मोदी यांच्या सभेसाठी कांदा लिलाव बंद

मोदी यांच्या सभेमुळे कांदा लिलाव बंद
मोदी यांच्या सभेमुळे कांदा लिलाव बंद

नाशिक : नाशिक व दिंडोरी लोकसभा मतदारसंघातील महायुतीच्या उमेदवारांच्या प्रचारार्थ पंतप्रधान नरेंद्र मोदी यांची सभा सोमवारी (ता. २२) कृषी उत्पन्न बाजार समितीला लागून असलेल्या पडीक जमिनीवर झाली. या दरम्यान सुरक्षा व वाहतुकीचा प्रश्न लक्षात घेऊन बाजार समितीत कांदा लिलाव शासनाच्या आदेशाने बंद ठेवण्यात आले. त्यामुळे कांदा उत्पादकांची गैरसोय झाल्याचे दिसून आले. 

कसमादे पट्ट्यात यावर्षी अधिक प्रमाणावर कांदा लागवड झाली. कांदा उत्पादक शेतकरी कांदा विक्रीसाठी बाजारात आणत आहेत. मागील आठवड्यात १९०० वाहनांपर्यंत आवक झाली होती. मात्र, मंगळवारी (ता. २३) बाजारात १५०० च्या आसपास वाहने आली. त्यामुळे दैनंदिन आवकेत घट होणार आहे. 

कांद्याच्या मुख्य हंगामातही अनेक बाजार समित्यांमध्ये कांद्याचे लिलाव शनिवारी, अमावास्येला बंद असतात. मागील आठवड्यात रामनवमी या शासकीय सुटच्या दिवशीसुद्धा कामकाज चालू ठेवण्यात आले होते. मात्र, सभेमुळे समितीचे कामकाज बंद होते. त्यामुळे आवकेवर परिणाम झाल्याचे दिसून आले. 

जिल्ह्यातील देवळा, बागलाण, कळवण, चांदवड, दिंडोरी व निफाड तालुक्यांतील शेतकऱ्यांना हे मार्केट सोयीचे व मध्यवर्ती ठिकाणी आहे. त्यामुळे या बाजार समितीला शेतकऱ्यांची पसंती आहे. मात्र, सभेचा फटका कामकाजावर बसला आहे. सध्या बाजारभाव ५०० ते ११६७ प्रतिक्विंटल असून सरासरी बाजारभाव ९५० आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com