कृषी आधारीत ग्रामीण उद्याेजकता विकासासाठी एक हजार काेटी

पुणे ः कृषी आधारीत ग्रामीण उद्याेजकता सक्षमीकरणासाठी सहकार विकास महामंडळाने पुढाकार घेतला आहे. यासाठी राज्य शासन महामंडळाद्वारे एक हजार काेटींचा वित्त पुरवठा ग्रामीण उद्याेजकांना करणार आहे. यामाध्यामातून व्यवसाय अत्याधुनिकरणासाठी तंत्रज्ञान, यंत्रणा, मशिनरींसाठी कर्ज पुरवठा केला जाणार आहे. यासाठी एकूण भांडवलाच्या २५ टक्के स्वतःचे, २५ टक्के सहकार विकास महामंडळ आणि ५० टक्के शासन देणार आहे. सहकार विकास महामंडळाचे व्यवस्थापकीय संचालक मिलिंद आकरे यांनी ‘ॲग्राेवन’ला माहिती दिली.  याबाबतची माहिती देताना आकरे म्हणाले, की सहकार विकास महामंडळाच्या वतीने ग्रामीण उद्याेजकतेला बळकटी देण्याबराेबरच विपणनासाठी पुढाकार घेतला आहे. सद्यःस्थितीतील कृषी आधारित सुरू असलेल्या उद्याेगांची व्याप्ती वाढवून, व्यवसायवृद्धी करण्यात येणार आहे. व्यवसायवृद्धी करावयची आहे; मात्र, आर्थिक क्षमता नसलेल्या उद्याेजकांची निवड करण्यात येणार आहे. यामाध्यमातून क्लस्टर आधारित विकास करण्यावर भर दिला जाणार आहे. विविध जिल्ह्यांतील उद्याेजकांचे सर्वेक्षण करून, ही याेजना शासनाला सादर केली जाणार आहे. या याेजनेसाठी शासनाकडून एक हजार काेटींचा निधी महामंडळा मिळणार आहे. ३० जिल्ह्यांमध्ये अधिकाऱ्यांची नियुक्ती प्रत्येक जिल्ह्यांतून शेतमालाची खरेदी आणि विक्री करण्यासाठी ३० जिल्ह्यांमध्ये जिल्हा व्यवसाय आणि विपणन अधिकाऱ्यांची नियुक्ती करण्यात आली आहे, तर ६ विभागांसाठी विभागीय अधिकाऱ्यांची नियुक्ती महामंडळाद्वारे करण्यात आली आहे. हे अधिकारी प्रत्येक जिल्ह्यांतील प्रसिद्ध शेतमालाच्या विपणनासाठीचा आराखडा करणार आहेत. विकास साेसायट्यांद्वारे पंजाबमध्ये शेतमालाची विक्री अटल महापणन याेजनेअंतर्गत विकास साेसायट्यांना व्यावसायिकतेचे धडे देण्यात येणार आहे. यासाठी प्राथमिक पातळीवर पाच शेतमालांची निवड केली असून, या शेतमालाचे ब्रँडिंग, पॅकिंग आणि विक्री केली जाणार आहे. यासाठी बाजरी (परभणी), हळद (वर्धा, सांगली), ज्वारी (नगर, जामखेड), काजू (रत्नागिरी), तांदूळ (भंडारा), बेदाणा (सांगली, नाशिक) या शेतमालाची निवड करण्यात आली आहे. यासाठी शेतमाल आणि जिल्हानिहाय १० शेतकऱ्यांची निवड करण्यात आली असून, हा सर्व शेतमाल पंजाबमध्ये विक्रीसाठी पाठविला जाणार आहे. याप्रकल्पासाठी व्हिलेज साेशल ट्रान्सफॉर्मेशन फाउंडेशनबराेबर करार करण्यात आला आहे.