agriculture news in marathi, one day fast for farmers and fodder camp animals, Maharashtra | Agrowon

जनावरांसह शेतकरी करणार सोमवारी एक दिवसाचा अन्नत्याग
टीम अॅग्रोवन
सोमवार, 11 फेब्रुवारी 2019

नगर ः दुष्काळाची दाहकता अधिक वाढत असताना जनावरे जगविण्यासाठी छावण्या सुरू केल्या. प्रशासन मात्र चारा छावण्याला मान्यता द्यायला उशीर करत आहे. त्यामुळे उद्या सोमवारी (ता.११) पाथर्डी तालुक्यात लोकसहभागातून सुरू केलेल्या खोजेवाडी व भोसे, वैजुबाभूळगाव येथील जनावरांच्या छावण्यांत जनावरांसह शेतकरी एक दिवसाचा अन्नत्याग करणार आहेत. 

नगर ः दुष्काळाची दाहकता अधिक वाढत असताना जनावरे जगविण्यासाठी छावण्या सुरू केल्या. प्रशासन मात्र चारा छावण्याला मान्यता द्यायला उशीर करत आहे. त्यामुळे उद्या सोमवारी (ता.११) पाथर्डी तालुक्यात लोकसहभागातून सुरू केलेल्या खोजेवाडी व भोसे, वैजुबाभूळगाव येथील जनावरांच्या छावण्यांत जनावरांसह शेतकरी एक दिवसाचा अन्नत्याग करणार आहेत. 

नगर जिल्ह्याच्या सर्वच भागांत दुष्काळाची तीव्रता अधिक आहे. पाथर्डी, शेवगाव, जामखेड, कर्जत भागात तर चारा मिळणेही अवघड झाले आहे. त्यामुळे जनावरे जगवताना शेतकऱ्यांची कसरत सुरू आहे. सरकार काहीच करत नसल्याने पाथर्डी तालुक्यातील सामाजिक कार्यकर्ते व शेतकऱ्यांनी एकत्र येऊन खोजेवाडी व भोसे, वैजुबाभूळगाव येथे लोकसहभागातून जनावरांच्या छावण्या सुूर केल्या. दीड- दोन महिन्यांपासून केवळ लोकमदतीवर या छावण्या सुरू आहेत. सध्या दोन्ही छावण्यांत सुमारे पाचशेच्या जवळपास जनावरे आहेत. 

सरकारने फक्त दुष्काळ जाहीर केला. जनावरे जगवण्यासाठी कोणतीही उपाययोजना केली नाही. दुष्काळ जाहीर झाल्यानंतर अडीच महिन्यांनी छावण्या सुरू करणार असल्याचे सांगितले. आता प्रस्ताव मागवत आहेत. मात्र छावण्या लवकर सुरू करण्याबाबत प्रयत्नच केले जात नसल्याचा आरोप केला जात आहे. प्रशसानाची चाल पाहता अजून किमान पंधरा दिवस छावण्याला मिळणार नाही, अशी परिस्थिती आहे. जेथे गरज आहे त्याकडे जाणीवपूर्वक दुर्लक्ष केले जात असल्याने शासनाला शेतकऱ्यांना आधार द्यायचा नाही, असेच दिसत आहे. 

आम्ही आमच्या परीने उपाययोजना शोधत असताना प्रशासन मात्र जाणीवपूर्वक दुर्लक्ष करत असल्याने प्रशासकीय पातळीवर सुरू असलेल्या कारभाराचा निषेध म्हणून सोमवारी (ता. ११) लोकसहभागाने सुरू असलेल्या खोजेवाडी व भोसे, वैजुबाभूळगाव येथील जनावरांच्या छावण्यांत जनावरांसह शेतकऱी एक दिवसाचा अन्नत्याग करणार आहेत, असे छावणीचालक शरद मरकड व साईनाथ घोपडे यांनी सांगितले. 

अटींमुळे अडचण
नगर जिल्ह्याच्या सर्वच भागांत दुष्काळाची तीव्रता अधिक आहे. जनावरांच्या चाऱ्यासह पिण्याच्या पाण्याचीही तीव्र टंचाई निर्माण झाली आहे. त्यामुळे जनावरांना पाणी मिळवणेही अवघड झाले आहे. प्रशासनाने छावण्या सुरू करण्यासाठी संस्था, कारखान्यांकडून प्रस्ताव मागवले आहेत. त्यातील काही अटींमुळे संस्थांची अडचण ठरत आहेत. 

...तर पालकमंत्र्यांच्या दारात जनावरे
शेतकऱ्यांची जनावरे जगावीत, यासाठी काहीच उपायोजना केल्या जात नाहीत. छावण्यांसाठी प्रस्ताव देऊनही त्याकडे दुर्लक्ष केले जाते. सोमवारी आम्ही जनावरांसह शेतकरी अन्नत्याग करणार आहोतच, पण त्यानंतरही दखल घेतली नाही तर मात्र गुरुवार ता. १४ नंतर कधीही पालकमंत्री राम शिंदे यांच्या दारात जनावरे बांधू, असे शरद मरकड व साईनाथ घोरपडे यांनी सांगितले. शेतकरी संघर्ष समितीने प्रशासनाला याबाबत निवेदन दिले.

इतर बातम्या
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
‘सन्मान'च्या लाभार्थ्यांबाबत प्रशासन...गोंदिया : प्रधानमंत्री शेतकरी सन्मान योजनेचा लाभ...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
चैत्र यात्रेनिमित्त भाविकांनी दुमदुमला...ज्योतिबा डोंगर, जि. कोल्हापूर  : ‘...
विदर्भात वादळी पावसाची शक्यतापुणे : पूर्वमोसमी पावसाच्या सरींमुळे...
‘ॲग्रोवन'चा आज १४वा वर्धापन दिन; जल...पुणे : लाखो शेतकऱ्यांच्या कुटुंबातील घटक बनलेल्या...
यंदा बीटी कापूस बियाणे मुबलक : कृषी...पुणे : राज्याच्या कापूस उत्पादक भागातील...