दिला. परंतु, संचालकांनी आपण अविश्‍वास प्रस्तावासंबंधी मतदान प्रक्रिया पार पाडण्यास ठाम असल्याचे सांगून मतदान घ्यायला लावले. त्यात १४ विरुद्ध २, असे मतदान झाले आणि सभापती नारखेडेंविरुद्धचा प्रस्ताव मंजूर झाला. 

बाजार समितीमध्ये सेना -भाजप - कॉंग्रेसने एकत्र निवडणूक लढवून सत्ता मिळविली होती. त्यात सभापतीपद एक-एक वर्षासाठी पाच संचालक भूषवतील, असा निर्णय झाला होता. पण सभापती प्रकाश नारखेडे यांनी दोन वर्षे राजीनामा दिला नाही, म्हणून १४ संचालकांचा गट एकत्र आला आणि त्यांनी नारखेडे यांच्याविरुद्ध अविश्‍वास प्रस्ताव मागील महिन्यात दाखल केला होता. त्यासंबंधी शुक्रवारी सकाळी बाजार समितीत जिल्हा उपनिबंधक विशाल जाधवर यांच्या उपस्थितीत कामकाज सुरू झाले. 

नारखेडे यांचा राजीनामा 
सभापती नारखेडे यांनी कामकाज सुरू होण्यापूर्वी आपला राजीनामा जिल्हा उपनिबंधकांकडे दिला. त्यावर जिल्हा उपनिबंधक यांनी संचालकांना अविश्‍वास प्रस्तावावर मतदान प्रक्रिया पूर्ण करायची की सभापती नारखेडे यांचा राजीनामा मंजूर करायचा, असे संचालकांना विचारले. त्यावर संचालकांनी ही राजीनामा स्वीकारण्याची व देण्याची वेळ नाही, आता अविश्‍वास प्रस्तावर मतदान घ्यावे, अशी मागणी जिल्हा उपनिबंधकांकडे केली आणि मतदान झाले. 

१४ विरुद्ध २ आणि एक अनुपस्थित
मतदान प्रक्रिया पार पडली. त्यात अविश्‍वास प्रस्तावाच्या बाजूने १४ संचालकांनी हात उंचावून मतदान केले. प्रभाकर गोटू सोनवणे हे संचालक अनुपस्थित राहिले तर प्रस्तावाच्या विरोधात फक्त स्वतः सभापती नारखेडे आणि प्रभाकर गोबजी पवार हे संचालक राहीले. १४ विरुद्ध २ असे मतदान झाल्याने सभापती नारखेडे यांना शेवटी पायउतार व्हावे लागले. तासभर कामकाज चालले. इतिवृत्त लिहिण्यात आले. त्याचे वाचन अधिकाऱ्यांनी केले. 

कैलास चौधरी प्रभारी, २१ दिवसांनंतर निवड 
सभापती नारखेडे यांना पायउतार व्हावे लागल्याने बाजार 
समितीत प्रभारी सभापतींची नियुक्ती झाली असून, उपसभापती कैलास छगन चौधरी यांच्याकडे जिल्हा उपनिबंधक यांनी हा प्रभार सोपविला आहे. आता २१ दिवसांनंतर नवीन सभापतींची निवड प्रक्रिया जाहीर होईल. 

लक्ष्मण पाटील असतील नवे सभापती
१४ संचालक हे माजी मंत्री सुरेश जैन यांच्या नेतृत्वाखाली एकत्र आले असून, त्यांनी जैन यांच्या निवासस्थानी मध्यंतरी झालेल्या बैठकीत नवीन सभापतिपदी लक्ष्मण पाटील यांची नियुक्ती करण्याचे निश्‍चित केले आहे. अर्थातच नवे सभापती लक्ष्मण पाटील असतील. तर उपसभापतिपदी भाजपचे संचालक मनोहर पाटील यांना संधी मिळणार असल्याची माहिती आहे. 

इतर बातम्या
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...
कांदा अनुदानाची मुदत ३१ डिसेंबरपर्यंत...सोलापूर   ः कांद्याचे दर घसरल्याने...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
सागरी तापमानाची जुनी माहिती मिळवणे...माहितीच्या नोंदीच्या अभावामुळे बहुतांश जागतिक...
मधमाश्यांचे सर्वेक्षण सातत्याने...गेल्या काही वर्षांमध्ये स्थानिक मधमाश्यांच्या...
बुलडाणा जिल्ह्यातील अनेक प्रकल्प कोरडेबुलडाणा : उष्णतेच्या झळा सुरू होण्यापूर्वीच...
खानदेशात तूर खरेदी केंद्रे सुरू कराजळगाव : खानदेशात तुरीची मळणी पूर्ण होत आली आहे....
शेतरस्ते, शाळांच्या कुंपणासाठी निधीची...जळगाव : शेतरस्ते, जिल्हा परिषदेच्या शाळांच्या...
ऊस गाळपात नंदुरबार जिल्हा आघाडीवरजळगाव : खानदेशात ऊस गाळपात नंदुरबार जिल्ह्यातील...
उपलब्ध साधनांना मूल्यवर्धनाची जोड द्या...औरंगाबाद : महिला बचत गटांनी उद्योगनिर्मिती व...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
ज्वार संशोधन केंद्रास आयसीएआर...परभणी ः वसंतराव नाईक मराठवाडा कृषी विद्यापीठातील...
खेड, हवेलीत मागणीनुसार टॅंकर सुरू करावेतपुणे : खेड आणि हवेली तालुक्‍यातील पाणी आणि...
अकोल्यासाठी २२० कोटींचा प्रारूप आराखडा...अकोला : यंदाच्या २०१९-२० वर्षासाठी जिल्हा नियोजन...
खासदार खैरेंनी जनतेची खैरच ठेवली नाही ः...कन्नड, जि. औरंगाबाद ः ‘‘मराठवाड्याचे प्रवेशद्वार...