खानदेशातील धरणांचा पाणीसाठा कमीच

आमच्या भागात भीजपाऊस झाला. जोरदार पाऊस या पावसाळ्यात झालाच नाही. पुढे रब्बी हंगामासाठी अपेक्षित पाणी विहिरी, कूपनलिकांना नाही. - अजित पाटील, गाळण (जि. जळगाव)
खानदेशातील धरणांचा पाणीसाठा वाढेना
खानदेशातील धरणांचा पाणीसाठा वाढेना

जळगाव : अपेक्षित पाऊस न झाल्याने खानदेशातील मोठ्या धरणांमध्ये यंदा हवा तसा जलसाठा नाही. यामुळे पुढील काळात रब्बी हंगामासह पिण्याच्या पाण्यासंबंधी अडचणी उभ्या राहण्याची शक्‍यता आहे. गिरणा, वाघूर ही जळगाव जिल्ह्यातील प्रमुख धरणे ५० टक्केही भरलेली नाहीत. धुळे जिल्ह्यातील काही प्रकल्प कोरडेच आहेत. रब्बी हंगामाचे चित्रही फारसे आशादायी नाही. केवळ तापी व गिरणा काठावरील गावांसह काळी कसदार जमीन असलेल्या भागात रब्बी हंगाम बरा राहील, असे शेतकऱ्यांचे म्हणणे आहे.

धुळे जिल्ह्यातील बुराई प्रकल्पात ८३ टक्के, जामखेडी, पांझरा, सारंगखेडा व अमरावती प्रकल्पात १०० टक्के, अनेरमध्ये ९२ टक्के,  मालनगाव प्रकल्पात ९९ टक्के जलसाठा आहे. कनोली व अमरावती प्रकल्प मात्र कोरडेच आहेत. करवंद प्रकल्पात ७१ टक्‍के, तर तापी नदीवरील सुलवाडे बॅरेजमध्ये ४६ टक्के जलसाठा आहे.

नंदुरबार जिल्ह्यातील प्रकाशा बॅरेज, रंगावली व दरा प्रकल्पात १०० टक्के, शिवन प्रकल्पात ४२ टक्के जलसाठा आहे. जळगाव जिल्ह्यातील पश्‍चिम भागातील बोरी, बहुळा, मन्याड, भोकरबारी व अंजनी प्रकल्प कोरडे आहेत. रावेर तालुक्‍यातील मंगरूळ, अभोरा व सुकी प्रकल्प १०० टक्के, गिरणा धरणात ४८ टक्के जलसाठा आहे. यावर २१ हजार हेक्‍टरवरील रब्बी पिकांचे भवितव्य अवलंबून आहे. जळगाव, जामनेरची तहान भागविणाऱ्या आणि सुमारे सात हजार हेक्‍टरसाठी लाभदायी ठरणाऱ्या वाघूरमध्ये ४७ टक्केच जलसाठा आहे. यावल तालुक्‍यातील मोर प्रकल्पात ५५ टक्के, अग्नावती प्रकल्पात ८८ टक्के, तापी नदीवरील हतनूर धरणात ९५ टक्के जलसाठा आहे. यातून रब्बीसाठी तीन आवर्तने मिळू शकतील. जामनेरातील तोंडापूर प्रकल्पात पाच, तर चोपडा तालुक्‍यातील गूळ प्रकल्पात ८६ टक्के जलसाठा आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com