चेन्नई, तमिळनाडू ः दक्षिण भारतात ईशान्य मोसमी पावसाचा जोर वाढला अाहे. मंगळवारी (ता. ३१) सकाळी साडेअाठ वाजता संपलेल्या चोवीस तासांत तमिळनाडूचा किनारी भाग अाणि पुद्दुचेरी भागात अतिवृष्टी झाली अाहे, अशी माहिती भारतीय हवामान विभागाने दिली अाहे.
चेन्नईमध्ये गेल्या चोवीस तासांत १७ सेंटिमीटर पावसाची नोंद झाली अाहे. पुढील तीन दिवस चेन्नई अाणि अाजूबाजूच्या भागांत मुसळधार पावसाचा इशारा हवामान विभागाने दिला अाहे. मुसळधार पावसाच्या पार्श्वभूमीवर चेन्नईसह कांचीपूरम, तिरुवल्लूर भागातील शाळा, महाविद्यालये बंद ठेवण्यात अाली अाहेत.
मंगळवारी (ता. ३१) सलग दुसऱ्या दिवशी पावसाचा जोर कायम राहिल्याने चेन्नई शहरात ठिकठिकाणी पूरसदृश स्थिती निर्माण झाली होती. शहरातील सखल भागातील अनेक घरांमध्ये पाणी शिरल्याने घरे खाली करण्यात अाली अाहेत. अनेक ठिकाणी वीजसेवा खंडित झाली अाहे. तंजावर जिल्ह्यात घराची भिंत कोसळून ३८ वर्षांच्या व्यक्तीचा मृत्यू झाला अाहे.
चेन्नईमधील तांबाकरम भागात दोन फुटांपर्यंत पाणी साचले अाहे. त्यामुळे वाहतूकसेवा विस्कळित झाली अाहे. पावसाचा जोर वाढत असल्याने चेन्नई शहर प्रशासनाने राष्ट्रीय अापत्ती निवारण दलाची (एनडीअारएफ) नऊ पथके पाठविण्याची विनंती केली अाहे.
मुसळधारेचा इशारा
तमिळनाडूसह पुद्दुचेरी, केरळ अाणि अांध्र प्रदेशामधील दक्षिणेकडील किनारी भागांत बुधवारी (ता. १) जोरदार पावसाचा इशारा हवामान विभागाने दिला अाहे.