agriculture news in marathi, Now fill the qualitative work of land health says Agricultural commissioner | Agrowon

जमीन आरोग्यपत्रिकेच्या गुणात्मक कामाकडे आता भर : कृषिआयुक्त
टीम अॅग्रोवन
बुधवार, 24 जानेवारी 2018

पुणे  : राज्यात शेतकऱ्यांना जमीन आरोग्यपत्रिकांचे वाटप करण्यात कृषी विभागाला संख्यात्मक चांगले यश मिळते आहे. मात्र, आता मृदा आरोग्यपत्रिका वाटप योजनेतील गुणात्मक लाभ शेतकऱ्यांना मिळवून देण्याचे आव्हान आमच्यासमोर आहे, असे राज्याचे कृषी आयुक्त सच्चिंद्र प्रताप सिंह यांनी सांगितले.

पुणे  : राज्यात शेतकऱ्यांना जमीन आरोग्यपत्रिकांचे वाटप करण्यात कृषी विभागाला संख्यात्मक चांगले यश मिळते आहे. मात्र, आता मृदा आरोग्यपत्रिका वाटप योजनेतील गुणात्मक लाभ शेतकऱ्यांना मिळवून देण्याचे आव्हान आमच्यासमोर आहे, असे राज्याचे कृषी आयुक्त सच्चिंद्र प्रताप सिंह यांनी सांगितले.

माती तपासणीसाठी शेतकऱ्यांचे आधार नंबरदेखील गोळा करण्याच्या सूचना आयुक्तांनी अलीकडेच दिल्या होत्या. अॅग्रोवनकडून जमीन सुपिकता वर्ष २०१८ साजरे केले जात असून त्यानिमित्ताने अॅग्रो अजेंडा मांडला जात आहे. त्या पार्श्वभूमीवर संवाद साधताना जमीन आरोग्यपत्रिका वाटप अभियानाच्या पुढील टप्प्याची माहिती श्री. सिंह यांनी दिली.

आयुक्त म्हणाले की, "मी अॅग्रो अजेंडा पाहिला आहे. राज्यातील शेतकऱ्यांना त्यांच्या शेतातील नत्र, स्फुरद, पालाश या मुख्य घटकांबरोबरच इतर अन्न द्रव्ये व सेंद्रिय कर्ब समजण्यासाठीच जमीन आरोग्यपत्रिकांचे वाटप करण्याचा हेतू शासनाचा आहे. आरोग्यपत्रिका वाटपासाठी दोन वर्षांपासून सुरू असलेल्या मोहिमेत आम्हाला संख्यात्मक यश मिळाले आहे. मात्र, आमचा भर आता यापुढे आरोग्यपत्रिकेच्या गुणात्मक वाढीवर राहील."

"आरोग्यपत्रिकामधील माहिती प्रत्यक्ष शेतीत कशी वापरली जाईल व मोहिमेचे काम गुणात्मक पातळीवर कसे वाढेल याचे आव्हान आमच्यासमोर आहे. त्यासाठी यंत्रणा आता विविध पातळ्यांवर कामे करीत आहे. शेतकऱ्यांच्या हातात जमीन आरोग्यपत्रिका देऊन थांबता येणार नाही. त्यातील माहितीचा वापर होण्यासाठी कोणते उपाय करता येतील हे महत्त्वाचे आहे. त्यासाठी आम्ही आढावा घेत आहोत, असेही आयुक्त म्हणाले.

"राज्यात कृषी विभागाने कृषी सेवा विक्री केंद्रचालकांना पॉस मशिन्स वाटलेल्या आहेत. या मशीनचा वापर आणि शेतकऱ्यांना देण्यात आलेली आरोग्यपत्रिका याचा परस्परसंबंध कसा जोडता येईल, याचाही विचार करावा लागेल. आरोग्यपत्रिकेवर दिलेल्या तांत्रिक माहिती व निष्कर्षांचा उपयोग शेतकरी कसे करतील, कृषी विभाग तसेच कृषी सेवा विक्री केंद्रांच्या पातळीवर शेतकऱ्याला कसे मार्गदर्शन मिळेल याची दिशा ठरविली जाईल, असेही आयुक्त श्री. सिंह यांनी स्पष्ट केले.

हरभरा क्षेत्र वाढविण्यात यश

राज्याचे हरभरा क्षेत्र सरासरी सव्वा तेरा लाख हेक्टर असताना गेल्या हंगामात १८ लाख हेक्टरवर हरभरा लागवड झाली होती. “रबी हंगामात हरभरा क्षेत्र वाढविण्यासाठी कृषी विभागाने प्रयत्न केले होते. त्यासाठी अनुदान आणि विस्तार कार्यक्रमातून माहिती देण्यात आली होती. त्यामुळे यंदा १९ लाख ५५ हजार हेक्टरपर्यंत लागवड गेली आहे. चांगले बाजारभाव, अनुकूल वातावरण, शेतकऱ्यांची जिद्द आणि कृषी विभागाच्या सहभागातून हरभरा क्षेत्र वाढले आहे,” असे निरीक्षण कृषी आयुक्त सच्चिंद्र प्रताप सिंह यांनी चर्चेत नोंदविले.

 

इतर बातम्या
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
सातपुड्यातील लघू प्रकल्पांमध्ये अल्प...जळगाव : खानदेशात नंदुरबार, धुळे व जळगाव...
नाशिकला पहिल्यांदाच मशिनद्वारे...नाशिक : कांद्याची निर्यात करण्यासाठी कांदा...
तंत्रज्ञान शेतकरी स्नेही व्हायला हवे ः...औरंगाबाद : शेतीतील प्रश्न संपत नाहीत, कालपरत्वे...
प्रात्यक्षिकांनी सुधारित तंत्रज्ञानाचे...जालना : सुधारित तंत्रज्ञानाचा व नवीन वाणाच्या...
हिंगोली जिल्ह्यात एक लाख कुटुंबांना...हिंगोली ः केंद्र शासनाची महत्त्वाकांक्षी आयुष्मान...
परभणीत पीक कर्जवाटप प्रश्नी शेतकरी...परभणी ः जिल्ह्यातील शेतकऱ्यांच्या पीक कर्जवाटप...
म्हैसाळ योजना सुरू करण्यासाठी हालचाली...सांगली ः जिल्ह्यातील ताकारी आणि टेंभू उपसा सिंचन...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...
‘जलयुक्त’ गैरव्यवहाराची फाइल पुन्हा...पुणे : जलयुक्त शिवार योजनेत बीड जिल्ह्यात...