agriculture news in Marathi, officer got promotion who engaged in watershed corruption, Maharashtra | Agrowon

पाणलोट गैरव्यवहारातील अधिकाऱ्याला चांगल्या पदाचे बक्षीस
टीम अॅग्रोवन
शुक्रवार, 8 डिसेंबर 2017

पुणे : कृषी विभागात गैरव्यवहार केल्याप्रकरणी चौकशी सुरू असलेल्या अधिकाऱ्यावर कारवाई करण्याऐवजी ‘जिल्हा कृषी विकास अधिकारी’ म्हणून पदाची बक्षिसी कोणी दिली याची जोरदार चर्चा कृषी आयुक्तालयात सुरू आहे. विशेष म्हणजे विषबाधा प्रकरणात याच अधिकाऱ्याला राज्य शासनाने निलंबित केले आहे. 

पुणे : कृषी विभागात गैरव्यवहार केल्याप्रकरणी चौकशी सुरू असलेल्या अधिकाऱ्यावर कारवाई करण्याऐवजी ‘जिल्हा कृषी विकास अधिकारी’ म्हणून पदाची बक्षिसी कोणी दिली याची जोरदार चर्चा कृषी आयुक्तालयात सुरू आहे. विशेष म्हणजे विषबाधा प्रकरणात याच अधिकाऱ्याला राज्य शासनाने निलंबित केले आहे. 

राज्याचे प्रधान सचिव बिजयकुमार यांच्याकडे यवतमाळमधील पाणलोट कामांबाबत गंभीर स्वरूपाच्या तक्रारी आल्या होत्या. कृषी मंत्रालयाने अखेर एक सप्टेंबर २०१७ रोजी यवतमाळमधील उपविभागीय कृषी अधिकारी दत्तकुमार राधाकृष्ण कळसाईत यांची विभागीय चौकशी करण्याचे आदेश दिले आहेत. ही चौकशी सहा महिन्यांत पूर्ण केली जाणार होती. 

पाणलोट गैरव्यवहाराबाबत श्री. कळसाईत यांच्यासह तालुका कृषी अधिकारी पुरुषोत्तम एकनाथ अनगाईत, मंडळ कृषी अधिकारी कैलास किसन चव्हाण आणि कृषी पर्यवेक्षक सुनील भाऊराव महल्ले यांचीही चौकशी करावी, असे मंत्रालयाने नमूद केले आहे. 

गैरव्यवहाराची चौकशी सुरू असताना श्री. कळसाईत यांच्या गळ्यात जिल्हा कृषी विकास अधिकारी पदाची माळ टाकण्यात आली. त्यांनी या पदाची सूत्रे हाती घेतल्यानंतर जिल्ह्यात अवैध बियाण्यांच्या विक्रीला ऊत आला होता, असे सूत्रांचे म्हणणे आहे.

 ‘‘कीटकनाशकांच्या विक्री व वापराचे अहवाल श्री. कळसाईत यांनी व्यवस्थित ठेवलेले नाहीत. जिल्हा कृषी विकास अधिकारी म्हणून नियोजनात चुका केल्यामुळेच त्यांना निलंबित करण्यात आले आहे. मात्र त्यांच्या बचावासाठी कृषी खात्यामधील एक लॉबी सक्रिय आहे,’’ असे आयुक्तालयातील सूत्रांनी स्पष्ट केले. 

यवतमाळ जिल्ह्यात नाला खोलीकरणाची कामे करताना कृषी खात्यामधील भ्रष्ट साखळीने राज्य शासनाच्या नियमावलींचा उघडपणे भंग केला आहे. जिल्ह्यात अंदाजे पाच कोटी रुपयांची अनियमित कामे केल्याचा संशय आहे. सध्या किरकोळ चौकशी केल्यानंतरदेखील दोन लाखाच्या कामांवर सहा-सहा लाख रुपये खर्च दाखविण्यात आल्याचे उघड झाले आहे. त्यामुळे सखोल चौकशी कशी टाळता येईल, यासाठी आयुक्तालयात लॉबिंग सुरू असल्याचे सांगितले जाते.

गुन्हा दाखल नाही; चौकशीदेखील अर्धवट 
अमरावती सहसंचालक कार्यालय तसेच पाणलोट संचालकांच्या कार्यालयाकडे प्राप्त झालेल्या अहवालानुसार दारव्हा विभागात नाला खोदाईचे दर हे मंजूर सूचीमधील तरतुदीपेक्षा जादा वापरले गेले आहेत. या प्रकरणी अद्याप गुन्हा दाखल झालेला नाही. हा गैरव्यवहार खणून काढण्यासाठी जिल्ह्यातील संपूर्ण कामांची चौकशीचे आव्हान कृषी खात्यासमोर उभे आहे. कृषी आयुक्त सच्चिंद्र प्रताप सिंह यांच्याकडून सखोल चौकशीबाबत निर्णय घेतला जाऊ शकतो, असे सूत्रांचे म्हणणे आहे.

इतर ताज्या घडामोडी
अब आया उंट पहाड के निछे; राजू शेट्टींचा...सोलापूर : शेतकऱ्यांच्या दूध दराच्या प्रश्‍...
सरकार रिलायन्स, पतंजलीच्या दुधाची वाट...नागपूर : एकीकडे समाधानकारक पाऊस पडत असताना...
शेतकऱ्यांच्या प्रश्नावर काँग्रेस-...नागपूर : कधी देणार कधी देणार...कापूस, धानाला...
पीक सल्ला१६ जुलै ते ३१ जुलैपर्यंत पेरणी लांबल्यास संकरीत...
खानदेशात दूध आंदोलनास अल्प प्रतिसादजळगाव ः खानदेशात कुठेही दूध आंदोलनाला उग्र स्वरुप...
संत गजानन महाराज पालखीचे सोलापुरात...सोलापूर : पावसाच्या संततधार सरी झेलत ‘गण गण गणात...
रस्त्यावर दूध ओतून शासनाचा निषेधसांगली ः दूध दरवाढीच्या स्वाभिमानी शेतकरी...
दूध दरप्रश्नी तारसा फाटा येथे आंदोलननागपूर  ः दूध उत्पादकांना प्रतिलिटर पाच...
पुणे जिल्ह्यात दूध दरप्रश्नी आंदोलनपुणे  ः  दूध दरप्रश्‍नी स्वाभिमानी...
दूध दरप्रश्‍नी वऱ्हाडात आंदोलनअकोला   ः दूध उत्पादकांना प्रतिलिटर पाच...
मराठवाड्यात विविध ठिकाणी दूध संकलन बंदऔरंगाबाद : दूध दरावरून पुकारल्या आंदोलनाच्या...
नगर जिल्ह्यात दूध संकलन बंदनगर  : दूध दरप्रश्नी स्वाभिमानी शेतकरी...
केनियात आढळल्या पिवळ्या वटवाघळांच्या...केनियामध्ये पिवळ्या रंगाच्या वटवाघळांच्या जनुकीय...
सातारा जिल्ह्यात दूध दर आंदोलनास मोठा...सातारा   ः स्वाभिमानी शेतकरी संघटनेने दुधाला...
झाडांच्या संवर्धनामध्ये हवामान बदलासोबत...तापमानवाढीमुळे अधिक उंचीकडे किंवा उत्तरेकडे...
नागपूर, गडचिरोलीत संततधारनागपूर  : हवामान विभागाने विदर्भात सोमवारी (...
मराठवाड्यातील २४५ मंडळांत पावसाची रिपरिपऔरंगाबाद : मराठवाड्यातील ४२१ मंडळांपैकी जवळपास...
पुणे जिल्ह्यात दमदार पाऊसपुणे   : जिल्ह्यात पावसाने दमदार हजेरी लावली...
अकोले तालुक्यात पावसाचा जोर कायमनगर   ः अकोले तालुक्याच्या पश्चिम भागात...
नांदेड, परभणी, हिंगोलीतील २६...नांदेडः नांदेड, परभणी, हिंगोली जिल्ह्यांतील २६...