साताऱ्यात अवघा एक टक्का रब्बी पीक कर्जवाटप

डी सी सी बॅंक सातारा
डी सी सी बॅंक सातारा

सातारा : रब्बी हंगामासाठी जिल्ह्यातील राष्ट्रीयीकृत, तसेच सहकारी बॅंकांकडून शेतकऱ्यांना ऑक्‍टोबर महिन्यात अवघा एक टक्का पीककर्जाचे वाटप करण्यात आले आहे. जिल्ह्यात रब्बी हंगामासाठी ११००. १० कोटी रुपये पीककर्जाचे उद्दिष्ट ठेवण्यात आले आहे. यापैकी ऑक्‍टोबर महिनाअखेर १५ कोटी ४६ लाख रुपये कर्जाचे वितरण करण्यात आले आहे.

यामध्ये सातारा जिल्हा मध्यवर्ती सर्वांत जास्त कर्जवाटप केले आहे. या बॅंकेस ५४० कोटीचे उद्दिष्ट असून, या बॅंकेने तीन कोटी २४ लाखांचे वितरण करण्यात आले आहे. राष्ट्रीयीकृत बॅंकांनी दोन टक्के उद्दिष्ट पूर्ण केले आहे. राष्ट्रीयीकृत बॅंकांना ४४२ कोटी ८५ लाखांच्या उद्दिष्टांपैकी आठ कोटी ४३ लाख रुपये वाटप केले आहेत. यामध्ये युनियन बॅंक ऑफ इंडिया या बॅंकेने सर्वाधिक दोन कोटी म्हणजेच उद्दिष्टाच्या २१ टक्के कर्जाचे वितरण केले आहे.

गतवर्षीच्या तुलनेत चार टक्के कमी कर्जवाटप करण्यात आले आहे. गतवर्षी ऑक्‍टोबरअखेर पाच टक्के कर्जवाटप केले होते. रब्बी कर्ज वितरण सुरू होऊन एक महिना उलटला असून, कर्ज वितरण करण्याची मार्चअखेरपर्यंत मुदत आहे. या मुदतीत बँका उद्दिष्ट पूर्ण करणार का ते बघावे लागणार आहे. रब्बी हंगाम हा माण, खटाव, कोरेगाव, फलटण व खंडाळा या दुष्काळी तालुक्‍यांचा प्रमुख हंगाम असल्याने या तालुक्‍यांत रब्बी कर्ज जास्त प्रमाणात वितरण केले जाणार आहे. खरिपात १२ टक्के कमी कर्ज वितरण जिल्ह्यात खरीप हंगामात ११६८.७९ कोटी म्हणजेच उद्दिष्टाच्या ७१ टक्के कर्जाचे वितरण आलेले आहे. मागील खरिपात १२५९.८३ कोटी कर्जाचे वितरण करण्यात आले आहे. म्हणजेच एकूणच उद्दिष्टाच्या ८३ टक्के कर्जाचे वितरण करण्यात आले होते. गतवर्षीच्या तुलनेत १२ टक्के कमी कर्जाचे वितरण करण्यात आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com