agriculture news in marathi, Onion growers Aggressive in Satana | Agrowon

सटाण्‍यात कांदा उत्पादकांचा सभापतींना घेराव
ज्ञानेश उगले
शनिवार, 28 ऑक्टोबर 2017

सटाणा, जि. नाशिक (प्रतिनिधी) : गेल्या तीन दिवसांपासून सातत्याने कांद्याच्या दरात होणारी घसरण व कांदा व्यापाऱ्यांकडून कांदा खरेदी करण्यास आलेल्या निर्बंधाचा उद्रेक होत सटाणा बाजार समितीत संतप्त कांदा उत्पादकांनी गुरुवारी (ता. २६) दुपारच्या सत्रात कांदा लिलाव बंद पाडले.

सटाणा, जि. नाशिक (प्रतिनिधी) : गेल्या तीन दिवसांपासून सातत्याने कांद्याच्या दरात होणारी घसरण व कांदा व्यापाऱ्यांकडून कांदा खरेदी करण्यास आलेल्या निर्बंधाचा उद्रेक होत सटाणा बाजार समितीत संतप्त कांदा उत्पादकांनी गुरुवारी (ता. २६) दुपारच्या सत्रात कांदा लिलाव बंद पाडले.

या वेळी बाजार समितीच्या प्रशासकीय कार्यालयाच्या बाहेर सभापती रमेश देवरे यांना कांदा उत्पादकांनी घेराव घातला. यामुळे तब्बल दोन तास कांदा लिलाव बंद पडले. दरम्यान, बाजार समिती सभापती देवरे यांनी कांदा विक्रेत्या शेतकरी बांधवांना विश्वासात घेऊन कांदा आवक व व्यापारी कमतरता लक्षात आणून दिल्यानंतर लिलाव पूर्ववत सुरू झाले.

सकाळी १० वाजेपासूनच कांदा व्यापाऱ्यांनी कांदा खरेदी करताना वाहनांचे निर्बंध घातले व कांदा दरदेखील सुमारे ५५० रुपये क्विंटलने घसरल्याने संतप्त झालेल्या कांदा विक्रेत्या शेतकऱ्यांनी कांदा लिलाव बंद पाडून आपला मोर्चा बाजार समिती प्रशासकीय कार्यालयावर वळविला. या वेळी बाजार समिती प्रशासक रमेश देवरे, सचिव तांबे यांना घेराव घातला. गत दोन दिवसांत कांद्याचे दर ३३०० रुपये क्विंटलवरून ५५० रुपये इतके घसरून थेट २७५० रुपये इतके झाले आहे.

याचा परिणाम कांदा उत्पादकांच्या नफ्यावर होऊन ट्रॅक्टरमागे शेतकऱ्यांचे १३ ते १५ हजार रुपयांचे नुकसान होत आहे, असे शेतकऱ्यांनी या वेळी सांगितले. त्यात कांदा व्यापाऱ्यांनी बाजार समिती आवारात कांद्याची आवक मोठ्या प्रमाणात असताना कांदा खरेदी कमी करण्याचा सपाटा सुरू केला. यामुळे संतप्त कांदा विक्रेत्या शेतकऱ्यांनी सभापती व सचिवांना जाब विचारला.

कांदा खरेदीसंदर्भात दररोज माहिती वरिष्ठ कार्यालयात देण्यात येत असल्याचीदेखील माहिती या वेळी सभापती देवरे यांनी दिल्याने शेतकऱ्यांनी आपले आंदोलन मागे घेतले. या वेळी घेराव आंदोलनात दिलीप सूर्यवंशी, मनोज सोनवणे, किरण रौंदळ, लक्ष्मण सोनवणे, रूपेश सोनवणे, प्रदीप भामरे, भूपेंद्र निकम, अनिल सोनवणे, केशव सूर्यवंशी, मोती चौधरी, संपत सोनवणे, महेश सोनवणे आदी उपस्थित होते.

दर वाढविणे हा समितीचा विषय नाही

संतप्त झालेल्या कांदा विक्रेत्या शेतकऱ्यांना बाजार समिती सभापती रमेश देवरे यांनी सामंजस्याची भूमिका घेण्याचे सांगितले. तसेच कांद्याचे दर कमी करणे व वाढविणे हा बाजार समितीचा विषय नाही. मात्र कांदा आवक मोठ्या प्रमाणात वाढली असून, मजूरटंचाईअभावी व्यापारी कांदा खरेदी कमी प्रमाणात करत असल्याचे देवरे यांनी शेतकऱ्यांनी सांगितले. अशात सटाणा कृषी उत्पन्न बाजार समितीत सद्यःस्थितीत व्यापारी कमतरतेमुळे संपूर्ण वाहने खरेदी करण्यातही अडचणी निर्माण होत असल्याची भूमिका देवरेंनी या वेळी मांडली.

कांदा व्यापाऱ्यांनी साखळी करून कांदा भाव जाणीवपूर्वक कमी करून कांद्याच्या खरेदीवर निर्बंध लादले असतील, तर कांदा उत्पादक जिल्ह्यातील बाजार समित्या बंद करतील.
- लक्ष्मण सोनवणे, कांदा उत्पादक शेतकरी

कांद्याची बाजार समितीत वाढलेली आवक, व्यापाऱ्यांना जाणवणारी मजूरटंचाई यामुळे कांदा खरेदी करण्यास व्यापाऱ्यांना अडचणी येत आहेत. तसेच कांदा व्यापारी वाढविण्यासाठी बाजार समिती प्रयत्नशील आहे.
- रमेश देवरे, सभापती, बाजार समिती सटाणा

इतर बातम्या
कुटुंब एेवजी व्यक्ती घटक माणून कर्जमाफी...नागपूर : "शेतकरी सन्मान योजने" साठी आता कुटुंब...
जात पडताळणीसाठी रक्त नात्यातील दाखला...नागपूर : रक्त नात्यातील व्यक्तीची जात पडताळणी...
सर्व इथेनॉल खरेदीची केंद्र शासनाची...नागपूर : अडचणीत असलेल्या साखर उद्योगाला...
सांगली जिल्ह्यात ठिकठिकाणी रास्ता रोकोसांगली ः स्वाभिमानी शेतकरी संघटनेने पुकारलेल्या...
नांदेड, परभणी, हिंगोलीत ‘स्वाभिमानी’चे...नांदेड ः दूध दरवाढीसाठी नांदेड, परभणी, हिंगोली...
मराठा क्रांती ठोक आंदोलकांचा दुसऱ्या...बीड ः : मराठा समाजाला आरक्षण दिल्याशिवाय शासनाने...
पीकविमा सर्व्हर ‘अंडर मेंटेनन्स’अकोला  ः या खरीप हंगामात लागवड केलेल्या...
अभिनव पद्धतीने सणसरला आंदोलनभवानीनगर, जि. पुणे   ः सणसर येथील कुरवली...
मराठवाड्यात विविध ठिकाणी चक्‍का जाम...औरंगाबाद : दूध दराच्या प्रश्नावरून ‘स्वाभिमानी’ने...
मराठा आरक्षणासाठी सरकार कटिबद्ध :...नागपूर : मराठा समाजाला शिक्षण आणि सरकारी नोकरीत...
‘स्वाभिमानी’ने रोखला महामार्गकोल्हापूर : गायीच्या दुधाला पाच रुपये अनुदान...
पुणे जिल्ह्यातील काही भागांत पावसाची...पुणे  ः जिल्ह्यातील अनेक भागांत गेल्या दहा...
वऱ्हाडात दूध दरप्रश्नी ‘स्वाभिमानी’चे...अकोला : दूधदरवाढीसाठी स्वाभिमानी शेतकरी संघटनेने...
खारपाणपट्ट्यात भूसुधारणा कार्यक्रम...अकोला  : जिल्ह्यात खारपाणपट्ट्याचे प्रमाण...
`एफआरपी`चे कारखाने संघाकडून स्वागतपुणे : साखर कारखाने अडचणीत असतानाही एफआरपीमध्ये...
कोकण, मध्य महाराष्ट्रात पावसाचा जोर...पुणे ः गेल्या दोन ते तीन दिवसांपासून राज्यातील...
साताऱ्यात ‘स्वाभिमानी’चे पदाधिकारी...सातारा : स्वाभिमानी शेतकरी संघटनेने दूध...
गनिमी काव्याने ‘जाम’पुणे: दूध उत्पादकांनी गनिमी कावा करत राज्यभरात...
...तर मुख्यमंत्र्यांच्या घरातच जनावरे...नागपूर   ः दूधदराचा प्रश्‍न येत्या सोमवार (...
राहुरी येथे सर्वपक्षीय कार्यकर्त्यांचा...नगर : दूध दरप्रश्नी स्वाभिमानी शेतकरी संघटनेतर्फे...