संत्रा पट्ट्यात तज्ज्ञांनी नोंदविली निरीक्षणे

संत्रा फळगळ
संत्रा फळगळ

अमरावती ः संत्रा फळगळीच्या पार्श्‍वभूमीवर डॉ. पंजाबराव देशमुख कृषी विद्यापीठाच्या तज्ज्ञांनी सातपुडा पर्वतरांगातील संत्रा उत्पादकांच्या बागांना भेटी देत त्यांना मार्गदर्शन केले. २८ ऑक्‍टोेबर रोजी या संदर्भाने ‘ॲग्रोवन’मधून वृत्त प्रकाशित करण्यात आले होते.  अमरावती, अकोला जिल्ह्यांत अपुरा पाऊस, धुके, वाढलेले तापमान या कारणांमुळे संत्रा फळांची गळ होत आहे. २० लाख रुपयांत झालेल्या सौद्यापोटी केवळ २ ते ३ लाख रुपये शेतकऱ्यांना दिले जात आहेत. यामुळे सुमारे ८५ कोटी रुपयांपेक्षा अधिकचे नुकसान झाल्याचा दावा अचलपूर परिसरातील शेतकऱ्यांनी केला आहे. येथील मधुकर नाकट यांनीही नुकसान झाल्याचे सांगितले.  याविषयी सविस्तर वृत्त ‘ॲग्रोवन’मधून २८ ऑक्‍टोबर रोजी प्रकाशित झाले होते. त्याची दखल घेत डॉ. पंजाबराव देशमुख कृषी विद्यापीठाच्या अखिल भारतीय समन्वयित संशोधन प्रकल्प (फळे) विभागाचे तज्ज्ञ डॉ. दिनेश पैठकर, डॉ. योगेश इंगळे, डॉ. उज्ज्वल राऊत यांनी संत्रा बागा असलेल्या अकोट (जि. अकोला) तालुक्‍याचा दौरा केला. सध्या फळगळ कमी असल्याचे निरीक्षण त्यांनी नोंदविले. पाऊस नसल्यामुळे या वेळी कोळशीचा प्रादुर्भाव झाल्याचे तज्ज्ञांचे म्हणणे आहे. त्यामुळे अन्नद्रव्य तयार करण्याची झाडाची क्रिया मंदावते. १५ ऑक्‍टोबरपर्यंत आंबिया बहारातील फळे निघणे अपेक्षित राहते; परंतु वातावरणामुळे फळधारणा या वर्षी उशिरा झाली. त्यासोबतच फळांना रंग येण्यासाठीदेखील संत्रा उत्पादक जास्त दिवस फळे झाडावर ठेवतात, असेही निरीक्षण तज्ज्ञांनी नोंदविले.  कृषी विद्यापीठाच्या वतीने मेळावे घेतले जावेत, अशी इच्छा शेतकऱ्यांनी  व्यक्‍त केली. त्यांच्या मागणीला सकारात्मक प्रतिसाद देत उपस्थित तज्ज्ञांनी फेब्रुवारीत अशा प्रकारचा मेळावा घेतला जाईल, असे सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com