agriculture news in marathi, the number of yarn mill reduce, khandesh, maharashtra | Agrowon

खानदेशात सूतगिरण्यांची वानवा
टीम अॅग्रोवन
रविवार, 14 ऑक्टोबर 2018

कापूस हे खानदेशचे प्रमुख पीक आहे. कापसाचा पुरवठा सर्वच तालुक्‍यांमधून होतो. जवळपास १५० जिनिंग कारखाने खानदेशात आहेत. पण सूतगिरण्या मात्र चारच आहेत. सूतगिरण्या वाढल्या तर रोजगार वाढेल, कापसाचे दर टिकून राहतील.
- संजय चौधरी, शेतकरी, खेडी खुर्द, जि. जळगाव.

जळगाव  ः खानदेशात कापूस हे प्रमुख पीक आहे. यंदा तर जळगाव जिल्ह्यातील सर्व १५ तालुके कापूस उत्पादक म्हणून शासनाने घोषित केले आहेत. वस्त्रोद्योगाला चालना देण्यासाठी शासनाने हे पाऊल उचलले. खानदेशात एकूण सात सूत गिरण्या असून, त्यापैकी चार सुरू असून, तीन बंद आहेत. बंदावस्थेतील सूतगिरण्या केव्हा सुरू होतील, हा प्रश्‍न आहे.

सद्यःस्थितीत नंदुरबार जिल्ह्यातील उंटावद-होळ येथे जयप्रकाश नारायण सहकारी सूतगिरणी उत्तमपणे काम करीत आहे. पंचतारांकित सूतगिरणी म्हणून या गिरणीने लौकिक मिळविला असून, पी. के. अण्णा पाटील यांच्यानंतर त्यांचे पुत्र दीपकभाई पाटील हे या गिरणीसंबंधीचे कामकाज पाहत आहे. धुळे जिल्ह्यात शिरपूर तालुक्‍यात प्रियदर्शिनी सहकारी सूतगिरणी आमदार अमरिश पटेल यांच्या नियोजनानुसार काम करीत आहे. शिरपुरात टेक्‍सटाईल पार्कसंबंधीदेखील मध्यंतरी कार्यवाही झाली. काही खासगी वस्त्रोद्योगातील मंडळीने कापड मिल, क्‍लस्टर सुरू केले आहेत. जळगाव जिल्ह्यात माजी मंत्री एकनाथ खडसे यांच्या दूरदृष्टीने मुक्ताईनगरनजीक संत मुक्ताई सूतगिरणी कार्यरत आहे. चोपडा तालुक्‍यात मजरेहोळनजीक माजी आमदार कैलास पाटील यांच्या प्रयत्नाने सूतगिरणी सुरू झाली आहे. यानंतर नव्या सूतगिरणीचे काम कुठेही सुरू नाही.

खानदेशात दरवर्षी ऑक्‍टोबर ते मे दरम्यान २२ ते २५ लाख गाठी (एक गाठ १७० किलो रुई) कापूस उत्पादन होते. परंतु यातील अधिकाधिक कापसाची खरेदी गुजरातमधील जिनर्स करतात. कारण, गुजरातमध्ये सूतगिरण्या वाढत आहेत. तेथे कापसाचे क्षेत्र कमी आहे, परंतु जवळपास १५४ सूतगिरण्या असल्याने कापसाची किंवा रुईची गरज अधिक आहे. खानदेशातून मोठ्या प्रमाणात कापूस तेथे जात आहे. कारण खानदेशात प्रक्रिया करायला हवे तेवढे उद्योग नाहीत.

जळगाव जिल्ह्यात तीन सूतगिरण्या अनेक वर्षांपासून बंद आहेत. त्यात खडका (ता. भुसावळ) येथील सहकारी सूतगिरणी, यावल येथील जे. टी. महाजन सूतगिरणी व नगरदेवळा (ता. पाचोरा) येथील सहकारी सूतगिरणीचा समावेश आहे. नगरदेवळा व खडका गिरणीतील साहित्य, यंत्रणेची दुरवस्था झाली आहे. जे. टी. महाजन सूतगिरणी मध्यंतरी कापूस प्रक्रिया उद्योजकांना भाडेतत्त्वावर देऊन सुरू करण्याचा प्रयत्न झाला, परंतु तो अयशस्वी ठरला.

या तिन्ही गिरण्या बॅंकांचे कर्ज थकल्याने अवसायनात गेल्या आहेत. त्या सुरू करण्यासाठी प्रयत्न होताना दिसत नसल्याने कापसाला हवे तसे दर जळगाव व धुळ्यात मिळत नाहीत. प्रत्येक तालुक्‍यात एक सूतगिरणी हवी आहे. कारण खानदेशात किमान साडेसात ते आठ लाख हेक्‍टरवर कापसाचे लागवड क्षेत्र असते. अलीकडे बागायती कापसाचे दर्जेदार व भरघोस उत्पादन शेतकरी ठिबक व इतर तंत्रज्ञानाच्या मदतीने घेत आहेत, असे जाणकारांचे म्हणणे आहे.
 

इतर ताज्या घडामोडी
सागरी नत्र साखळीतील महत्त्वाच्या...सागरी पाण्यातील अमोनिया ऑक्सिडेशन करणारे...
पुणे जिल्ह्यात ३७ लाख ३३ हजार टन ऊस...पुणे ः पुणे जिल्ह्यातील १७ साखर कारखान्यांचा गळीत...
नांदेड विभागात २८ लाख क्विंटल साखरेचे...नांदेड ः नांदेड येथील प्रादेशिक साखर सहसंचालक...
जतला पाणी देण्यास कर्नाटकचे मुख्यमंत्री...जत, जि. सांगली ः तुबची बबलेश्वर (कर्नाटक)...
राज्यात टोमॅटो प्रतिक्विंटल ३०० ते १२००...सोलापुरात सर्वाधिक दर ८०० रुपये सोलापूर ः...
दुष्काळात बॅंकांची सक्तीची वसुली थांबवा...बुलडाणा ः सध्या जिल्ह्यात दुष्काळी परिस्थिती आहे...
सव्वाआठ रुपये दर मिळाला तरच पपईची विक्रीजळगाव  : खानदेशात पपई उत्पादकांना सव्वाआठ...
केळी दरांची अंमलबजावणी होईनाजळगाव : खानदेशात केळीच्या दरांबाबत दबाव...
मराठा आरक्षण : ज्येष्ठ विधिज्ञ हरीश...मुंबई : राज्य सरकारने मराठा समाजाला शिक्षण आणि...
जिनिंग मालकाने शेतकऱ्याला घ्यायला लावली...वर्धा : एका हातात पाण्याचा ग्लास आणि दुसऱ्या...
स्वतंत्र भारत पक्षाकडून ‘आपले सरकार’चा...नगर : राज्यात आणि देशात शेतकऱ्यांची लूट करणारे...
ढगाळ वातावरण, भुरीच्या धोक्याकडे लक्ष...बंगालच्या उपसागरातून येणाऱ्या वादळाचा परिणाम...
पीकविम्याच्या हप्त्याची वेळ अत्यंत...हवामानातील विविध घटकांमुळे पिकांचे अनेक वेळा...
खानदेशात रब्बीचे ७९ टक्के क्षेत्र नापेरजळगाव :खानदेशात रब्बी पिकांमध्ये मका, गव्हाची...
फरदड कपाशीचे उत्पादन टाळावे ः कुलगुरू...नांदेड ः आगामी खरीप हंगामामध्ये कपाशीवर गुलाबी...
पायाभूत सुविधांअभावी रेशीम उत्पादक...बीड : रेशीम कोष उत्पादन वाढीसाठी महारेशीम अभियान...
‘एफआरपी’ थकविलेल्या कारखान्यांना दणकाकोल्हापूर : हंगाम सुरू होऊन दीड महिन्याचा कालावधी...
अकोल्यात ‘अात्मा’ शेतकरी सल्लागार...अकोला ः शेतकऱ्यांपर्यंत आधुनिक तंत्रज्ञान पोचवण्‍...
भंडारा जिल्ह्यातील भूजल पातळी खोलभंडारा : जिल्ह्यात सामान्य पर्जन्यमानाच्या...
साताऱ्यात गवार प्रतिदहा किलो ३०० ते ४५०...सातारा ः येथील कृषी उत्पन्न बाजार समितीत बुधवारी...