agriculture news in marathi, officers absent for review meeting, akola, maharashtra | Agrowon

अकोल्यातील खरीप आढावा बैठक अधिकाऱ्यांच्या अनुपस्थितीने गाजली
टीम अॅग्रोवन
रविवार, 19 मे 2019

अकोला  ः शेतकऱ्यांच्या दृष्टीने महत्त्वाच्या असलेल्या व पालकमंत्र्यांनी आयोजित केलेल्या खरीप आढावा बैठकीला आत्मा, अग्रणी बँक, तसेच विमा कंपन्यांच्या प्रमुखांनी दांडी मारल्याची बाब समोर आली. या प्रकाराबाबत उपस्थित लोकप्रतिनिधी तसेच वरिष्ठ अधिकाऱ्यांनी नाराजी व्यक्त केली. अनुपस्थित असलेल्यांना नोटीस बजाविण्याची सूचना या वेळी करण्यात आली.

अकोला  ः शेतकऱ्यांच्या दृष्टीने महत्त्वाच्या असलेल्या व पालकमंत्र्यांनी आयोजित केलेल्या खरीप आढावा बैठकीला आत्मा, अग्रणी बँक, तसेच विमा कंपन्यांच्या प्रमुखांनी दांडी मारल्याची बाब समोर आली. या प्रकाराबाबत उपस्थित लोकप्रतिनिधी तसेच वरिष्ठ अधिकाऱ्यांनी नाराजी व्यक्त केली. अनुपस्थित असलेल्यांना नोटीस बजाविण्याची सूचना या वेळी करण्यात आली.

आगामी खरीप हंगामाच्यादृष्टीने महत्त्वाची आढावा बैठक शुक्रवारी (ता. १७) पालकमंत्री डॉ. रणजीत पाटील यांच्या अध्यक्षतेखाली आयोजित करण्यात आली होती. आमदार गोपिकिशन बाजोरीया, पालक सचिव सौरभ विजय, जिल्हा परिषदेचे मुख्य कार्यकारी अधिकारी आयुष प्रसाद या वेळी उपस्थित होते. 

बैठकीच्या सुरवातीलाच आमदार बाजोरीया यांनी गेल्यावर्षी झालेल्या कृषी महोत्सवाचा विषय उपस्थित केला. याबाबत आत्मा प्रकल्प संचालकांना त्यांनी विचारणा केली. मात्र, आत्मा प्रकल्प संचालक बैठकीला हजर नसल्याचे दिसून आले. ते बैठकीला गेले असल्याची माहिती देण्यात आली. मात्र, ही खरीप आढावा बैठक पूर्वनियोजीत व महत्त्वाची बैठक असूनही ते अनुपस्थित असल्याने लोकप्रतिनिधींनी नाराजी व्यक्त केली. त्यांना कारणे दाखवा नोटीस देण्याची सूचना या वेळी जिल्हा अधीक्षक कृषी अधिकाऱ्यांना करण्यात आली. बैठकीत गोपीनाथ मुंडे अपघात विमा योजनेचाही मुद्दा गाजला.

जिल्ह्यातून ५५ प्रस्ताव कंपनीकडे दाखल झालेले असताना केवळ पाच प्रस्ताव मंजूर करण्यात आले. कंपनीकडे ३८ प्रस्ताव प्रलंबित असून ११ प्रस्ताव शेतकरी पातळीवर असल्याचे कृषी अधीक्षक अधिकारी अरुण वाघमारे यांनी सांगितले. आलेले प्रस्ताव व मंजूर प्रस्तावांची माहिती संबंधित कंपनीच्या अधिकाऱ्याने द्यावी, असे पालकमंत्र्यांनी सुचविले असता कंपनीचा कोणीही अधिकारी या बैठकीला आलेला नसल्याचे सांगण्यात आले. याच मुद्याला अनुसरुन मुख्य कार्यकारी अधिकारी आयुष प्रसाद यांनी संबंधित अधिकारी प्रतिसादच देत नसल्याचे सांगत पालकमंत्र्यांनी याची गांभिर्यांने दखल घ्यावी, अशी विनंती केली.  

पीकविम्याच्या मुद्यावर आमदार गोपिकिशन बाजोरीया यांनी विचारणा केली. जिल्ह्यात झालेले नुकसान, मंजूर भरपाई याचा ताळमेळ बसत नसल्याची बाब त्यांनी उपस्थित केली. याविषयावरही कंपनीच्या अधिकाऱ्यास समाधानकारक माहिती देता आली नाही. पीक कर्जवाटपाचा मुद्दा उपस्थित झाला असताना जिल्हा अग्रणी बँकेचे प्रमुख उपस्थित नसल्याने हा विषयच चर्चेला घेतला गेला नाही.

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...